الــشـ قصرـــــموخ @alsh_ksrmokh

عضوة نشيطة

||| ياعالم يانااااس..ياأمهات صحصحوا..!! ||||

.

مساكم خير وصباحكم ورد ..
أول مرة أكتب موضوع صاحي دايم مواضيعي
مدري وش تبغى في الحياة <<<تحذير صحي الجملة هذي ممكن تتكرر كثير في الموضوع
الزبدة ...
قبل أسبوع من اليوم قاعدة أسولف مع بنت إختي
عن الدراسة إلا وتقول لي
وحدة من صديقاتي
كلما جينا نتكلم عن الإمتحانات وصعوبتها
تقول أنا مريحة راسي
ما آذاكر إلا يوم الإمتحان
على الساعة عشر باليل وأواصل لين الصباح
وسهلة المذااااااكرة مرة
وكل أبو داااااايم تكرر ذا الكلام
وفي يوم أغبر تقول جتني وقالت لي
تبين تصيرين زيي <<<كل المواد عندها سهلة
وبنفس الوقت تحفظين بسرعة
أبوي جاب لي حبوب مررررررررررررة حلوة
وأنا وخواتي نستخدمها <<<تدرون وش تقصد...؟!!
الحبوب المنشطة
عاد مدري هي صادقة أبوها الي يعطيها ولا لزقة السالفة فية عشان
تبين لبنت إخوي إن الموضوع آآآآمن وعااااااادي
إستغربت من كلامها .. وقلت لها انتبهي منها يمكن تقصد شي ثاني
عاد الغبية راح بالها للسحر <<<امها مسويتلها عقدة من السحر
الموهم
أمس ..
قاعدة أذاكر لواحد من عيال أخواني عمرة 13 سنة بأول متوسط
شوي يوم طفش من المذاكرة وعجز يفهم قالي بالحرف الواحد
(يابووووووووووووي بكرة بآخذ من أمي خمسين ريال وأخلي نبيل يجيبلي الحبوب الي يقول )
أنصدمت ...قلت لة أي حبوب قال حبوب
مهدية !!!

ومفتحة للمخ ..

يجيبها من برا أخوة يدرس هناك
!!!!!!!!!!
قلت بمسكة بهدوء أعصاب وأفهمة إنة غلطان وقعدت أشرح لة شرح مدري وش يبغى في الحياة
قلت لة الحبوب هذي مخدرات :mad:
قال لاااااااا
قلت أمبلى
قال اولا ماعليها إدمان بس يستخدمونها وقت الامتحان
أنا أعرف اكثر من واحد ..من آخوياي يستخدموها وعاااااادي يتركونها
ثاني شي أشكالهم عادية جداً موب أشكال مدمنين <<<متأثر بالمسلسلات
وسعرها مرة رخيص وش ذا المخدرات الي الحبة بعشرة <<<مازال متأثر بالمسلسلات
يعني بالعربي الولد فاهم انها حبوب منشطة موصين عليها من برا
زي الفياجرا أول ماطلعت برا
قبل مايجي لها وكيل عندنا في الشرق الاوسط
كانوا يوصون عليها
كارثة ...
المشكلة البنت ماينخاف عليها لاني أعرفها حذرة مرة وشكاكة
لكن المصيبة في الولد زاحف ..ومراهق ..ويبغى يجرب كل شي في الحياة
والمصيبة الاكبر إن الولد والبنت يدرسون بمدارس في آحياااااااااااااء موحترمة
وأغلب سكانها ملتزمين
وإكتشفت بعد بحث وتحري إن أغلب الطلاب في المدارس تجيهم هالعروض
أوقات الامتحانات
من طلاب منحرفين ..مدري وين رقابة المدرسة عنهم
لذلك إنتبهوا يآمهات ويآأبـاء
وأنخلوا جيوب عيالكم إذا رجعوا من المدرسة مباشرة <<<الحل الي مدري وش يبغى في الحياة
لاتعطونهم مبالغ مالها مبرر بعذر الملخصات والزي منوة
عطوهم قصص <<<مثلي مع ولد اخوي
حتى لو خيالية عن ناس تورطوا بسبب الحبوب هذي
حاولوا تعطوهم معلومات واضحة عن نوعية الحبوب لان اغلبهم ياخذها بحسن نية
دخلوهم مواقع تتكلم عن الشي هذا
ولاتقولوا نفتح مخهم على شي مايعرفوة
ترى كلهم مخاخهم<<<جمع مخ
مفتحة من زمان
وإذا تعرفون نبيل هذا بلغوا علية لاني عجزت أقنع ولد اخوي :icon33::icon33::icon33:

يلزم عليك تسجيل الدخول أولًا لكتابة تعليق.

تسجيل دخول

ام السوسو2 • 16 سنة

جزاك الله خير

ام وجه السعد • 16 سنة

الله يبارك فيك اختي وفي عيال اخوك ما قصرتي على التنبيه
والله يكفيكم ويكفي عيال المسلمين شر هذولا المفسدين لعيال المسلمين
وياليت اخوك يروح لمدير المدرسه ويقوله عن هذا اللي اسمه نبيل واللي وراء نبيل
او يبلغ فيه هيئه او مركز شرطه

الـجــــــوـري • 16 سنة

يعطيك العافيه خيتوو

والله يستر على عيال المسلمين من هالأشكال

والله المدارس مامنهاا غير المصايب ووجع الراس بس وش نقول

امي اغلى ماعندي • 16 سنة

نغمة تائهة :

لا يمكنك مشاهدة هذا التعليق لانتهاكه شروط الاستخدام.

يا إلاهي خوفتيني هذي بداية الهاوية

شقحه ووضحه • 16 سنة

شريط يوسف لصالح سمعوه عيالكم