يافرحه ماتمت ( زوجي يريد أن يسمي بنتي على اسم أمه )

الله يسهل لك الولاده وتقومين بالسلامه وتجيبين بنوته حلوه مثلك

بعدين الأسم المفروض مايكون الأن شغلك الشاغل

فكري انه يمكن يكون من البر فأحتسبي

والله يقومك بالسلامه

غاليتي جومانه الله يفرج كربك وانتي في حالة حرجه تجنبي المشاكل بخصوص اشياء بسيطه واهم شئ صحة المولود ورضاء زوجك فهذي امه ويرضيه ارضاءها وسعي
صدرك واهم شئ البيبي يطلع تمام وكثير بنوتات يهبلون اشكال وملابس روعه واساميهم على الجدات والله يعينك ولا تكبريها وهي صغيره احسن لك !!
الله يوفق الجميع ،،

الله يجزاكم خير اخواتي ام مسلم وام بدر على الرد لكن الله المستعان

الشيطان حريص على الاغواء والازلال لان ابن ادم ضعيف وللغايه ولاتفه

الاسباب ,

احاول ان شاء الله تناسي الاسم حتى تتم الولاده ويحلها ربي ,,,,

الحمد لله انك مرنه واخذتي الموضوع بإيجابيه الله يهديه ويغير نظرته على الأسم
ويسميها احلى اسم يعجب امها اللهم امين <<< وسعي صدرك ياشيخه !!

أهلين أختي جمانة :

ايش يعني خايفة من هذي الأسامي ، مثل :

سبيكة

قماشة

تراني شفت بنيات يهبلون وهذي اساميهم ،

الإنسان ياعزيزتي هو اللي يحلي اسمه مو الأسم .








اسمعي قصتي :

عندما ولدت بنتي البكر ، والد زوجي الله يرحمه قال ابي أسميها على اسم أمي ، بصراحة كان الإسم ثقيل مرة وقديم ، لكن لعيون أبو زوجي ، وعيون زوجي ، وافقت على طول ولا بينت لهم أي اعتراض ، بالعكس بنفس راضية جدا ، لأني أعلم أن اسم الإنسان مقدر ومكتوب قبل أن يخلق .

الآن اسم بنتي هذا الثقيل صار مافيه أحلى وأخف منه ، وكل ما تذكرناه تفتخر بنتي أن جدها سماها على أمه ، ونقول لها هذا من غلاك عنده أنه سماك على أعز انسانه عنده ، وممايزيد فرحتي أنه مات الله يرحمه ولا ضيقت صدره بشيء .