الصراحه تفشلت من أخت زوجي وما أعرف كيف أصلح الموقف اسمعوا السالفة وعلموني ايش اسوي.....
يوم الخميس اللي فات رحت عند أخت زوجي زيارة لبيتها المهم واحنا نسولف مع بعض قلت لها ان اهلك الأسبوع الجاي بيسافرون واحتمال انا وزوجي نروح معاهم واثنين من اخوان زوجي متزوجين وبيمشون معنا بعيالهم يعني السفره جماعيه....
قالت هي ياحظكم ياليتني معكم قمت قلتلها انا سمعت امك تقول بناخذ فلانه معانا طبعا امها قالت لي هذا الكلام بس ماكان اكيد ولا كلمت بنتها باقي يعني لسى ماهم متأكدين اذا بياخذونها او لا وحسيتها فرحت بكلامي المسكينه....
واليوم رحت لأهل زوجي وسمعت انهم بيبطلون ياخذونها
لأن السيارات زحمه وهي معها ثلاث أطفال الله يحفظهم.... هم ماقالوا لها عن السفرة ولا قالوا لها انهم بياخذونها علشان لايفرحونها وبعدين يبطلون وتحزن وانا لساني عليه زلات ماهي صاحيه رحت فسفست السالفه عندها وفرحتها وهم الحين بطلوا ياخذونها والله العظيم اني حاسه ودي اصفق نفسي كف
.....ما ادري ايش راح يسوون لو دريوا اهل زوجي اني قلت لها والله ماكان قصدي بس من باب السواليف وكسرت خاطري يوم تقول ياليتني معكم قمت وخربتها وقلت يمكن ناخذك معانا....
الحين ايش اسوي اسكت عن الموضوع والا اخلي امها تعتذر لها والا كيف؟؟؟؟؟؟؟
يمكن الموضوع مايستاهل لكن والله مو هاين علي اني فرحتها وتقعد تستنى اهلها يتصلون عليها ويعزمونها وما تدري انهم بيروحون ويخلونها والله اني تنكه صدق..ويبغى لي بالمطرقه هذي على راسي
علشان اعرف امسك لساني مره ثانيه.....