ياكبرهمي وياكبرجرح قلبي**** يوم الخبرجاني 00 وقالو مات
أنكرت وقلت اللي تقولون كذبي**** من فجعتي كني بحلم وخيالات
وعجزت اصدق تاه فكري ودربي**** موته حياتي جاب للروح حسراااات
والموت حق ومآخذالروح غصبي*** لكن فراقه دنيتي لي خساراااات
يالله ياللي مفرج(ن) كل كربي*** ياميسرامور(ن)علينا صعيبات
ويامنجي(ن)يوسف من اعماق جبي*** وقريت عين ابوه من بعد ضيقات
ونجيت يونس يوم ناداك ربي*** ظلمت نفسي واستجبت الدعوااات
ترحم حياة الروح عمري وقلبي*** وتجعل مقره دنيتي وسط جنااااات
يسوى جميع الناس شرقه وغربي***ويسوى جميع الحي منهم والاموات
تفداه روحي وكل شي(ن)وربي***ويفداه عمري وكل حاضر ومافات
هو شمسي وظلي وهو نور دربي***هو بلسم جروحي وللنفس راحات
هوعزوتي واهلي وناسي وصحبي***هوكل شي(ن) لي وفرقاه لوعات
ياابومحمد يادوايه وطبي**** بعد الرحيم اللي لنا فيه رجوااات
ياكثر دمع(ن)يالجديعي يصبي***عليك وعيوني شكت حر دمعااات
واسهرت ليلي واطلب النوم طلبي***اشغلت فكري دنيتي بكل الاوقات
والله ماانساك ياكل حبي****والله ما انسى زمان(ن)لنا***فات
والله كنه في حنانه وربي****ام (ن)تريد عيالهادوم جمعات
ابو حنون وزوج ماهوب صعبي***وبالوالده احسان وبر(ن)ورحمااات
دايم حياة الروح لامه يلبي***لبيه سمي مايرداي طلبات
يريد راحتها ولايريد نصبي***وده يشيل اوجاعها وكل علات
واصل لارحامه خلوق(ن)وذربي***رحوم باخوانه وكل القرابات
وكنه بفضله مزن دايم تصبي***ويعطي حياةالروح بدون منات
خدوم وللفزعات دايم يلبي***دايم يضحي براحته لاجل راحات
دايم بشوش الوجه ولسان عذبي***وللضيف خيراته يقدم وضحكااااات
صبور وللشدات دنياي صلبي*** يخفي علينا هموم ويظهر مسرات
ويمزح مع البزران بضحك(ن)ولعبي***ويجلس مع الناس الضعيفه بسمرااات
ويساعدالمحتاج ومن فيه كربي*** مايستريح الا بتفريج ضيقاااات
طبعه حياة الروح للاذهان يسبي***فريد من نوعه لعله بجناااات
وانااحمد اللي عوض بفقد حبي*** لفظ الشهاده قبل موته بلحظات
يالله يارحمن ياخير حسبي***اسألك ربي تعطي النفس راحاااات
واسألك تجمعني وجنبه بجنبي*** في جنتك ياغافر(ن)للخطياااات
واقول اتعبني فراقك وربي***يشهد على مااقول رب السماوا ت
ياناس عامودي واساسي سقط بي***وشلوون اقوم خيمتي بدون عمدات
والله ماقدر اظهر اللي بقلبي***غلااااه وقدره ماتبينه الابياااات
ياناس دنيا للمكايد تغبي***تظهر بمكره كل زينه ولذاااات
ياناس دنياكم غرور(ن)ولعبي***تنبهوامن قبل يوم المنيات
تنبهوا من قبل يوم(ن)يكبي***فيه التراب وانتم وحيدين حفرااات
وترى لكم اعداء دايم بحربي***شيطان والنفس الدنيه وشهوااات
وماينفع الانسان والله وربي ***الا اتباعه للهدى وكل طاعااات
واختامها اصلي عدد مايلبي***حجاج بيت الله يريدون جنااات
وعداد ماريح(ن)علينا تهبي***واعداد ماطارت وناحت حمامات
على النبي والآل واهله وصحبي***واللي تبعهم يبشر بحسن ختماااااات
شعووووووور
شعور @shaaor
عضوة نشيطة
يلزم عليك تسجيل الدخول أولًا لكتابة تعليق.
سلمت أناملك
كلمات مؤثره
وأحاسيس صادقه
رحمه الله رحمة واسعة
وأدخله فسيح جناته
صـــبراً أُخــيه
وأحتسبي ذلك عند الله
حروفك وكلماتك
فيها الكثير والكــثير
من العظة والعــبرة
جُـــزيت خيراً
والبسك الله حلة الصبر والسلوان
وجمع بينكما في جنة الرضــوان
لكِ خالص تحياتي
أخوووك .. النورس الأبيض
الصفحة الأخيرة
وأسأل الله أن يغفر لموتاكم وموتانا وموتا المسلمين
آمـــــــــــــــــــــــــــــــــــــــــين