ياغافلة إصحي .. قلبي عليج .. الله يحميج من شرورهم اللهم آمين .

السلام عليكم ورحمة الله وبركاته

1-لاتبيحي بإسرارك الزوجية او مسار حياتك اليومي او صفات زوجك
الايجابية او حتى السلبية فقد تعتبرها صديقتك مزايا ..
وتعجب به ويصبح مالا يحمد عقباه ..
حتى تفاصيل حياتك اللي تعتبرينها سطحية مثل شنو اشترى لج وين وداج شنويحب شنو يكره هذي التفاصيل لاتكشفينها ولاتستسهلينها وخذي حذرج قبل ماتنلدغين ترى الناس ينسجون على شنو اشترى لج ميزانيته في الفلوس ووين وداج يعني هو زين وراعي طلعات ومونسج وتدب الغيرة من الصديقة
او شنو يحب وشنو يكره وتعرف الصديقة اشلون تدخله بسهولة لانج قدمتي اسرارج على طبق من فضة وهي طبعا بتاكل الطبق بمافيه ..

بالعامي الفصيح أسمعيني زين : لاتخلين باب بيتج مفتوح والباب المفتوح مفضوح ،
صكي على السانج يوم تنسألين اسألة فضولية هدفها تعرية بيتح المستور ..
وردي عليهم كالتالي :
1- غيري الموضوع على طول وانتي تبتسمين يعني( تغابي ) وهم بيحسون طبعا .
2- قولي وبكل صراحة مثل ماهم سألوج بكل صراحة تتعدى للوقاحة وقولي : شي بين
الريال ومرته (عيب) يطلع برع .

ولاتستحين منهم ترى محد بينفعك او بيرحمك منهم
لو تصيحين بدال الدموع دم ..

ياما ناس امنحوا ناس الثقة وكسبوا مودتهم وبعدين يوم يصير الهدف قريب
يتغيرون عليك وش يبون فيج وهم خذوا اسرارج وعرفوا خريطة تفكيرج وتفكير زوجج
واصبح الدخول الى حياتكم الزوجية سهل وانتي ماخليتي لج قفل ولامفتاح .
وطبعا مو كل الصديقات هكذا ..
اللهم قد بلغت اللهم فاشهد .

الله يرضى عليكم ديروا بالكم منهم الله يكفينا شرهم ..
انتظر تعليقاتكم .
اختكم في الله : فلونا النشمية .


موضوع للنقاش ..