اهم شي الرخام طبيعي مؤ صناعي والمجلي ستيل ولا تنسي الشفاط فوق الفرن وفصلي درج طويل فيه سحابات ستيل حق المونة وفصلي درج بالطول مقسم الصواني واذا المسافة كبيرة حطي جزيرة ع جنب تفيدك بالشغل والتقطيع عليها بس جيبي كرسي لها ،،كمان حاولي تفصلي مكان الثلاجة والفريزر الطولي جوا دولاب يكون فوقه إدراج علشان تستفيدي من المساحة فوقهم ولا تنسي تخصصي مكان تحت المجلي لغسالة الصحون اذا عندك وادا حبيت تخصصي دولاب شفاف بالزاوية خلي الزجاج حقه مثلج مؤ شفاف علشان اذا صار حوسة ما يبان !!ادا قدرت حطي المجلي تحت الشباك احلي والستارة خليها شرائح حديدويكون لونها احد الوان المطبخ اذا مطبخك لونين !!خلي راعي المحل يخلي لك رفوف الدوليب متحركة علشان تطلعيها وتنظيفها بسهولة !!
اسفه كثرت عليك الكلام
ربي يوفقك بأحلى مطبخ
لا تنسين تدعين لي دعوة حلوة !!

UP

- اهم شي الدولاب الطويل يكون ترولي (سحاب)
- والفرن تحطيه في دولاب لحاله وفي الوسط اريح للظهر اذا كنتي
مثلي دايم جلستي وحركتي غلط واشيل بشكل
مو صحيح والنهايه يتعب ظهري
- ودرج الملاعق يكون عريض عشان يشيل كثير
-وتخصصي رف (يجي مثل صورة المطبخ الابيض
شوفي الدرج الطويل جنب الفرن )قريب من الفرن ومن الأفياش
عشان كل أجهزتك تكون فيها انا بهذي الطريقه ارتحت كثيييير
حقي يجي رف طويل لحد الرخام (السطح) وداخله 4 ارفف عشان
يحمل كللل اجهزتي.
- ولازم يكون لك كاونتر طويل شوي لأجهزتك اليوميه مثل السخانه
المويه الفرامه وسخانة الساندويتشات هذي يوميا استخدمها انا.
- افضل المغسله الستانلس ستيل انظف وتعمر معاكي واهم شي
واسعه حقتي ما كنت مقتنعه فيها بس لما جربتها فرحت اني ما
فرطت فيها
واذا كان ماعندك غسالة صحون خذي المغسله الي فيها
حوضين اما اذا عندك خذي الي حوض واحد
لأنك ماتحتاجيها كثير إن شاء الله وكمان الحنفيه الافضل تكون من الي تتمدد
-وممكن اذا المساحه صغيره تجيبي كاونتر متحرك مثل اللي في
ايكيا

هذي اهم الاشياء الي صارعت حتى تنفذت لي وارتحت فيها
لأني كنت بلا دولاب مطبخ كبير كان عندي صغير مرررره كلها
لا يسمى مطبخ وكنت كل ماجيت افكر اسوي مطبخ أأجل
وأجلت كثييييييييير بس الحمدلله تأجيلي كان في محله
عرفت ايش اللي احتاجه وايش اللي ما أحتاجه

بنت عسير تسلمي ماقصرتي
كلوري جزاكي الله خير ماكنت ادري عن الموضوع مشكوره ياعسل
ودي تفهمني انا عاجبتني الجزيره بس مطبخي صغير 4*4 راح تضيقه وتسلمي حبيبتي ماقصرتي والله
زوزي حبيبي تسلمي ياقمر على نصايحك اكيد راح اخذها بعين الاعتبار
وشوكرا لكل اللاتي رفعن الموضوع

وعليكم السلام ورحمة الله وبركاته

اولا المطابخ يا تكون خشب ويكون مشكلته انه يشرب المويه ما جربته بس سمعت وطبعا سعره غالي

او يكون فورميكا المونييوم وهذا الغالب حلو بس لا تختارين اللي يلمع الافضل اختاري الدرجه اللي تفضلينها ولكن تكون مطفي وانت بكيفك بس انا سويت مطبخ اول وكان بلمعه حلو بس لو كان من غير كان بيطلع كانه خشب سعره مو غالي وعملي

النوع الثالث سويت مطبخي الثاني منه يسمونه صاج يجيك اشكاله من جد روعه كانه خشب محفور يقدرون يشكلونه عكس الفورميكا اشكاله عاديه
المهم انا سويت منه شكله روعه اخترت عودي قريب من الصوره هذي




بس مشكلته موصل للكهرباء يعني لاسمح الله سلك اوفيه مشكله في الكهرباء في المطبخ تروحين فيها واجهتني المشكله هذي اول ما ركبناه كان في اسلاك مكشوفه في الجزء اللي فوق تبع اللمبات اللي في الديكور فوق يمكن اسبوع لين اكتشفنا انه يوصل لاني ما امسك رف الا ويلذعني غطينا الاسلاك والحمد لله

والسعر غالي صراحه

واخيرا حاولي لا تفصلين لين تكونين جايبه الاجهزه عشان يتركب حواليها ما يكون شي طالع خارج الدولاب ارتب واحلى
المجلى الرخام الطبيعي فخم وحلو في الاستخدام

وبس اتمنى اكون افدتك والله يعطيك خيره ويكفيك شره ولا تنسين الاستخاره في كل امورك ربي ييسر لك ويوفقك