ياعسولات شوف لي حل مع مطبخي الصغير

مدري بس اذا تقدﻻري او مواعينك كثيره سووي دولاب اللي من السقف يعنى من تحت الجبس على وشفت ومواقع وصور يسوون دولاب كامل جهه وجهه لا يعنى مافي مسافه بين دواليب عشان الزحمه وحاوولي اشياءك تاخذينها مختصره على حسب الاشياء لان في ناس بس تكدس اغراض دوون ماتحتاجها ..
وبالنسبه لباب ممكن تسوويه اذا ماتحبي الاطفال يحووسوون المطبخ او تخافي على الاطفال من بوتجاز ...ااو عندي عادي لاتسووي او سوويه بابا سحب نوع جيد عشان ماياخذ مساحه ...ااتمنى اني افدتك

كم طول مطبخك ؟

تقريبا 3 متر او اقل 

- لازم تكون دواليب المطبخ على جهه وحدة فقط تقريبا بتاخذ 60 سم .. ويبق لك 80 سم من العرض للحركة مناسب.


- اتوقع ان فيه تمديدات ماء وغاز فتحديد اماكن المغسلة والفرن بيكون حسب التمديدات


- لو افترضنا مافيه تمديدات فأ توقع ان الترتيب الأفضل يكون بالشكل هذا نبدأ من الجدار اتركي مسافة بسييطة بين عشرة أو عشرين سم .. وبعدها تكون المغسلة وبعدين اتركي اكبر مسافة ممكنة وبعدها يجي الغاز والافضل يكون الي يوضع على سطح الرخام وما يكون تحته فرن.. وبعدها اتركي مسافة ثم دولاب كامل من الأعلى إلى الاسفل ويكون بالمنتصف الفرن الكهربائي والمايكرويف فوق بعض طبعا داخلة من ضمن الدولاب ولها مكانها الخاص وبعدها دولاب ايضا طويل من اعلى إلى اسفل و أخيرا الثلاجة .


- اقصد بكلمة مسافة اي تكون هناك رخامة طاولة يعني وشي طبيعي منطقة العمل عندك قليلة يعني مافيه طاولات كفاية .. فإذا حسيتي انك محتاجة زيادة بإمكانك استخدام طاولة متحركة الي تستكر وممكن تعلقينها على الجدار المقابل واذا احتجتي لها نزليها وافتحيها ولما تخلصين رجعيها عشان توسع المكان .. او استخدام طاولات مثبتة على الجدار الي تتسكر موجودة بإيكيا.


- لزيادة التخزيين عندك مممكن تطلبين دواليب المطبخ تكون اعلى من المعتاد يعني قريبة من السقف مو مثل المطابخ العادية وطبعا الارفف العليا للتخزين .. وبإمكانك ايضا وضع دولاب فوق الثلاجة.


- لو مطبخك اقل من ثلاثة متر بكثير .. بإمكاننك اخراج الثلاجة برا المطبخ اذا لها مكان مناسب، وكذلك بإمكانك وضع دولاب قريب من طاولة الطعام ووضع اواني التقديم فيها لتخفيفف الضغط على المطبخ
- اذا حابة تركبين باب وشايفة انك محتاجته .. فالأفضل عند تركيبه اما وضع باب سحاب وحاولي يكون اوسع شي ممكن . او ممكن وضع باب عادي لكن يفتح على برا اذا كان مناسب.


- الجدار المقابل للدواليب استخدميه للتعليق فقط مثل ما قلت لك تعليق الطاولة المساعدة وقت الحاجة، او فوط التنشيف او ساعة او حتى بعض الأحواض للزينة بس طبعا بشكل بسيط


- الألوان طبعا استخدمي الوان فاتحة اقترح عليك مثلا الدواليب والثلاجة يكون لونها ابيض والأرضية استخدمي خشب لونه فاتح مخصص للمطابخ او حتى سيراميك الي على شكل خشب فاتح اللون. وبإمكانك وضع الرخامة بنفس لون الخشب الفاتح او ادخل لون فرايحي مثل الاخضر الفاتح او الاصفر أو اي لون ترتاحين له. والجدار الي بين الدواليب حطي بلاط صغيرات مرة او موزاييك اذا حصلتي احد يضبطه .. اذا ماحصلتي اختاري بلاط سيراميك مربعاته صغيرة وملونة بأبيض واللون الي اخترتيه للرخامة .. او حطي حجر فاتح .. عموما المنطقة الي بتكون ظاهرة بتكون صغيرة فمارح يكلفك كثير .. طبعا الجدار المقابل خليه بوية عادية اوف وايت.



والله يوفقك ويسهل امرك

افتحيه على الصاله يعني خليه مفتوح تماما بيكون اشرح وارتب
روحي ايكيا وشوفي المطابخ المفتوحه او شوفيها في موقعهم
لان عرضه صغير مرره مهما سويتي ما اتوقع بيترتب وبيريحك في الشغل