يافرحة ماتمت... اه ثم اه الحمد لله على كل حال

القصه اني ماشاء الله حملت في فتره كانت اختي حامل وبعدنا بس باسبوع حملت اختي الثالثه يعني صرنا ثلاث
كنا فرحانين بس بصراحه العين حق وعلى طول كانوا يقولوا لنا الاهل الله يكفيكم العين
وبعد تعب الحمل اول اخت لي وقبل ولادتها تعبت كثيييييييييييييير لانها مصابه بفقر الدم فقرروا لها قيصري والحمد لله ولدت قيصري بالسلامه وعدت على خير
بعدها دخلت انا التاسع وانا متوكله على رب العالمين وظليت اعاني الام الطلق فتره طوييييله غير اني ظليت بغرفة الولاده اعاااني24ساعه وعلى غير ولاداتي السابقه وااااااه من لحظة خروج الراس حسيت اني بودع لاني خلااااااص مافيني طاقة اطلق اوادفع بس الله رحييييم ولدت وجبت البنت الي اتمنى
بعدها بكم يوم كلنت اختي الحامل قربت ولادتها وقبل لا تولد بيوم كانت معي بالبيت وكانت عندنا امااال واحلام وهيه تشوف بنتي وتقول متى اولد وانا كمان اقول لها ان شاء الله قريب وراح تجيييييييييييبي احلى بنوته بس اااااه يوم ثاني نزل عليها ماء كثير ودم ولما راحت للمستشفى :44:

قالوا لها قيصري لان الراس معترض والغريبه ان الدكتوره ماقالت لها قبل هالشي وكانت مسكينه ماتوسعة ولا سانتي وخطر على الجنين انها تتاخر اكثر وجاني الخبر وظليييييييييييييت طول الوقت ابكي على اختي وفرحتي ببنتي ماكتملت خصوصا بعد الخبر الموجع والي خلانا كلنا ننهار وتتعب نفسيتنا ان بنتها الي ولدتها تعاني من مشكله بالشفه العلويه :icon33::icon33:
كانت اختي مصدومه وطووووووووووول الوقت تبكي وانا حالتي النفسيه دماااار
كلما شفت بنتي توجعت لاختي واليوم ثالث لها والده وتوها تشوف بنتها ادعوا لها انها تتقبلها ,الحمد لله الدكتور طمننا لان ممكن يسوولهاعمليه تجميليه ويصير كل شي طبيعي بس الغريبه انه ماعندنا بعايلتنا هالحالة وان اختي انسانه مؤمنة وعلى طول حملها تقرا قران
بس احتمال لانها تعرضت لاشعه ببدايه حملها ايكون هو السبب
بالنهايه الحمد لله على كل حال واعذروني على اسلوبي بالكتابه لاني مو عارفة اعبر بس حبيت افضفض لكم علشان ارتاح لاني عن جد تعباااااااانه لااكل ولانوم وانا الحين في النفاس بس موقادره اهتم بنفسي من كثر التفكييييير والحزن على اختي وبعد علشان استفسر عن حالة بنت اختي اذا سمعتوا بمثلها وهي الشفه الارنبه او اشقاق الشفه وفي احد مرت عليه الحاله
وشكرا لكم على دخولكم موضوعي ومواساتي