السلام عليكم هذه القصايد أعجبتني ونقلتها لكم
تدور حول نفس الموضوع تقريبا..
وأحب أهديها لكم
,وأهديها أهداء خااص لصديقتي وأقولها
ا الله يفرج همك وفالك السعاده ياغاليه
........................واليكم القصايد
::
الصوره مخالفه
ياقلب هونها عسى السعد فالك
الله يفرجها على كل مهموم
ياقلب ما أنت اللي وحيد لحالك
كم واحدن قبلك متيم ومظلوم
خل الأمل باللي عليم بحالك
وأعلم ترى ماصار لك شي مقسوم
لاخاب ظنك في رفيق قبالك
وش ترتجي من اللي على شمسه غيوم
كم واحدن شرف وسير وجالك
وقت الرخاء ياكثر من جاك بالكوم
وعند الشدايد كل من هو سعى لك
يقول انا ماني بلاماك ملزوم
هو ليه توفي بواحد ما وفالك؟
لاطايله عذل ولا طايله لوم
نصيحتي لك من عزيز صفى لك
عليك باللي كنه طويق مزموم
هذي نصيحة مخلص قالها لك
دنياااك لو تصفى فلا يمكن تدوم
...........................................وسلامتكم
يا رب هونها على اللي من الضيق
يشكـي عذاب الحظ والحظ مايل
حاولت اعدل ميلها غصب وتضيق
و عجزت اعدلها بكـل الوسائل
و انا صبرت وفوق ذا الصبر ما طيق
و اليوم رجم الصبر تحتي تهايل
من سبة اللي خان كـل المواثيق
اللي عن دروب الصوابِ يتمايل
الصاحب اللي كنت احطه لي رفيق
في ساعة الشدة و وقت الصمايل
كـنت أرفعه من فوق روس الشواهيق
و أجي ظلاله عن سموم القوايل
و كـنت احسب العوجه عليّ قبل لاتضيق
و ياما فعلت بحضرته من جمايل
خلاص ماني فاتح معه تحقيق
خلاص ما أبغى له شهود ودلائل
يوم انكشف صدي وضاقت طواريق
يارب عدلها ترى الحظ مايل
................................................................وسلامتكم أتمنى تعجبكم
ولاتنسوني من ردودكم الحلوه
.....
فديت انا القصايد واللي كاتبها
يسلموووو يااغلى سوسو
القصايد روووووووووووووووعه