ياكثر الي يتصلون ومن ثم ما يتصلون مره ثانيه

مرحبا. هذا المشهد يتكرر منذ خمس عشر سنه او اكثر تتصل ام الخاطب او اخته او اي احد وتكلم امي وامي ترحب وتقول حياكم الله ومن بعدها ما يتصلون وبعضهم احيانا اعصب لو اني ما اعرف امي كان اقول يمكن هي سبب يمكن يشوفون انها بارده معهم بس مستحيل امي تضرني امي احرص مني صديقتي قالت لي يمكن عشان امك تقول لهم انكم ما تهمكم الحاله الماديه واهم شي عندكم الرجال الطيب قلت والله هذا مو شي يزعل ومو مبرر لهم عشان ينسحبون حلوه ذي اخر مره اتصلت حرمه على امي قالت ولدها شاريكم وفي بنتك المواصفات الي يبغاها قالت امي اوكيه ابشوف البنت وكلميني بعد يوم او يومين امي قالت لي بس الحرمه اتصلت بعد اسبوع وعطت امي تفاصيل زياده ان ولدها مطلق قالت امي اوكيه ابقول لبنتي وانت اتصلي علي بعد يوم او يومين امي قالت لي قلت عادي انا راضيه في كونه انه مطلق ما عندي مانع وراضيه انه فقير بس يا مي اذا اتصلت عليك اسئليها كم جلس مع طليقته لاني خايفه يكون جلس معها مده طويله اخاف يكون سبب الطلاق انه عقيم او زي كذا وانا تعرفين مو صغيره قالت امي طيب ابسئلها اذا اتصلت بس الحرمه ما اتصلت انا افكر ليش ما اخلي امي تتصل عليها وتسئلها ما فيها شي هي مو بتتصل عليها بتخطب ولدها او شفقانه عليه هي بتتصل عادي قسم بالله اني ميته قهر انا ما ادري وش يزعل الناس من امي هل السبب لانهم مرتين اتصلوا وامي تقولهم ابشاور البنت طيب الامر عادي انا عارفه انه لو لي نصيب اباخذه بس ولو مليت من ها الحاله ودي اعرف راسي من رجليني انا مو صغيره وعلى مهلي ودي اعرف حل لهذه المعادله الصعبه وهي زعل الخطاب من اول اتصال لو ابحسب عددهم كان وصلوا خمسين