So Lost ~ @so_lost

عضوة جديدة

}ياقلب لاتحزن مدامك تألمت حتى لو الجرح من ايد غاالي{

:(

السلام عيلكم ورحمه وبركاته

اخباركم بنات ؟ انا راح اقولكم مشكلتي مع امي ):

بحكم اني اكبر من اخواني شايله مسؤليه البيت ومسؤوليه اخواني بعد

يعني اي شئ يصير انا السبب طبعا ليه مادري ,, يعني المفروض الاب والام

هم يشيلون مسؤوليه عيالهم مب انا حتى اختي الصغيره الله يحفظها عمرها 3 سنوات

انا اللي ربيتها امي وش سوت بس ولدتها وقالت انتي راح تتكفلين بكل شئ تنومينها

تغيرين ملابسها تسبحينها وتوكلينها حتى والله مارضعت من صدر امي الا اسبوع حرام والله

والله العظيم يابنات اني اول مارجع من المدرسه تعرفون كنت امشي انا واختي والمدرسه قريبه يعني شوي

وذبحنا الحر وبعض الاحيان ابوي يجي وبعض الاحيان لا ناايم ,,اجي والقى الشغاله مجهزه الغدا طبعا هي مسويته

ويتغدون كلهم وعلى طول اكيد يرتاحون وينامون ,, اما انا لا مايخلوني انام تحط امي اختي الصغيره وتقول خليها تشرب حليب طبعا البيبرون الرظاعه

ونوميها يعني ع هالموااال وانا ساكته والله العظيم احس وانا اشيلها خلاص بيغمى علي لاني جيت تعبانه من عقب المدرسه وانتم تعرفون

وشلون واسكت كله علشان مين علشان امي حبيبه قلبي مابيها تتعب وابيها ترتاح\\ حتى كلمه شكرا ماسمعها على الاقل تقول الله يعطيك العافيه //

والله حتى شغالتنا تقول ليه كذا امك انا مااسوي في بناتي كذا ,,وانا اقولها لها عادي انا راضيه حتى العطله الخميس والجمعه ماانام الصبح اقعد مع اختي تعرفون الاطفال يصحون لانمتي

واذا صحيتي ناموا بس هي ماتنام ابد يعني تنام بس 4 ساعات 6 عصفوره خخ المهم ع هالموال لما صار عمرها 3 سنوات وصارت تعرف تنام

من حالها بس بيني وبينكم والله ماترتاح الا وهي تنام بحظني يعني ماحسيتها اختي مادري حسيتها كانها بنتي ادري بتضحكون علي ^^

المهم امي وابوي مادري ليه حاقدين علي ويكلموني من طرف خشمهم مع اني اسمع كلامهم واسوي اللي يبونه عكس اخواني

واذا طلعت معاهم وبالذات امي تقول لاتقول يمه قدام الناس ومن يوم وانا صغيره تقول لاتقولين حتى بالملاهي تصدقون !! لهدرجه في امهات كذا ولا امي بس

وابوي لاخذاني في المستشفى قولي اني اخوك انتي فضحيه مع انو عمري 18 وامي بال30 وابوي ب40 توهم شباب انا قلت يمكن علشان كذا بس حتى ولو

والله لما اشوف العيال ينادون يمه ويضحكون ويلعبون معاهم انقهر اقول ليه لما اسوي كذا لاهلي يعصبون ويبونا نسكت ):

حتى اختي الصغيره والله ارحمها لما نطلع تخيلو مره قالت يمه في السوق تدرون وش سوت امي على طول قبصتها المسكين وقعدت تصيح انا هنا بصراحه ماكذب عليكم

عصبت وانقهرت مابيك تطقين اختي وتمدين يدك عليها كلش ولاهي ,, قالت شغلك بالبيت انتي وهي !! ليه علشان قلنا يمه !!

مسكينه ياكثر ماانطقت اختي علشان بس تقول يمه مب حرام جاوبني حرام اللي تسويه ..

لا ومب هنا المشكله انا ان شاء الله اذا الله كتب راح اتزوج بالعطله وامي هنا عصبت علشان الناس مايتكلمون ويقولون بتصير جده الحمدالله والشكر بالله هاذا

تفكير يااخواتي الحين المفروض تقول انا انتظر هاليوم اني اشوفك عروسه تقول لا مافيه وليه تتزوجين اقول انطقى بالبيت ولا بعد تقول خلاص اذا معزمه وتبين

تتزوجين خلي خطيبك الله لايوفقه ولا يعطيه العافيه يعطيني 10 الالاف لي ,,واختك الفين واختك الصغيره الثانيه الفين واخوك 5 الالاف

ليه يعطيهم باي حكم بيتزوجهم هو لهدرجه يبيعوني علشان فلوس ولا تقول اذا ماعطاني انا بالذات 10 الالاف والله لاخرب زواجك

ولا راح تتزوجين واهاذا وجهي واسويلك فضحيه!! بالله هاذي امي تبي السعاده لبنتها والله يابنات اكتب لكم وانا ابكي خلاص انقهرت ومليت من هالبيت

كل مشاكل اعوذ بالله كله مصلحه في مصلحه لدرجه اني ادمنت على حبوب بنادول نايت فلوتاب اي شئ يخدرني وانام ولا اسمع مشاكل على طول اخذها تعبت بعض الاحيان قلبي يعورني مره اقولهم بروح المشفى لا

تتدلعين مافيك شئ وهم بس لو تجي زكمه على طول خذوا ابر امي وابوي اوما انا لا دلع ,, انا بصراحه ماقصرت مع اهلي في اي شئ والله اني ارتب البيت مع الشغاله

وانواع الحلا واتفنن فيه واسويلهم علشان سواد عيونهم واتفنن في الطبخات وكل شئ وبالاخير مالقى كلمه شكر الا بس من اخواني بببسسس ههه

طفشوني رفعوا ضغطي والله حتى البنات يقولون انتي مب مثل اول فرفوشه وتضحكين وتسولفين بلاهم مايدرون وش صار لي حتى وانا قبل لااكتب لكم المشكله

تطاقينا انا وامي علشان ايش علشان مارحت معاها السوق لان هي تشتغل مديره تسويق ويوم طلعت قالت تعالي حطي كلمتي بين قوسين ماراح احظر الزواج خليهم

يضحكون عليك ,, قلت ليه علشان مارحت معاك,, قالت اانطمي وعلى ** قلت شكرا عادي متعوده يجي منك اكثر(:

يابنات ابيها تحس فيني ولامره قالت شئ وماسويته الا يوم الطلعه بس ابيها تحس علشان ذيك المره حفل امهات كنت اتمنى تجي ولا جت تقول فاضيتلك من زينكم وش دخل من زيننا حتى

بالعيد ماتحظر معنا تسوي اي مشكله علشان ماتجي اذا ماتبين تجين تعالي علشان اختي الصغيره مب شرط احنا الكبار ومب كل مره جت مناسبه نتعذر علشانها ليه مالنا حق نستانس وننبسط

وانواع الاحراج مع الحريم ليه ماتجي امك ليه ماتجي وانا اكذب عليهم تعبانه عندها شغل وكذا والله العظيم

بعض الاحيان احس اني عجوز وهي المراهقه لاطلعنا تقول انو عمرها 17 هههههههههه والله مييته ضحك ليه تبين تصغرين عمرك لهدرجه مب واثقه تزعل مني على طول وانواع السب والتجريح

وتعلمهم انو انا اكبر منها واني بالجامعه وهي لا لسه بالثانويه الله لايبلانا بس ): وتقولي انتي جايه غلط ولا ماكنت ابيك تجيين خربت حياتي انا مانيب امك ): يابنات مابيكم تفهمون كلامي غلط والله اني احب امي ودايما انا اجي احظنها وربي اني ابوس رجلها واسوي الله تبيه

بس هي الله يهديها ولاعمرها حظنتي لو بس تمسك يدي بس ): تحب بنات خالتي اكثر مني وتعظمهم على ايش مدري والله يابنات خايفه على اخواني وبالذات حبيبه قلبي اختي الصغيره

والله شايله همها لاتزوجت انا من يعرف وش تبي متضايقه فرحانه مافي الااختي الثانيه هي الوحيده اللي تفهمني الله يخليها لي

امم بنات احس اني طولت معاكم بالكلام وفيه حاجات كثير وكثير بس والله قاعده اطلع اللي بصدري حاولت حاولت معاها ومافي فايده راسها يابس ):

والله يستر من الايام وش بتسوي !!__!!

يلزم عليك تسجيل الدخول أولًا لكتابة تعليق.

تسجيل دخول

قشطه بالسكر • 15 سنة

الله يعينك

قمه • 15 سنة

مشاء الله تبارك الله 000من كلامك حسيت انك بنت فاهمه وعاقله ربي يحفظك 000من كل شر 00ويكتب لك التوفيق في حياتك الزوجيه 000000
وامك الله يهديها 000حاولي تتقربي منها 00ارسلي لها رسايل تبينين لها حبك لها 00اختاري اوقات تكون فيها مبسوطه ورايقه
حتى تتقربي لها اكثر 00دايم بين لها انك سعيده وفخوره انها امك
تحملي كلماتها الجارحه 00مع الايام راح تتغير 00اهديها هدايه مع كلمات حلوه 000تفقديها دايم 000وينك يمه فقدتك 00لاتتاخري علينا 00اشتاقلك انا 00خواتك وخوانك قوي علاقتك فيهم 000ودايم قولي لهم هذولي ولدينا لازم نصبر عليهم ونبرهم
وان شاء الله راح يتغيرو 000خليك انت الصديق لهم 000
احذرك 00لاتهربي من المشاكل بالادويه انتبهي 000اذا واجهتك مشكله 00على طول اهربي الى الله 000افرشي سجادتك واشكي حالك لله 00ادعي دايمن بأوقات الاجابه بين الاذان والاقامه 00نهاية عصر الجمعه 00في السجود 00اقرئي وثقفي نفسك في جميع جوانب الحياة 00حتى تكون عندك خبره تواجهي فيها الحياة وتأكدي ان هذي حال الدنيا 00ولا راح نشوف الراحه الا بالاخره
شوفي علاقتك بالله كيف 00وحسنيها وقويها 00ابتسمي راح تبتسم لك الحياة 000
استشيري اخصائيه اجتماعيه ان شاء الله يكون عندها الحل 00

ام عزام3 • 15 سنة

الله يفرج همك ويرزقك ببن الحلال الي يسعدك ويهديك

دانيا الدلوعه • 15 سنة

اتوقع امك خايفه من سن اليأس فاتحاول تصغر نفسها
وتتهرب من التجمعات عشان ماتتضايق من التعليقات
لذلك تحمليها شوي وداريها لاتكوني انتي والظروف عليها00
انا مش طبيبه نفسيه بس من كلامك توقعت كذا 00
بما انك تحملتي السنسن اللي فاتت 00تعب وشقى00 وصبر وتحمل
خلاص كملي جميلك 00واصبري وانصحي خواتك يتحملونها
والله يهديها ويريح بالها ويحفظها لكم ولايحرمكم منها

روح التوت • 15 سنة

يمكن تزوجوا غصب ؟؟ وجابتك بسرعة بعد الزواج؟؟
مااعرف ايش اقول
غير الله يهديهم ويعوضك بخطيبك ويكون لك الاب والام وكل شئ بحياتك