هذا مثل يقولونه الاولين
( ياعزتي للي ماهو غالي)
وعز الله انه صحيح
دايم الغالي يبدونه،
انا اشهد ان الغلا له دور
راعيه يفرق على غيره
دايم يقدم على الطابور
من زود حبه وتقديره
راع الغلا مايجيه قصور
لو كان هو بان تقصيره
وراع الغلا دايم معذور
غلاه يعطيك تبريره
وراع الغلا دايم مذكور
دايم على البال له سيره
ولا رخيص العرب محبور
لو كان زادت دنانيره
لو يجتهد بالعطا مثبور
من قاع حفره لدحديره
ولا الغلا صاحبه منصور
لو ماتعب في مشاويره
دنياه فله ودربه نور
ماكن مثله بهالديره
.........................
يلزم عليك تسجيل الدخول أولًا لكتابة تعليق.
لاحبتك عيني ماضامك الدهر
وباللغه العربيه مثل جميل
عين الرضا عن كل عيب كليله.
تعابير عن تغاضينا وإغفالنا لأخطاء من نحب ونقدر.
موضوعك جميل.
وباللغه العربيه مثل جميل
عين الرضا عن كل عيب كليله.
تعابير عن تغاضينا وإغفالنا لأخطاء من نحب ونقدر.
موضوعك جميل.
الصفحة الأخيرة
يبين ان حاجتنا للحب اكثر من حاجتنا للمال ولا قيمه للمال مع غياب الحب
وبالحب كل شي يكون في مكانه الصحيح