ياكوشات خلونا ندردش شوي عن التجهيزات

نصيحه مجرب ابداي بدري من الان لاتستني الثامن والثقل كل شهر اتعب من اللي بعده الحمدلله على كل حال

افااااااااااا محد ردعلي غير بسمة حياتي وين الباقين ولاعشاني جديده على المنتدى ومحد يعرفني كسرتو الحماس الي عندي على العموم شكرا يابسمه وماقصرتي الله يعطيك العافيه

مرحبااا نصيييحه خلصي مشترياتك من الحين من تدخلين الثامن بتصيري مثل البطه ما تقدري تتحركي وحتى نفسيا ما لك خلق تشتري شي انا عن نفسي من الشهر السادس بدأت اجهز والحين باقي علي التوزيعات ويمكن بعد ما اسوي احسها راحت موضتها يعني للمستشفى حلويات وبس
والله يقومج بالسلامه...

ليش يا حبيبتي تستنى للثامن للتجهيز ...؟؟؟؟

انا والله من اول شهر ابدا التجهيز بالتساهيل .. يعني كتبت في ورقة اش احتاج وقسمتها على 3 مجموعات المجموعة الاولى من اول شهر حتى الرابع او الخامس ( حتى اعرف جنس المولود ) واشتري فيها كل شي ماله علاقة بجنس البيبي مثلا ملابس الحمل - كرسي السيارة - اله تعقيم الرضاعات والرضاعات مضخة الثدي ترمس ماء حار اللهايات ميزان حرارة الفلاين الداخلية عشان انا افضلها بيضاء

المرحلة الثانية من ما اعرف جنس البيبي الى الثامن .. واكثر شي فيها الملابس اللحاف سرير البيبي او فرشة الخ

المرحلة الثالثة الاشياء الباقية وتجهزاتك للولادة من توزيعات قميص نوم الضيافة الخ

ترا شهور الحمل طويلة وانا اجهز على مهلي واستغل التخفيضات ما اخذ شي بدون تخفيض وترا مافي احلى شي في الحمل الا التجهيز ولمن تبداي متاخر تطرى تاخذي باي سعر صح في اشياء اخذتها بدون تخفيض بس طبعا لمن وصلت للثامن وما اتخفضت

هذة تجربتي في حملين .. واذا تبغى اي مساعدة انا جاهزة على الخاص

انا في نص الشهر السادس
ما جهزت ولاشي بس رحت كذا محل القيت نظره يعني
خذت بجامتين للبيبي لقيتها مسوين عليها تخفيض وخذتها
وعندي 3 بربوتوزات خذتهم وانا في الثالث عن نفسي بس احس قماشهم مب ذيك الدرجه يعني ما احسب اني خذتهم
انا ودي على الاسبوع الجاي اصير خلاص لاقيه سرير البيبي والمفارش والدولاب
وودي الاقي لي كم لبس للنفاس
عشان ارتاح منهم وابدأ في ملابس البيبي لان يقولون ستي بلازا قريبه تخفيضاته
والتوزيعات يمكن انا اسويها وما بسوي كثير يعني مب كل احد يجي بعطيه لا بعطي منهم قرايبي وصديقاتي واهل زوجي
اما الناس الثانيه بوزع عليهم حلويات عاديه في سله