ياعرايس ويامتزوجات... وش اخذتوا معكم للقاعه يوم الزواج؟؟؟

ااااب

مو متزوجه بس هالاشياء كل الناس تعرفها

اكيد لازم تسوي بروفه للمكياج والتسريحه والزفه تتدربين عليها عشان تكوني مرتاحه اكثر وراحت الرهبه

الاشياء الضروريه اكيد عطر ودهن عود وبعض المكياج للرتوش فقط
ابره وخيط سبحان الله يمكن ينفك شيء للأحتياط
كيف تطلعين بفستان الزواج مو صعبه شيلي الجيبون بس ويكون مثل اي فستان عادي بس منفوش خفيف
الاسشوار اول بعدين التسريحه والمكياج او الاسشوار بعدين مكياج وبعدين تسريحه
التصوير يكون بوقت كافي عشان ماترتبكين وعشان تنوعين بالحركات وبل خلفيات ويصور معاك زوجك و من الاهل والصديقات اللي تبين
الزفه مثصل ماقلت لازم بروفه عشان تتعلمين كيف تمشين وانتي بالفستان اللي وش كبره
والزفه اكيد لها رهبه حتى وانتي تعرفين زوجك الرهبه من الحضور من خوف اني شكلي مايعجبهم ومن خوف المقارنه بينك وبين زوجك بعد خوفك من انك تطيحين هاذي مشاكل تواجه كل عروس عمومآ
متى تطلعين من عند الحريم لاتطولين اذا بيطلع معاك اقعدو بعد الزفه ساعه الاربع يالله يمديكم تصورون وتسلمون وتقعدون شوي اذا بتطلعين لحالك وبعدين يجي هو بعد الزفه احسبي ربع ساعه وخليه يدخل واقعدو شوي متى ماخلصتو من التصوير والسلام واطلعو

المهم نصيحه لاتأخذين حبوب مهدئه قريبتي اخذتها انهبلت يوم الزواج بنسكتها ماقدرنا من الضحك والهبال اللي سوته هذا قبل حاله التبلاد اللي صابها وربي كنها سكرانه

انا بحكيلك عن زوارتي لان زواجي عايلي

اولاً....
وش الاشياء اللي اخذتيها معك معك لقاعة الزواج؟؟؟
والاشياء اللي نسيتيها؟؟؟
والاشياء اللي تحسفتي ((ندمتي)) انك سويتيها أو ماسويتيها؟؟؟

كل شي اخذته الى الصمغ حق الكعوب سبحان الله خفت من سوء حظي ينكسر
استشوار شامبو - مناديل مكياج - مكياجي العادي عشان اعدل اي شي - ليفه وصابون
روب استحمام - بدله وصندلها وشنطتها - خيط وابره .. ماتتصورين كل شي اخذته


ثانياً...
متى بدت زفتك؟؟
متى طلعتي من عند الحريم؟؟

الزفه 12 وشوى وطلعت قبل العشا ورقصت واستانست مع البنات

ثالثاً...
كيف طلعتي بفستان الزواج؟؟؟؟؟؟؟؟؟؟؟؟؟؟؟
احس انه متعب مررررررررررررررره؟؟
مستحيل اسويها بزواجى غيرت ولبست فستان نعوم

رابعاً...
متى بديتي بالميك اب والتسريحه؟؟وأيهم قبل؟؟
والتصوير بعد متى بديتي فيه؟؟؟

الميك اب بديت 6 والشعر تقريبا 7ونص بس طلبتها تتستشور شعري قبل تمكيجنى
ولبست على طول وتقريبا 9 خالصه كلش وبديت اصور

خامساً...
عملتي بروفه للزفه؟؟ قبل كم يوم من الزواج؟
وهل الزفه مرعبه زي مانا متخيله؟؟
هل أخذتي حبوب مهدئه؟؟ ممكن اعرف اسمها؟؟

انا ماسويت لان زفتى سهل ايقاعاتها وكنت اعرف متى راح ابدا امشي
ومتى راح اوقف ... ومجربه مع اخواتى وبنات خالتى كيف المشي عالزفه
ولاهى تخوف ولاشي بالعكس احساس حلو تمشين وكلن يطالعك ^_^
وانتبهى من الحبوب لاتحوسك

سادساً...
الله يوفقك انشاء الله وتزوجون بناتكم..
واللي ماتزوجت يقرب حظها وتتزوج قريب بإذن الله..

تسلمين على الدعوه الحلوة اللي زيك

صباح النوووووور
بقليك عن تجربتي ان شاء الله تلاقين اللي ينفعك فيها
اولا
اخذت معي شنطه سحب صغيره.....وشنطه اصغر تنحط فوقها فيها ذهبي
وشنطة مكياجي... وبدلة الزواج
الشنطه السحب كان فيها فستان ابيض نعوم(لبسته يوم كنت طالعه من الزواج)وعبايتي حقت السهرات(نسيت اني اخذ شنطه صغيره تنفع للجوال والاشياء الصغيره المهمه)
مكواة صغيره تنفع لسفر
وجزمه تنفع للفستانين
وسجادة صلاة وشرشف(تصلين وتدعين ربك بالتوفيق احسن من ضياع الوقت بالانتظار)
مصحف صغير(احرصي انك تقرين سورة يس وسورة النور<<<لها مفعول سحري)
ورقة اذكارالليل والنهار.... لانك بتنسين كل شي
اممممم ايش كمان
(شنطه فيها سحاب صغيره حطي علب صغيره شامبو وبلسم وفرشة ومعجون اسنان وديودرنت (من النوع المانع للتعرق)
ولا تنسين عطورك( ترى هذي حفله بحد ذاتها)
خشب عوده(ما انصحك ابد تدخنين بالفستان )<<< لانه بيصفر لونه وانتي دافعه فيه مبلغ وقدره
ادخني بشرشف الصلاة
دهن عود ( شوفي بنات حواء عليهم فن ما قد شفته بالشغلات هذي... سوي بحث بتلاقين اشياء عجيبه.....بس فيه واحد من الرصاصي فظيع دهن ورد على دهن عود على شي عجيب)
جيبي مبخره صغيره احطياط بلكهرياء(انا حاطتها من اغراض الفندق)
ونسيت البس السوتيان الخاص بالفستان(هذي عاده منتشره بالعائله ...اختي نسيت جيبونها)
لازم تراجعين من بدري وتتاكدين من اكسوارات الشعر
والاشياء اللي تحسفت عليها اني ما قلت للكوافيره اني بنزف الساعه 9
لانها ما شرفت الهانم الا وحده وفوق
والمكياج شرفت 12 ونص
بس من رحمت ربي كان زواجي بجده .... وعادي عندهم الزفه الساعه 2 او 3
شي ثاني ضاع على وقت التصوير المفروض يكون قبل الزفه
وتقعدين مع زوجك مالا يقل عن 20 دقيقه
عشان يروح التوتر
ثانيا
زفتي كانت 2ونص وفوق(طبعا كان زفت ) لان البفيه المفروض ينفتح الساعه 2
وطلعت من عند الحريم على طووووووول عشان يمديني اتصور
وطبعا اذن الفجر وانا ما خلصت
انحرمت من التصوير مع ابوي واخواني( وباقي العيله) :(
(بس اتصورت شوي بالكوشه معاهم) :30:
ثالثا
ما طلعت بفستان الزفه( غيرت ولبست واحد نعوم مبين جسمي .... طبعا فكيت الطرحه و فكيت الطقم الكبير اللي على .. وخليت الحلق والخاتم والاسوره)
اممم رابعا جاوبته فوق
خامسا
عملت بروفه يمكن قبل شهر( وهذا يعتمد على القاعه اذا كان عندهم سنع اولا)
الصراحه ترتيب الزفه كان75% منهم

الزفه ماهي مرعبه بس كانت شي خيالي
اهم شي حاولي تستمتعين.. واذكري انها لليله بالعمر مافي ثانيه زيها
اسعدي نفسك قد ما تقدرين
لا ماخذت شي مهدئ كفي الاذكار والقران لها مفعول السحر عليكي
واهم شي صراحه.... رضا الوالدين ومن هم في مكانهم
يعني حاولي ترضينهم... وبتلاقين نفسك مرتاحه

وهنا خلصت اتمنى اني افتدتك بتفاصيل
والله يوفقك ويسعدكي و يتمم ليلتكي على خير
عل فكره قوم اخر الليل وادعي ربك يسهلك ويسرلك كل شي فيه خير لكي
والله هو اللي بيده كل شي

انتظروني الشهر الجااي اقول لكم بس مااعتقد اخذ شي معي

بطلع من الصالون علي صاله العرس وكل شي جاهز ومن الصاله علي الفندق ويكون خواتي محضرات شنطف فيه مكياجي وقميص ودراعه فوطه يعني اشاء ضروريه بس هم انتظروني

يمكن اسوى غير جذي ههههههههههههه