يالحكيمات تعالو زوجي مد يده علي 😢

زوجي مد يده علي بسياره بس ماضربني تراجع باخر شي وانا مثل المصدومه لان السبب وربي جدا تافه
المهم هو كذا كل عيد ومقاضي الاسواق يصير عصبي الناس وناسه ويفرحون بالعيد وهو لا يتنكد وطول ايام العيد ع اعصابه عشان المشاوير

على اني مادخلت السوق الا مره وحده عشان مايتنرفز ولايتضايق ومع ذلك نفس الشي ماسلمت


المهم مشيتها وسامحته لاني مابي يمر علينا العيد نكد ثم ثاني العيد هاوشني ع شي تافه يعني لو يلقى ايش طايح ولا شي بعيد عن مكانه يقوم يصارخ ويهاوش ونفس الشي سامحته بنفس اليوم
بس قبل ثلاث ايام سوا مشكله بسبب عادي جدا يعني مايستاهل هذا الصراخ كله والعصبيه وجا قرب مد يده ودفني قسم بالله بنات مافي اسباب قويه تخليه يعصب هالكثر
هو من زمان عصبي هذا طبع فيه بس زودها كل ماحلت له عصب وانا اسامحه صار يعصب كل يوم مو كل فتره لا كل يوم ويكشر ووجهه مدري كيف يجيب الهم من التكشير مليت من كذا
هذا اليوم الرابع يعتبر مااكلمه من بعد دفته الاخيره ماقدرت اكلمه كل ماتذكرت حركته تتوقعون علي ذنب اني اهجره فوق ثلاث ايام مااكلمه والله بنات حارق قلبي ماقدرت اسامحه وبعد مابي اكلم اخواني مابي اكبر الموضوع


ابي الحكييمات يعطوني حلول تنفع شسوي معه
الله يجزززاها كل خير من تعطيني حل والي ماعندها حل تدعيلي ربي يحقق لي ولكم مانتمنى


لاحد يعلق تعليقات تضيق الصدر والله الواحد الي فيه مكفيه الحمدلله ع كل حال