ياعالم ياناس .....مشتاقه لأمي ..

السلام عليكم ورحمة الله وبركاته

آسفه خواتي بس ودي أفضفض ياليت تسمعوني
انا وحده متزوجه ولله الحمد وعندي بنوته جت بعد انتظار 3 سنين
ساكنه بعيد عن أهلي ماحظرت لهم مناسبات من زمان لاتمايم ولا زواج أخوي ولا عيد والسبب زوجي
لاحولا ولاقوه الابالله عنييييد وراسه يابس قبل ماكان كذا كان يسمع كلامي ويشوف ألي أبيه ويوديني لاأهلي كل إجازه لو اسبوع والحين لا من جبت بنوتتي وهو موسوس وخلاني أنا بعد أوسوس مثله يعني الهواء لاتطلعينه فيه إذا بكت تبي حليبه خناق ليش تبكي وأنتي أكيد ضاربتها ياناس معقوله به أم تضرب ضناها وهو عمره 9 شهور يعني يبيني بس أركض فيها ولاتبكي دقيقه ولاشغل بيت ولاشي واذا ما اشتغلت بالبيت زعل وصار يقول هذا مانظفتيه وهذا غسليه يعني يضغطن وهو يقول بس صيري عند بنتك لاتبكي
غير هذا اشتقت لأمي
هي ماتقدر تجي عندي لانه تدرس تحفيظ قرأن وأخواني تزوجوا وانشغلوا بعيالهم وببيوتهم وأمي مالقت أحد يجيبه وأقول لزوجي ودني له أو أحجز لي بالنقل الجماعي وانا أدبر نفسي ويقول لا بنتي ماتطلع من بيته وأمك خليه تجي عندك وخلاص سكري على الموضوع
والمشكله يقول لي كلام حلو ويقول مأقدر استغني عنكم وهو كذاب كل وقته عند النت والتلفزيون وأنام وهو قاعد عند التلفزيون ومادري كيف أقنعه أبي أمي
أعوذ بالله من الشيطان حاسه اني مابشوفه الدنياء صارت تخوف
مادري كيف أقنع زوجي تكفون قولوا لي
أنا ماشفته من شهر 10 ومشتاقه له بالحيل
والله إني دايم ابكي مادري وش فيني
صدق الواحد مايعرف قيمه الشخص الا اذا أبعد عنه
ادعوا ان الله يجمعني فيها وهي وأخواني بخير وصحه وادعوا ان ربي يهدي زوجي ويرجعه مثل ماكان
اللهم آمين