يافرحة ماتمّت

السلام عليكم ورحمة الله وبركاته


بنات انا ماعمري نزلت مواضيع وهذا اول موضوع لي وابغا منكم تقنعوني وتريحوني لأني مقهوورة وبنفس الوقت فرحت ،، بشرح لكم الوضع تماام

انا من يوم اتزوجت ماعمري سافرت برى المملكة ابداً كل سفراتي لمنطقتين فيها اهلي واهل زوجي وايام زواجي ماسافرنا لظروف كانت غصب عنا،، المهم قبل شهرين زوجي قالي على بداية الدراسة نسافر xx وطرت من الفرح وكل يوم اعد وأحسب بالايام عشان نسافر وأمس جاني زوجي قالي يمكن نأجل السفرة لشهر الحج سألته ليش قالي جاته شغلة على قولته مربحة ان شاءالله وهو متحمس لهاالشغلة هذي لأنه مو موظف حكومي وشغله على قدنا وحالتنا المادية مستورة الحمدلله اكلنا وشربنا تمام وبيتنا ملك الحمدلله وهو وده نحسن من وضعنا المادي
انا بصراحة انقهرت وزعلت يعني ولا حق فرحتي وحماسي للسفرة حتى هو نفسه زوجي له ثلاث اشهر يجمع حق السفرة هذي وبنفس الوقت فرحت قلت ان شاءالله خيرة لنا وتحسين لوضعنا شوي
حتى بالحج مااتوقع انه راح نسافر لأن شغل زوجي حالياً اغلب مايكون بالإجازات يعني مادري حاسة نفسي بنفجججر

شوروا علي احاول اقنعه بالسفر ولا اسكت عن الموضوع وأخليه يشوف رزقه لأنه على قولته رزق جانا من الله ليش نرفضه دام اني اقدر على هالشغلة والسفر بإذن الله اول مااشوف اني فضيت اقولك يالله وغير انه يقول على قد مااقدر بسعى للسفر ان شاءالله