ياعضوات عالم حواء والدي صار يذوي أمام عيني ومافي يدي شي(الله يخلي لكم أبوكم)

بسم الله الرحمن الرحيم

أخواتي
والدي عمره فوق الخمسين وكان طبيعي صحيح معه سكر لكن بسيط
ومعه ضغط لكن بسيط
وعنده شريان في القلب شبه مسدود
بس مايأثر عليه

فجأة صار يصيبه دوااار وعدم توازن وعررررق
وديناه المستشفى الأسبوع الماضي سووا تحاليل
السكر زين مش مرتفع ولامنخفض
الضغط مرتفع درجة بسيطة

الأذن الوسطى مافيها شيء


صار يدوخ وعضلات أو عصب ساقيه تؤؤؤؤلمه
وصار يمشي بالعصى
يطلع يصلي ويرجع ينسدح في الصالة
وأحيانا يطلع ثم مايتشيله رجوله فيرجع بصمت يتألم وينسدح على فراشه
أشوف عيونه فيها دموع
وأحيانا يسوي نفسه نااايم
عارفته عنده عزة نفس كبيرة ولايرضى يحتاج لأحد

أبوي شقاوي مايحب يقعد ولايتحمل يجلس في البيت
يروح يشتغل
ولايرضى يقعد يقول إذا قعدت يبست رجولي
لازم اتحرك وهو صادق

والحين حالته صعبة شوروا علي
وين نوديه أنا مابيه يقعد ثم يصير مثل جدتي يبست مفاصلها ولاعاد تتحرك