زمردة لازم تتمسكى بالهدف بتاعك لغاية ماتوصليله ... لو انتى شايفة موضوع الظروف ده كان بيفيدك ارجعيله تانى ... انا حعمل كدة الشهر ده وعلى فكرة البيبى فاين كنت بجيبه ب 45 جنيه ... حاخد المبلغ ده واشترى بيه كوتشى ب 30 جنيه يتفضل برده 15 احطهم على الحصالة وبعدين اخر الشهر اجمع الفلوس واحطهم فى البوسطة وكل 3 شهور انزل اجيب بيهم دهب ان شالله خاتم بس بشرط ... لازم تراعوا فى شراء الذهب حاجتين :-

1* انك لازم تختارى الدهب الاصفر مش الابيض عشان الابيض لما تبيعيه بتخسرى فيه - وكمان تختاروا الدهب العربى مش الافرنجى لان العربى دايما فى العالى وبيجيب فلوس عكس الافرنجى وطبعا العربى عيار 21 والافرنجى عيار 18 - وكمان تختاروا الدهب مايكونش فيه فصوص خالص لان الفصوص لما تيجى تبيعى الصايغ ببينزل من تمن الفصوص كتير جدا - اخر حاجة هاتى قطعة الدهب وتكون دهب صافى لا الوان ولا رسومات كتير عشان لو فيها رشغل كتير المصنعية حتزيد وبالتالى لما تبعيه حتخسرى المصنعية دى لكن لو جبتى مصنعيته مثلا فى الجرام 3 او 4 او حتى 5 جنيه يبقى حلو .. لان انا دايما كنت بحب الحاجة اللى فيها شغل وكانت المصنعية احيانا بتوصل ل 12 جنيه فى الجرام وزيادة وطبعا لمما ابيع كنت بخسر جدا ......... يالا ماحدش بيتعلم ببلاش

2* الحاجة التانية لازم لازم لازم بما ان نيتكم انكم تشتروا دهب كنوع من التوفير وانه فلوس متشالة يبقى لازم تطلعوا عليه فلوس زى الشرع ماقال ... نصاب الدهب مش عرفاه كام بصراحة بس حسال واقولكم .

ام انس كلمى مروة خليها تدخل ........ بجد فعلا زى ماقالت هى خلفتنا ونسيتنا

خليها تدخل تشارك لحسن وحشنا كلامها اوى ........ يارب يهديلها ابنها وتدخل بقى

كلمتها والله قلتلها ادخلى ردى على الناس عبريهم قالتى انا عند بابا لما ترجع هترد علينا وبالنسبه لفكره الدهب انا عندى حل حلو اللى قالتلى عليه البت مروه قالتى لو هتجيبى دهب هاتى جنيه دهب وشيليه عارفه ليه لانو معليهوش مصنعيه عاوزه اسال على الموضوع ده لو صح ده يبقى احلى من الظرف لان الدهب بيغلا

ما شاء الله فعلا فكرة حلوة اوى وربنا يتقبل منك و يفتح عليكى بالخير



كويس انك فكرتينى يا جميل

و الله يا رشا جبت كوتشى ده من يومين و طلع بجددددددددددددددد اسوء من السىء بكتيررررررررررررررررررر
اولا بيسرب و بيفرول و كمان كانت فى العلبه واحدة مقطوعة و مفتوحة و بيعمل تكتلات كده فى الحفاضة يعنى القطن يفك من بعضه و كل حتة بتروح لوحدها
و فى الخر حبيت ارجعه للصيدلية فطبعا معرفتش و استعوضت ربنا فى الفلوس اللى دفعتها :06: و ربنا يعوض عليا بالأحسن و الحمد لله على كل حال

فطبعا مش كل حاجة فيها توفير تبقى كويسة يعنى برده لفيت و رحت جبت البيبى جوى و كمان على حقع تكن الحفاضات التانية
و فعلا بالنسبة لموضوع الدهب احسن حاجة الدهب العربى و اللى بيبقى بسيط مش فيه حاجة و لا شغل

ام انس ......... بصى يا جميل بالنسبة لموضوع الجنية الدهب انا اعتقد انى سمعت انها حرام و الله اعلم عشان الرسومات اللى على الجنية ديه حاجات رموز دينية عندهم و الله اعلم بس اسألى الأول و ياريت لو عرفتى حاجة ابقى قوليلى انا كمان

قبل ما اقرا كل الردوت اللي فاتت
احب انبه علي روشي وام خادم الرسول انهم يرجعوا يمسحوا كل الكلام الغير لائق من الموضوع

والا هاضطر اطلب من مشرفات المنتدي يمسحوها

سوري
دا مش هزار