:26:ايه ده ياروشى مروه لو عرفت انك بتكوى هدومك بره هتعضك عضه كبيره المكوه دى ميزانيه لوحدها تعرفى انى عمرى ما كويت بره البيت بس وصاحبه رساله دموع تائبه انا بايدك انك تجيبى طلباتك اول الشهر علشان تقدرى تتحكمى فى باقى المصاريف:39::39:

جزاكى الله خيرا ياقمر .. شكرا اولا على الدعاء ... وشكرا ثانيا انك افتكرتينى هههههههههه


حلوة اوى فكرة الجبنة القريش دى .. ححاول اجيبها ... وكمان انا كنت بشترى من السوبر ماركت اللى تحت البيت تمن بسطرمة وتمن تركى بـمبلغ وقدره بجد مش فاكرة كام تقريبا 12 جنيه ... ولاقيت امبارح واحد بتاع جملة بيبع البان وجبن بس ... اشتريت من عنده نفس الحاجة بنفس الجودة و بـ 8 جنيه بس حتى والله الجبنة التركى بتاعته احسن ... المهم طبعا انا حاسبت نفسى على ال 12 جنيه دفعت 8 جنيه للراجل وشيلت فى حصالة فرق الفلوس ال 4 جنيه ... حجمعهم اخر الشهر اطلع منهم جزء لله عشان ربنا يباركلى فيهم والباقى طيران على البوسطة باسمى او اسم ولادى


حقبض يوم 15 .. حطلع فلوس الجمعية اللى اتصرفت من زماااااان وانا عمالة اسد فيها ودى اخر مرة اخش جمعيات .. وحطلع فلوس الدكتور بتاعى ويارب يحنن قلب جوزى ويدفعلى الدكتور لانه غالى ... والله هو رافض ان انا اللى ادفع بس انا محرجة ومش عايزة اتقل عليه ....... المهم يعنى حطلع كل الاساسيات والباقى حقسمهم على اربع اظرف وكل ظرف يمثل اسبوع ولو فاض فلوس من الاسبوع الاول فى الظرف الاول طبعا مش حضيفهم على باقى الظروف لا طبعا حيتصادروا ههههههههههه

دموع تائبة ياريت تشاركينا الافكار ...

يابنات فى تخفيضات هايلة جدا جدا فى كارفور ... تصوروا ال 10 كيلو رز ب 10 جنيه والله يابلاش


التخفيض اسمه 10 و 20 .... يعنى كل حاجة بعشرة و20 جنيه بس بس بس


العرض سارى من يوم 11 لغاية يوم 21 / 2 / 2009


انا حنزل انهاردة او بكرة واشوف بس على الله مانيلش الدنيا واشترى كل العروض اللى عايزاها واللى مش عايزاها

صباح الخير ياقمر يا ام انس ...... وحشتينى والله ... ايه رايك فى طريقة الظروف دى والجوابات هههههههه ... وبعدين حضرتك من اول الموضوع مافتح ماتكلمتيش عن التوفير ولا قلتى حتى ولا راى ايه عاملة رجيم ؟؟ هههههههههههههه

الرابط بتاع كارفور اهو والعروض اللى فيه ... بس الموقع تقيل شوية معلش

http://www.carrefour.com.eg/promo_items.aspx?ID=335

صباح على مسا الخير كل على حسب توقيته الي دخل فيه
كثير مشكوره على الموضوع المهم والشيق بنفس الوقت لاني بستمتع لما اقرا مثل ها المواضيع
بالنسبالي مع بداية السنه الجديد انا الي اخدت المصروف لان وزجي الله يهديني ويهديه ميعرفش يتصرف فيه يعني ساعات بنلاقيش تاكل وساعات بيزيد نص الراتب على الشر الي بعده بس الشهر الثالت منلقيش منه حاجه
طبعا انا ليه تقريبا شهرين او ثلاثه بدور على طريقه نوفر بيها من غير ما نحتاج وطبعا لقيت كام فكره حلوه المهم احسن حاجه لقيتها وطبقتها ها الشهر كانت من انتاج الدكتور جاسم المطوع في شريط سمعته من النت لو لقيته ححط رابطه او حرفعهولكم من عندي وفي مشاركتي الجايه هكتل لكم عن الطريقه الي اتبعتها وايه الا عملو والي معملتوش وتساعدوني اني ارتب الميزانيه معاكم اكثر ولوني راضيه بنسبة 80 الميه على الي عملته

اشوفكم فيمشاركتي الثانيه لما ابني ينام