ياشيخه روحي دوري علي حاجعه عدله مالاقيتسيش الا انا ههههههههههههههههههههههه

قصدك على الحصالات دى تلاقيها مليانه على الاخر انا نفسى اروح عندك ههههههههههههههههههه

انا عارفه انك هتموتي وتيجي بس جوزك حابسك

الى الاخت ندى الصادقه انا شايفه ان مصاريفك مش كتيره بالعكس ولكن فعلا الخروج بيصرف كتييير انا فى الحقيقه من مصر وكنت عايشه زمان فى السعوديه واتولدت هناك كمان وتربيت هناك بس فى تبوك وكان ابونا ياخدنا فى مزارع ملك لاصحابو ونقضى اليوم كله فى الزرع ما اعرف عندكم زينا هنا فى مصرحدائق عامه ولا لا لو فى دى بتكون جميله جدا وغير مكلفه لان اسعارها بتكون رمزيه وبتاخدى اكلك انتى والاولاد معاكى وبتقضى اليوم كلو من غير تكاليف كبيره ربنا يسعدك ويوسع رزقك بس ياريت تجربى تستغفرى كتير على الاقل بعد ما تصلى الفجر مية مره وبعد المغرب ميه مره واهو تبقى احييتى سنه النبى الكريم والاستغفار بيوسع الرزق كتييييييييير بس جربى شويه وانتى هتدعيلى قال رسول الله صلى الله عليه وسلم من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب صدق رسولنا الكريم ربنا يرزقك من حيث لاتحتسبى اختك ام خادم الرسول

حبيباتى فى الله وحشتونى جدا وخصوصا انتى يا مروة .... ربنا يباركلك ويجازيكى عنا ل خير وفى ميزان حسناتك ان شاء الله

انا كمان يابنات مرتبى 1100 جنيه ... عاملة جمعية بـ 100 جنيه ... يتفضلى 1000 جنيه .. المفروض انهم للأكل والشرب فقط ... وزوجى بيدفع مصاريف المدارس بتاعت الاولاد والنور والماية والتليفون والنت والبواب

لكن مش عارفة اوفر خالص ولا مليم لدرجة انى اول مرة ادخل جمعيات وكل ماتزنق اقول ياريتنى مادخلت وكنت انا اولى بال 100 جنيه دى

المصاريف فى مصر غالية اوى وخصوصا ان فيه بامبرز ده لوحده مصيبة كنت بجيب 2 فى الشهر لان عندى طفلين لكن الحمد لله ربنا تاب عليا وفى واحد بقى بيعمل فى التويلت لكن الصغير لسة ... طبعا كنت بجيب بيبى جوى الكبير ب 62 جنيه وكان رائع بس برده خراب بيوت .. فاقررت اقتصد واجيب بيبى فاين 48 جنيه اهو ارحم برده ..... ومع ذلك برده الفلوس بتطير ... يمكن عشان مش بقبض المرتب مرة واحدة اصلى بقبض مرتين فى الشهر ... يعنى يوم 28 باخد 600 جنيه ... ويوم 15 باخد 500 جنيه ... يمكن عشان كدة الفلوس بتطير

من فضلك يامروة ساعدينى لحسن بصرف المرتب بعد 3 ايام وبقضى طول الشهر ب 5 او 10 جنيه والله :( :(

فى انتظارك ياقمر ................. :)