حدونه الف مبروك والله يتمم لك على خير
لبس البيت كذا مضبوط بس خوذي لك ملابس طلعات فخمه مو حقات سهره لا للزيارات الاشهر الاولى لو انعزمتو مناسبه او كذا خوذي تقريبا 5 على حسب عاداتكم وكم مره تنعزمون
وخوذي لبس لزيارات اهلك واهله تكون منوعه وناعم وهذي كثري منها اذا بتزورين اهلك واهله كثير
والشنط الطلعات خوذي الوان اساسيه مع كعوب تمشي مع كل الالوان
بني او بيج
اسود او ابيض
مع الوان ثانيه تحبين
ولبس البيت اذا كان عندك شي للطعات زمان ويصلح تاخذينه خوذيه معك للبيت تكونين وفرتي قيمة لبس البيت
علموم الله يوفقك ويتمم لك على خير يارب...بقطتكم

باك لعيون هلاليه كول والصبايا الي محتاجين هالشي
اولا حبيبتي ودعي الكسل تراه شعور طبيعي الوحده تحس بخمول وملل قبل الزواج انتي حاولي الحين تبدين ببعض الاشياء
كتبت كثير عنها هذي بس لعيونك بعيدها
ابدي بشنط السفر خوذي لك طقم حلو الي يججي شنط مقاسات هذي الافضل روحي للشماسي وفيه قزاز اوقات يسوي عروض
بعدين ابدي بلبس البيت والملابس الداخليه وقمصان النوم حددي 3 الاف للبس البيت و3 الاف لبس النوم وتقدرين توزدين وتنقصين على حسب مهرك طبعا
ملابس البيت الانسب لك لو عندك لبس زمان حلو ويصلح تاخذينه خوذه وزودي عليه من الاشياء الي ماهي عندك مثل الشوتات الي مره قصيره وكذا
انا اشوف افضل شي
5 فساتين قصيره الوان +واحد اواثنين طوال مجرد تغير وتقدرين تشتفيدين منها للطلعات بعد
5 براميد من جنزات وستان واقمشه عاديه
3 طوال واحد جنز عادي واحد او اثنين الوان مختلفه
7 او8 شورتات لان المتزوجات انسب لهم الي نص الفخذ مره قصيره
وخوذي معهم 5 او 6بلايز وبديهات تنوعين منها
وهذي روحي لسيتي ماكس والهرم اوقات ينزلون بضايع مرره مناسبه للبيت

الملابس النوم
والملابس الداخليه
10 اطقم قطنيه للبيت وللطلعات مع زوجك مهمه لانها مريحه وصعب تطلعين بشي يقلقك ويتعبك
5 اطقم مع فساتين السهرات وهذي خليها اخر شي تطقمينها مع ملابسك والافضل الوان الرسميه
الابيض او السكري
اسود بني بيج رمادي

قمصان النوم
واحدحق اول ليله طبعا
4 او5 طوال لانك بتلبسينه اقل شي اول اسبوع

20 قمصان نوم منوعه بين القصير فوق وتحت الركبه والميدي
نوعي بالالوان وانواع الاقمشه بس خلي اغلبها الحريررر
وتقدرين طبعا تزودين وتنقصين حسب ميزانيتك

ملابس الخروج خوذي 5 للطلعات العزايم الكبيره لوانعزمتي مكان
وخوذي 10 ل15 للطلعات العاديه تكون حلوه ونعومه اذا بتزورين صديقاتك واهلك واهله

الشنط خوذي ثنتين مريحه وعمليه وسيرها طويل للطلعات مع زوجك وركبي معها جزم فلات الله يكرمك او سبورت على حسب الي يريحك وخوذي شرابات معها

شنط الطلعات هذي الهوووووس حقتي اعشقها واول مايلفت انتباهي الشنطه = واحس كل الناس مثلي مدري انا غير

خوذي الوان مناسبه والافضل الساده
البني او البيج واحدد منهم لاتغلطون وتاخذون ثنتين ترا الي يركب مع البني يركب مع البيج
اذا لقيتي وحده تشمل اللونين سوا حلو لو مالقيتي خوذي وحده تكفي من هالون
+ ابيض او اسود او الونين كلهم
+ رمادي + كحلي +اي لون تحبين مميز زياده
وارجع واقول على حسب ميززانيتك
اما الجزم الله يكرمكم ركبي لي من محلات عاديه ماله داعي ماركه المهم تكون مناسبه لها

+شباشب للبيت لك وله خوذيها من ستي ماكس
وخوذي بلاستيك للحمام الله يكرمكم

وش بقى ===جالسه اتذكر
ايوه
شنطه ذهب فيه بسنربوينت بلايف ستايل مرره حلوات ب150 لها قفل للسفرات وفيه مقاسات
وخوذي منه مرايه مميزه لشنطتك الخاصه

ايووووووه اغراض الصيدليه
حددي 700 او 800 لاتكثرين خوذي الاشياء الاساسيه وهذي خليها قبل الزواج باسبوع او شهر بالكثير افضل
المكياج والعطور
خوذي الميكاج الاشياء الاساسيه وتراني وحده ماعرف وشو المكياج هذا خلو البنات يتكلمون عنه
حدي روج وكحل خخخخ
اما العطور خوذي مجموعتين واذا ماتستخدمين الاشيا الي بالمجموعه وفري حقه ازين لك
خوذي عطر شرقي وعطر فرنسي الشرقي بالشتاء والفرنسي بالصيف ==هذي طريقتي

ايوه باقي شي المفرش
انا قبل فتره شفت وحده فصلت هديه لاختها مفرش انجنيت على فكرته ماشاءالله مره حلوه

راحت محل وطلبت منه يفصل لها مفرش وجهين كيف وجهين؟؟؟؟
الوجه الامامي ستان حرير
والوجه الخلفي فرو كله سكري ممررره حلو صيفي وشتوي بنفس الوقت كله كذا حتى المخاد وكل شي

وطلبت من النوع الي تقدرين تفكيه فيه سحابات من الجهتين وفيه طق عشان ماينحاس وتقدر بعد منها تغسله كل شوي ==فكره ممتازه

امممممم وش بقى
ايوه روحي ايكيا او اي محل بديرتكم تحبين خوذي فواحات
وشموع فواحه وزيت عطري
وصناديق لاغراضك الخاصه تنحط على التسريحه وصناديق ومناشف للحمام الله يكرمكم ومناشف لمطبخك ولك وللمغاسل وهذي ميزيها بالالوان احسن خلي كل شي لون
ومعاليق ملابسه مميزه خوذي فيه بعضها فيه لؤلؤ وكرستال

وخوذي لبيتك بخور ومعمول ومبثوث
ومنها لشعرك بعد تبخرين بالعود
وارجع اقولكم بنات كل وحده على حسب ميزانيته ولو ماكثرتي ترا عادي جدا بنات الحين كلهم ينصحون ماتكثرين مره
يمكن تحملين وتكبينها بالزباله او تسمنين

مادري لو بقى شي او لا اعتذر لو نقص
هذا ردي للهلاليه كول ولكل البنات الي ماقرو الموضوع بالكامل
اتمنى منكم الدعاء لي ان الله يتمم لي على خير لو فيه خير ويصرف عني موضوع الخطبه لو كان شر لي وبالتوفيق حبيباتي واي شي تحتاجونه لايركم شي كلنا اخوات هنا ....بقطتكم

نسيت ساعات الخروج خوذي لؤلؤي اذا بتاخذين وحده بس
لو لقيتي شي يجمع بين الكرستال لابيض والاصفر يكون عز الطلب .......بقطتكم

بقطتكم الله يووفقك ويسهل امووورك

ويكتب الي فيه خيرلك

مشكوره والله تعبتك معي

الله يعطيك العافيه

السلام عليكم ورحمة الله
الله يوفقكم ياعرايس >>>فيس يبكي
تذكرت الايام الخوالي
المهم يابنات ترى هالايام أحلى ايام أستانسوا فيها من جد ايام حلوه

لي 4 شهور متزوجه
نصيحه قمصان نووووم لاتكثرون 5 يكفون وبزياده
لا تحسبين الرجال بينتظرك لين تلبسين قميص نوم ترى بداية الزواج تصير باي وقت
بالنسبه لي ما أستفدت كثير من قمصان النوم لانو اساسا بشهر العسل مافيه وقت محدد للنوم
ممكن تكونين كاشخه العصر بجنز وبدي وتنقلب نوم

وممكن كثير تستحين تلبسينها قدامه انا كنت استحي مع انه كان يطيح وجهي دائما
بس أكثر شي نوعي بالملابس يعني شي طويل شي قصير شي واسع
انا زوجي يقولي ماشاء الله عليك كل يوم بشكل
الله يتمم عليكم ويوفقكم .