العيد اخذي اكياس صغيره حطي فيها العيديه مع حلاوه
وممكن تغلفين هدايا صغيره بنت وولد معاهم

هذي أفكار بسيطه للعيد
كنت مسويتها في السنوات الماضيه..

انا من تزوجت وانا كل سنه اسوي هدايا للاطفال بس لاخواني الصغار وعيال اخواني
وعيال خواتي واطفال حمولتي....يعني هم شوين ما يتعدون 30 طفل
وكنت اسوي افكار حلوه منها ....
اول ما تزوجت من عشر سنوات..رحت لمحلات الالعاب وفي قسم حفلات الاطفال الي يباع فيه الاطباق والكيسان الورق الملونه والسفر والقبعات واشياء كثيره..
شفت فيه اكياس حلوه مرسوم عليها شخصيات كرتونيه أو بلونات او اي رسومات اطفال وبالوان مختلفه..كانت ذيك الايام جديده..المهم شريتها اللون الزهري للبنات والسماوي للاولاد وعبيتها من نفس القسم, بالونات ولسان التنين الي ينفخونه ويطلع صوت اكيد عرفتو ونضارات واشياء كثيره من نفس القسم وكانت الرسومات من نفس الرسمه الي في الكيس أضفت حلويات ومصاص وشكلاطه يعني نوعت بس احاول اشتري شي غريب..هذي اول سنه
..................
فكـــــــــــــــرة رائـــــــــــــــعة
.............................. ........
الكل اعجب فيها وهي شريت قبعات الحفله المثلثه حقت الاطفال عارفينها بس مو الحجم الطويل لا الصغيره الي فيها رسمات تلقونها في محل الالعاب في قسم حفلات الاطفال وتكون احيانا طقم مع سفره كامله المهم ..جبتها بعضها ازرق للاولاد وبعضها احمر للبنات وقلبتها وعبيتها حلويات جالكسي باونتي توكس الحجم الصغير الي في اكياس ومصاص الجلي الي على شكل حيوانات وحلو الجل الي على شكل همبرقر او سندويش وغيره المهم أحاول انوع ويصير جديد + لعبه للبنات واخرى للاولاد
وبعدين جبت بيض توم جيري تعرفونه بيض بلاستك يفتح نصفين فيه لعبه تركيبه وحلاوه طبعا فرغتها وحطيت الي فيها جوى القبعه مع الحلويات أما البيضه حطيت فيها حلويات شعبيه بس مطوره..مثلا :برميت مغلف..حلقوم حجم صغير جدا ومغلف حلاو صعو من باتشي مغلف ذهبي وفضي كليجا هولنديه وغيره ..حطيتها في البيضه وسكرتها وحطيت على البيضه ستكر مكتوب عليه ( قديمك نديمك لو الجديد أغناك ) وحطيت البيضه أعلى الحاويات الي في القبعه ,
وبعدين غلفتها بسولفان وربطتها بشريطه ..
......................
بعد فيه فكره للي نوزعه للحريم الكبار وهي وضع العيديه في الغضار الملونم منقوش أبيض واحمر القديم(شعبي)
وتحطين الحلويات الشعبيه(حلقوم ,برميت , كليجا صغير) .ومكسرات شعبيه( قريض وحلاوصعو)
وفيه حركه احلى لتوزيع على الكبار عباره عن اناء شعبي للتمر المكنوز من معدن ومنقوش بالحفر وغطاءه مثبت فيه
وله تسكيره زي القفل مدري عرفتوه المهم هو ينباع في سوق الاواني الشعبيه
في السباله عندنا في الرياض ..ما اعرف اسمه يفرش بقماش روز اسود منقوش او احمر
للنساء اما الرجال يفرش الاناء بقطعه من شماغ (الغتره الحمراء)
ويوضع فيه المكسرات والحلويات الشعبيه..ويوزع على الشياب والعجايز..
.............................. .......
طبعا فيه افكار كثير بس الي ما يكفيها الوقت تروح تشتري الكراتين الجاهزه الي فيها رسومات
باشكال مختلفه على شكل صندوق مربع اومستطيل او حقيبه اوقارب وغيرهاوعلب شفافه من شارع السويلم في الرياض(محلات الالعاب) وعبيهم والسلام
...............
او فانوس يتعباء حلويات شفت الفكره في باتشي بس غالي الواحد120 ريال
................
فيه افكار جديده ممكن تاخذينها من محلات الحلويات لانهم يبيعون هدايا العيد حتى ممكن تشترين منهم وترتاحين
...................
فيه موضوع بنفس القسم ونفس الصفحه يمكن يفيدك وهو أفكار جديده للقرقيعان

شكلي طولت عليكم
ودمتم
.............................. .............................. .............................. ..........................

ممكن مرايه صغيره مكتوب فيها اسم البيبي
او نوته

وهذي بعض الأفكار لهدايا العيد بعد

طبعا أنا أطفال حمولتي قليلين علشان كذا يمكن افكاري مكلفه شوي لان عدد الهدايا قليله فما تصلح للي اطفالهم فوق العشرين طفل, يعني عيدهم كبير ومليان بزران ههههههه



.المهم
_سنه من السنوات جبت مجموعه قلابيات للأولاد -لعبه سياره لها زي الصندوق - جبته من النوع البلاستك الملون وحجمه صغير مو الكبار 20 سم -تقريبا شبر- جبتها من بنده
وعبيت صناديق القلابيات حلويات وغلفتها بسلوفان طالع شكلها مره ذوق يعني اللعبه (سيارة القلابي) صايره هي الصندوق..طبعا هذا للأولاد وعددهم تقريبا 12 يعني مو كثير.واللعبه كانت خمسة ريال.
أما البنات كانوا أربع بنات بس ..جبت لهم شناط (حقائب يدويه صغيره) كلها زي الريش من إكسواريز طبعا غاليه الحقيبه ب 50ريال بس زي ما قلت لكم هم أربع بنات بس وعبيتها حلويات

_ وسنه حرصت إني أصور أطفالنا كلهم بنات وأولاد بالجوال بدري قبل رمضان لاني ناويه اطبع صورهم على أكواب وفعلا طبعتها على الاكواب في محل تصوير في اليور مارشيه وكتب عليها عيد سعيد ورسومات بلالين كانت روعه مره وعبيتها حلويات وغلفتها بسلوفان.طبعا الأكواب عندي إلي فيها صور عيالي بس ماأعرف انزل الصور بس اكيد تخيلتوا الشكل..طبعا سويت الكوب الواحد بـ20 ريال بس كانوا الاطفال 13 طفل مو كثير.

_ وسنه أخرى فصلت بالورق المقوى علب على شكل فانوس وفرغته بشكل زخرف إسلاميه وغطيت التفريغ ببلاستك شفاف مقوى -إلي يصير في بدايه المجلات المصوره- طالع كنه زجاج إلي في الفانوس مدري فهمتوا وإلا لا ..يعني بحيث إذا عبيت الفانوس حلويات تكون واضحه من خلف البلاستك الشفاف
طبعا طبعت عليه صور بنوتاتي وعبارات معايده كان جدا رائع وعندي صوره منه وعندي صوره وورد لنسخه من شكل الفانوس على الورق المقوي قبل ما أطويه وأفرغه لاكن ما اعرف انزل الصور
بس اتمنى إنكم فهمتوها مره حلوه بس شغلها يبغى وقت..

- اما سلفتي جابت صناديق خشب صغيره وحرقت عليها عبارة معايده وعبتها حلويات ووزعتها..


احاول اتذكر بعض الأفكار وأرجع من جديد ..
ويالله عطونا أفكاركم الجديده..

مشكورااااااااااااااااااات على الأفكااااااار الراااااااائعه..

حمستوووووووون أسووووووي هداااااااايا للعييييييييييييد..

وأترك أختي وولادتهاااااااااااااا..