انا نقلته لكم بدون اي تعديل والاسم اللي عالصور اسمي بالمنتدى الثاني
تفضلو
مساء الخير
مالي بالمقدمات
انا ضيفه جديده عالمنتدى واتمنى كل مااطرحه يكون مفيد لكم يارب
انا من عشاق الحلويات وكثير ابحث عن كل مايختص فيها سواء مواقع عربيه او اجنبيه
احب ابتكر واتخيل وشلون بيطلع الطعم والشكل وبعدها ابدا مره تنجح وعشره وشسمه ذا .....
المهم راح اطرح حلوياتي البسيييييطه ويارب تعجبكم واي سوال حاضره
,,,
كيكة الفراوله
الكيكه أي كيكه تعجبك بالنسبه لي معتمده
2 بيض بحراره الغرفه
كوب ماء
كوب زيت
كوب سكر
6 ملاعق كبيره حليب بودره
فانيلا + شوي ملح
كل هالمقادير تنحط بالبلاندر وتنخلط 5 دقااااايق وبكذا راح يدخلها هواء
وبعدها نحط الخليط على 2 كوب دقيق ابيض والكويت افضل شي (منخول) ومضاف لها ملعقه كبيره بيكنج بودر
واخلطي المقادير بملعقه من تحت لفوق حتى تندمج كل المقادير واخبزيها 25 دقيقه
وعوافي
الكريمه انا جربت اكثر من كريمه لهالكيكه بس اللي اعجبتني واعجبت الكل
كريمه بياض البيض
3 بياض بيض
نصف كوب سكر
اصبع ونصف زبده لينه
فانيليا
طريقتهـا :
على حمام مائي اخلطي بياض البيض والسكر بس لاتخلينه يلمس المويه خليه على بخار الماء بس
- لازم يكون الوعاء اللي بتخلطينفيها ناشف زين مافيه ولا نقطة مويه
وانتبهي لايجي عليه من موية الحمام المائي
واستمري بالخلط عشان ماينضج عليك بياض البيض لمدة 5 دقايق تقريبا او حتى يسخن الخليط ويثقل شوي
ويعدها عطول بالخفاق الكهربائي او العجانه اخلطيه وهو حار لحد مايتضاعف حجمهويصير كأنه كريمه بيضاء
اضيفي الزبده قطعه قطعه وهالمره بتاخذ وقت من 7 - 10دقايق
وبالاخير اضيفي الفانيليا واخلطيها شوي .. وممكن تلونيها مثل ماتحبي
,,,
كيكه المناسبات
الكيكه نفسها اللي فوق بس انا ادبلها واعملها في صينيتين وبالوسط اسقيها مربى مخفف بمويه و شوي من الكريمه حقت التغطيه
بالنسبه للكريمه هي كريمه الزبده لذييييييييذه بس دسمه شويتين بس جد جد لذيذه
المقادير
200 جم زبدة لينة بدرجة حرارة الغرفة مو مذوبة
¼ كوب زيت
2 كوب شيرة/قطر (ممكن تحتاجين اكثر حسب رغبتك بحلاوتها)
2 م ص فانيليا
اذا حابتها بالكاكاو تضيفي 2ملعقه كبيره لربع كوب شيره وتخلطيها وتضيفيها للي سبق مع الاستمرار بالخفق
الطريقه
تخفق الزيده مع الزيت لين يصير لونها ابيض مايل للبيج (ع فكره افضل شي لورباك المراعي تكون مايله للاصفر)
وبعد ماتنخفق اضيفي الشيره شوي شوي والخفاقه لسى شغاله ماتوقفيها صبيها زي الخيط
فهمتو واضيفي الفانيلا واتركيها 10 دقايق تنخفق وبعدها لونيها وشكليها
وهالكريمه تنحفظ يومين برا مغطاه واسبوع كامل بالثلاجه وتطلعيها قبل الاستخدام بساعه
,,,
مافن بحبيبات الشوكولا
,,
2 كوب دقيق المافن (من ملتقى الخبازين افضل نوع جربته:love:)
2 بيض + كوب زيت +كوب سكر + كوب ماء + فانيلا
تخلط كل المقادير بالخلاط وتضاف عالدقيق واضيفي حبيبات الهيرشي
لذيييييييذه وهششششه عوافي يارب
,,,,,
حلا سويته من راسي عالسريع
3 طبقات
الاولى كيك شوكولا مفتت ومرصوص زيييين
الثانيه علبه قشطه + جبن فيلادلفيا 200 جرام + علبه نستله الوسط + يفضل جيلاتين انا ماكان عندي وطلع ذايب (تخلط زيين وتنحط عالكيك )
الثالثه جالكسي ساده مع شوي قشطه وانا اضفت ملعقتين نوتيلا بحمام مائي
تدخل الثلاجه يوم كامل انا خليتها بالفريزر ممكن نص ساعه وبعدين الثلاجه خليتها ساعتين بس افضل يوم كامل
مره ادمااااااان
,,,
سوفليه
ربع اصبع زبده
2 ملعقه كبيره دقيق
(بقدر وتنحط عالنار وتحرك لين تذوب الزبده)
كوب ونص نسكويك
كوب ونص ماء
كوب ونص حليب بودره
(تخلط بالخلاط وتصب عالسابق وتحرك )
2 بيض
فانيلا
تضاف عالسابق وتحرك بسرعه عشان ماينضج البيض
اذا ثقلت الخلطه طفي النار واضيفي ملعقه بيكنج بودر واخلطيها
وزعيها بصحون السوفليه ودخليها الفرن والنار من فوق واول مانتفخ الطبقه اللي فوق خلاص طفي النار ماراح تاخذ وقت لان من جوا راح تكون ذايبه
لذيذ وادمان صدقوني :love:
,,,,
معمول
نص كوب زيت
نص كوب زيت
3 بيض
تخلط وبعدها اضيف
3 ملاعق كبيره حليب بودره
ونص ملعقه بيكنج بودر
و2 كوب دقيق (انا اضيف لين تتماسك معاي العجين)
ويحشى بالتمر مخلوط بهيل وقرفه وتشكل وتخبز وترش بالسكر
(جربت وبدلت الزيت بزبده كل التجربتين لذيذه)
,,,
واخيرا احب انكم تشوفو استخدامي لكريمهه الزيده
واخيرا خلصت
انتظروني طبعا لو حبيتو اطباقي لي رجعه باذن الله
اتمنى اشوف تجارب لاطباقي وتدعو لي
دمتم بحفظ الرحمن,,,,,
,,,,