يالذويقات الله يكتب اجركم ...ساعدوني بالصالة.......

السلام عليكم ورحمة الله وبركاته .
اختي العزيزة اولا بيت العامر ان شاء الله . بالنسبة للون الكنب انت ممكن تختاري لون البيج راح يكون جميل جدا هذا اذا مكان عندك اطفال اما اذا كان عندك اطفال فختاري لون غامق اسود او جوزي او حتى بيجي غامق خاصة ان لون الحائط كما قال زوجك يرهم عليه اي لون وحتى لاتحتاري في اختيار الوان الكنب والستائر اما بالنسبة للتربيزان او الطاولات فانا اعتقد طبعا هذه وجهة نظري وانت حرة في الاختيار خاصة اذا كنت في دولة عربية فتكون ماشاء الله الخيارات واسعة بالنسبة لطاولة غرفة الجلوس اختاري شئ يكون زجاج مع اشغل حديدية راح يكون اعتقد شي جميل وراقي طبعا لازم تكون معاها طاولات صغيرة من نفس الشكل . اما بالنسبة للحائط راح يكون جميل جدا مع وضع اللوحات وضروري تكون اللوحات الوانه مناسبة ل الوان الغرفة طبعا مع اضافة الخداديات على الكنبات واهم شئ وهو الي راح يعطي الحياة لغرفة المعيشة هو النباتات الداخلية خاصة اذا تكون عبارة عن شجرة كبيرة توضع في ركن الغرفة اما تضعيها بين الكنبات او في اي ركن انت تشفين يصلح لهذه الاشياء . اتمنى اكون قد ساعدتك عزيزتي ولو قليلا .انتظر تعليقك واي شي انا جاهزة للمساعدة عزيزتي.

توليب ابيض الله يجزاك خير ...............والله انك ساعدتيني كثير لاني كنت محتارة بين الازرق والبيج في الكنب يعني كنت خايفة انه البيج قديم لان الازرق اللي نازل في السوق مدخلين معاه الوان ثانية ماتناسب لكن البيج ودرجاته نازل في السوق بكثرة مشجر بيج مع سكري وذهبي مطفي
طيب لو سمحت لو بحط شجر في الاركان احط شي جنبها ولا لا..............
والخداديات ايش يكون لونها لانه في رف في الصالة ماصورته عليه فازات صغيرة الوان وحدة موف وحدة ازرق وحدة احمر وحدة اخضر يعني ماني عارفة ايش احط
وغير كذا السجادة اللي في الوسط برضه اخذها بيج ولا لا؟؟؟
الله يعطيك العافية.........

ياجماعة....................وين افكاركم؟؟؟؟

اهلا بك عزيزتي الحمد لله اني قدرت ولو بشيئ بسيط ان اساعد . عزيزتي بالنسبة للشجرة يعني مثلا انا عندي شجرة واضعتها في الركن بين الكنبات ولاكن شجرتي لاتزال صغير لذالك انا وضعتها على طاولة صغيرة بين الكنبتين ووضعت معاها على نفس الطاولة بعض الكسسوارات الصغيرة اما اذا كانت الشجرة التي سوف تضعينها كبيرة ممكن تضعيها على الارض وتضعي امامها طاولة صغيرة وعليها ابجورة جميلة مقاربة للون الاثاث.اما بالنسبة للخداديات هذا يعتمد على لون الكنب اذا كان سادة ممكن دخلي الوان الخداديات على لون الستائر مثلا اذا كانت الستائر مشجرة ممكن تكون الخداديات مثل قماش الستائر اما اذا كانت الكنبات مشجر فيجب ان تكون الستائر بلون سادة وحاولي ان تكون الستائر من نوعين من القماش نوع انت تفضليه والنوع الثاني حاولي ان تدخلي قماش الشيفون مع الستائر لانه يعطي جمالية للستائر . اما السجاد هذا ايضا يعتمد على لون الكنب اذا كان سادة فيجب ان يكون السجاد فيه الوان من البيج والجوزي يعني تدرجات البيج يعني حاولي ان تكون الالوان متناسقة اما اذا كان الكنب مشجر حاولي اختيار سجاد سادة بس بلون اغمق من لون الكنب . وطبعا بعد انت وذوقك هو الواحد على ما اعتقد يحتاج في بعض الاحيان مفتاح الفكرة وبعدين هو بنفسة يبدي يبدع وماشاء الله هنا الفنانات والمبدعات كثير . واتمنى من الباقين يقدرون يساعدوك بافكارهم وانت عليك تختاري وموفقة عزيزتي . انا في الخدمة في اي سؤال ان شاء الله .