جزاكى الله خير على موضوعك الرائع انا قريت كام صفحه كده وعجبنى اوى تدبيرك
احنا فعلا بنصرف فى كلام هايف وتافه وبنشترى حاجات ملهاش لازمه وانا وزوجى مبنحوش خالص ودى حاجه مضيقانى لكن ربنا ييسر والواحد يمسك ايده شويه

اختى حبيبة ابراهيم الحياه غاليه فى كل مكان لكن برده ممكن الواحد يقدر يمسك ايده شويه ويستغنى عن حاجات فى مقابل يحقق الهدف الى بيسعى ليه

تسدقى يالجين انتي كنتي ظالماني بجد وانتي مش عارفه
طب دا انتي بالذات كنت كتبتلك رد محترم اول ما كتبتي رسالتك علطول وبعد ما تعبت في الكتابه جيت ابعتها لاقيت النت كان فاصل واتمسح اللي كتبته وتعبت فيه فبعدين رحت كسلت اكتب من تاني
المهم عشان ما تزعليش هارد على رسالتك حته حته
اصل الظاهر انا خلفتكوا ونسيتكوا ههههههههههههههههههههههههههههههه

الاحتياجات تتقسم كل شهر بيتلبى طلب فرد او فردين من الاسره
والباقي طلباتهم واحتياجاتهم تتأجل للشهر اللي بعده

بصراحه دي اكتر حته عجبيتني في رسالتك لانه دا هيعلم اولادنا الصبر وتحمل المسئوليه مع الوالدين وكمان مصاريف الشهر مش هتتصرف مره واحده وتقعدوا عالحديده تبكوا وتعيطوا

وبعدين جايز بعد الشهر ما يخلص اللي طلب منكوا طلب يتنازل عنه او ينساه خالص

لي كم شهر بقراء عن الميزانيه وبجمع افكار ولقيت موضوع ام عتريسه وقريته مره واتنين وتلاته واثر فيني قوي قوي


بصراحه موضوع ام عتريسه هو السبب الرئيسي اللي خلاني اسجل في المنتدي واعمل الموضوع بتاعي ده انا قلت اعمله استكمالا لموضوع ام عتريسه اما لاقيتها مش فاضيه دلواقتي تكمله
وانا بانصح الكل يقرا موضوعها ده " مكتوب في قسم الواضيع المتميزه باسم"دليل المرأه الذكيه في ضبط الميزانيه اليوميه ----صفحات من يوميات امراه مسرفه جدا"