حياااااااااااك الله حبيبتي.. السعودية بتنور..
ما أقدر أزيد على اللي قالوه البنات.. الله يجزاهم خير..
بس زي ما قالت إحدى الأخوات صراحة ما أنصحك بالأسواق الفخمة.. لأن أسواقكم ما شاء الله لا يعلى عليها وأسواقنا تطلع ولا شي عندها.. والماركات هي هي في كل مكان.. وتقدرين تحصلينها في أي وقت.. بس ممكن تصدعدين فوق لبرج المملكة وتطلين منه على الرياض حلو المنظر..

أنا بقول لك على الأسواق الشعبية ..


وعندنا في الرياض سوق شعبي بسيط اسمه سوق "حجاب" في منطقة النسيم فيه عطار كبييييييييييير اسمه عطار الكويت (عطار = حواي)
عنده كل ما يخطر على بالك من الأشياء الشعبية..
وجنبه مجموعة محلات أبو خمسة وعشرة.. عندهم ملابس أطفال وخرابيط وقمصان نسائية وغيره على خمسة وعشرة ريال.. صحيح أكثرها عادي بس والله ممكن تطلعين منهم أشياء حلوة ونعومة أحياناً..
وباقي السوق أكثره محلات ذهب..

وإذا سكنت في العليا بأقول لك على محل روووووعة للدراريع الفخمة.. وأسعارها مرة حلوة.. داخل سوبرماركت التميمي (السيف واي) على طريق الملك فهد..

وفيه شارع اسمع شارع السويلم في محلات الألعاب والمكياج والعطور بأسعار مخفضة لكن انا بصراحة ما عمري رحت له.. لكن يمدحونه..

أيضاً عندنا جمعية كبيرة للملابس.. مثل سناء اسمه الهرم (له كذا فرع) حلو.. وأسعاره رخيصة.. لكن أكيد ما يصلح للمناسبات.. لكن ممكن تاخذين منه قمصان بيت أشكال وألوان أو ملابس بيتية أو بيجامات أطفال وأحذية بسيطة أعزك الله.. أسعاره مرة مناسبة..

وإذا على المطاعم..
ففيه مطعم حلو في فندق الخزامى اسمه مطعم النخيل على شارع العليا.. جلسته حلوة..
وفيه مطعم آفاد زي ما قالوا رووعة.. ومطعم أفوكادو على شارع الأمير عبد الله..
والمطاعم على قفا من يشيل عندنا في الرياض.. أصلاً شوارعنا كلها مطاعم..

بس ما أنصحك أبداً بمطعم الريف اللبناني المشهور لأنه بصراحة بؤرة فساد.. ومكان مواعدة للمغازلات.. دخلته مرة وما قدرت أجلس طلعت على طول.. الله يصلح شباب المسلمين..

ممممممممم.. وشو بعد؟
زي ما قالوا البنات الثمامة تونس وفيها منتزهات بسيطة وشعبية.. لكن توقعي الأشكال اللي تكون هناك من رعاع الناس عادي :D.. طيب؟

وإذا تحبين الكتب لازم تزورن مكتبة جرير روووعة أموت فيها.. وأيضاً العبيكان..


إذا على مكة أحلى شي برج التوحيد.. وإذا ما لقيتي حجز فيه عندك الميريديان.. أما أبراج مكة فانسيها حووسة وزحمة والشقق ليست بذاك المستوى..

وإذا تبين تسكنين في الطايف خذي شقق في شارع شهار (لا تخافين من الاسم تراه حلو)..تروحين مشي جنبك محلات منوعة ومطاعم وملاهي أطفال حلوة وحديقة..

وإذا تبين أي مساعدة أنا مستعدة.. بس خبريني أول ما توصلين.. نحطك في عيوننا .. ويا هلا فيك بين أهلك وناسك..

مشكورات حبيباتي

وبصراحه معلوماتكم جداااااااااااااا مفيده

هلا حبيبتي بالنسبة للسكن بالمدينة انصجك تسكني بالفنادق اللي حول الحرم .
والاسواق الماركات والمطاعمو كلها موجوده في شارع سلطانه .
عندك سوق قباء يعتبر شوق شعبي تقريبا . مافيه ماركات واسعاره رخيصة.
اي سؤال ثاني انا حاضرة بالنسبة للمدينة .

لاتفوتك المدينة حتى تتمتعين بالجو الإيماني ( ياحبي لها ) ولاتنسين تصلين في مسجد قباء حتى تكسبين فضل الصلاة فيه

والشرقية وناااااااااااااااسه

والرياض امووووووووت عليها

وياهلا بك بين أهلك في السعودية

يا هلااااااااااا بأهل المدينه

بصراحه أريح مكان ... يعني تحسين أنك في عالم ثاني
أما عن الأسئله في بالي أسئله كثييييييره بس لما أفضى راح أبعثلك على الخاص.... ممكن!!!

أمنيتي

الشرقيه بعييييده ما أفكر أروحها

والرياض ما شاء الله تحتارين وين تروحين

ومشكووووووووووووورين على هالكره يا أهل الكرم