مهما صار احنا ما نتعلم ...

شوفي انتي جم مرة انلدغتي من نفس المكان بعد رجعتي لهم :(

احنا الخليجيات جي ما نحب نتعلم للاسف ..نبا كل شي على الجاهز ..مب الكل بس الاغلبيه للاسف ..

عسب جي لازم نعتمد على اعمارنا ..وما نخلي مجال لاي احد يستغلنا ...

انا ادش الصالون صاحبة الصالون تقدم لي خمسين كريم وخمسين زيت للشعر وبودرة للجسم ومادري شو ...وللاسف انا عارفه ان مافي فايده منهم ومع ذلك اشتري (شفتي اغبى عن جي)
يعني خسارة بيزات ع الفاضي ...

معاج حق اختي في كل اللي قلتيه احنا لازم نتعلم نسوي كل شي لاعمارنا ...وموضوعج هذا شجعني والله ..وقهرني في نفس الوقت...

الله يجزاكم خير يابنات على المرور . ورجاي من كل وحده تشهر في المشاغل إلي تسوي أعمال ماترضي الله وتستغل الناس وتستغل فلووسهم وجهلهم وكذلك المشاغل إلي شغلها مشي حالك لإن بعض الناس مساكين ياالله يحصلون فلوس وإذا راحوا المشاغل أنخدعوا . وعلشان هذه المشاغل تتأدب ويعرفون إن هناك ناس يشهرون فيهم في (النت) ويطلعون بلاويهم واستغلالهم <<< والله حنا مانا هينين نحمي وطنا وبلادنا << حشا حرب
رحاب الحق .بالنسبه للشمع أعتبره عندي تنظيف وإزالة شعر .
يالله بنات شعارنا يدا بيد ضد الأستغلال

يحق لك تزعلين بصراحة صرفتي كثير ؟؟
انا الحمد لله اشيل حلاوة لنفسي وشيلي ممتاز واشقر وتشقيري ماشي والحمام المغربي اسوية بالبيت لان اختي عندها الجهاز الخاص بالبخار حتي الصبغ اصبغ بنفسي ما اضطر اروح لهم الا في القص
عندي استفسار استغربت من اسمك لية اخترتي هالنك

ايييه مانقول الا الله المستعان...

محرومه هي وخواتها......لفت نظري اسمك قبل الموضوع.....الله لايحرمك من سعاده في هالدنيا الفانيه.لتوصفين نفسك بالحرمان لاتنحرمين صج..!!!
اختي تفألوا بالخير تجدوه...واعتقد انك منتي محرومه من الفلوس هذا انتي تصرفين في المشاغل يعني عندك نعمة المال الي ناس واجد محرومين منها...
وعندك السياره الي توديك الكوافيره هذي نعمه انا محرومه منها اي السياره علشان كذا اعتمدت عالحف والصبغ والمنكير وربعه وشغل الحريم بالبيت.....
والاخوات انا عندي بس انا محرومه منهم وحده في الاحساء والباقي في الدمام وانا بالخبر,,,,يعني محرومه منهم...
يمكن تقولين اني ملقوفه او ايش دخلني بس هذي وجهت نظر وارجوا انك ما تزعلين مني ....
والله لايحرمك من سعاده قولي امين..................وانا والاخوات ال يقرون بعد.....

نرجع لمحور الحديث..الفخامه اول مره اسمع فيه ...مره ثانيه

اذا بتسوين شيء زي كذا روحي الرشاقه كل جمعه ينزلون له دعايه وبعدين هو مشغل قديم يعني سمعه..
والشيء الثاني الحمام المغربي انا جتني وحده للبيت وسوته لي 80 ريال اريح لاتقولين صوروني ولاغيره...واحسن من مستشفى المانع..كل وحده تشوف جسم الثانيه مافيه خصوصيه ابدا..وصار جسمي يلمع لمع..
وعموما عندنا في السعوديه يغلون اسعار الشامبو واحنا مخفات وراهم انا شريت شامبو وبلسم200ريال وقالت لي بنت عمي ان بالبحرين ينباع ب100 شفتي الظلم..
والحنايات ......حنه ما تصبغ ونجوم زي وجهم تقول رسامه ولما طلبت منها نقش حنا نجوم صار كان بنتي مخربطه على يدي ...والله ان بيوم العرس صار كأني متحنيه من اسبوع...علما ان الحنه ماتصبغ اوي في يدي...البحرين حنه يد ورجل 70 ريال وشغل على مستوى....راقي وهنا ب200و300حشا يرسمون خريطة الكنز....
وكل هالبضاعه الي يبيعونها من بو 2ريالين وعندهم على 50 وفوق والله نصب..
صرت اكره المشاغل ولو بروح بروح اغير جو وبس ....ادري اني بدفع عالفاضي بس اوسع صدري.....بعيد عن البيت وضغوطه...
ومشغل لاميزون خراطين رحت اسوي هاي لايت وشافت شعري قالت ب1200ريال اشدعوه ولما سوت تخفيض وصل 800ريال شلاستغلال....ولما رحت شعاع سوته 450+قص الاطراف والله لايوريك ذيك الصبغه كريييييييييهه.
طولت عليك بس فيني حررررره...
واخيرا لاتزعلين مني والله لايحرمك من اي شيء انتي وخواتك...........



دفى شمس