يافرحة ماتمت!!!!!!!

بنات انا مقهوووووووووووووووووووووووورة
انا رحت الطبيب عشان اتابع تبويض اوك
وكل شي تمام بس محتاجة مبلغ تافه عشان السونار الاخير وطلبت زوجي ورفض يعطيني
مع العلم انو يقدر يعطيني
والله انو الثلاجة مافيها غير شوية لبنة وبيض وبس
ولا حتى يفكر فيا ياكل برا ويجي يتعشي البيض واللبنة والسلام وانا طز فيني
تصدقو اني ماطلعت من البيت ليا شهر الا امس عند الدكتور
ولا راضي اشتغل ولا راضي اي شي وحتى دراستي اهلي يدفعو ليا الرسوم والله تعبت
والله منيي حاسة اني متزوجة رجااال مرة اناني ومايفكر الا بنفسو اشترى سيارة من اسبوعين واقولو نروح بندة عشان اقضي مو راضي وفرحان بشريحة النت الي شحنها ليا كل ما اقول ابغا حتى 50 ريال قال راحت فلوسي في النت والسيارة !!! وترى السيارة ما استفدت منها شي اعطاها لاخوه يمشور بيها وانا طززز ماركبتها الا يمكن مرتين طيب نركب سيارة ونقعد جيعانين يعني تصدقو انو الغسالة خربانة لها اكثر من سنة واقولو صحلها مو راضي ويروح يشتري جاكيت ب 500 بالله هذا عقل
تخيلو صرت اعصر الغسيل بيدي وانشرو في البلكونة كذاا
تصدقو لمبات البيت نصها خربانة ولمبات غرفة النوم قد خربت سنة وكان رافض يصلحها تخيلو سنة غرفتي ما فيها لمبة وبالويل صلحها لا وعاملها ليا مفاجأة كمان !!!!!!!!!!!!!!!
تصدقو انو مكيف الصالة انحرق وبدال مايصلحو راح اشترى بلازما اكبر من الغرفة نفسها وقعدنا نتفرج البلازما في الحرر ههههههههههههه
وحتى الدكتور انا ادفع فلوسو من باقي فلوس الجامعة الي عندي من التسجيل وبقيلي 300 ريال تخيلو رافض يدفعها وربي صرت ابكي كل يوم على نفسي والله شفت البهدلة معاه والجوع وربي
تعبااانه من حياتي انا قبل ما اتزوج كنت اشتغل وراتبي في جيبي وادرس وطالعة وخارجة مع اهلي واكل بمزاجي بدون ما احد يحسب ليا اكلي وشربي
والادهى والامر انو عمري 21 وهو 28
نفسي اادبو نفسي اخليه يفهم ايش يعني مسؤولية وانك تخرج بنت الناس من بيت اهلها عشان تعزها مو تبهدلها نفسي اخليه يندم واهلي مرا يخافو من كلام الناس ويجرحوني بيه فلانة راح تقول وفلانه راح تقول وامي والله اخاف اكسر قلبها والله خطبوني قبله كثيير الدكتور والمهندس وولد العز واقاربي وكلهم محترمين لكن بابا اصر اني اتزوج زوجي ووهو طيب والله بس بخييييل
وربي في بلاوي ما كتبتها وسامحوني على الاطاله حسيت بنفجررر