يالله افكر في سنيني الي راحت

أفكــر في سنيني اللي راحت

عباراتك هذه أكبر خطأ ياعزيزتي مجرد ماتنظري
للماضي وسلبيته ماراح ترتفع معنوياتك وماراح تنجزين أو تتقدمين بشيء مطلقا إذا نويتي تقدمين على شغله لا تقولين ويني عنها من زمان أو ياليتني فعلت كذا إفعلي اللي تشوفينه إيجابي وبصالحك دون العوده للوراء خصصي لك جدول
من الآن وقت تتثقفين فيه وتقرأين ووقت لزيارة الأهل والأصدقاء ووقت تتسوقين
يعني عندك أيام الأسبوع إعملي فيها جدول وخلي الجدول أمامك
أنا أشوف كثير أمهات مقسمين أيامهم مابين زيارات وتسوق ووقت ترفيه للصغار داخل البيت او برى ووقت تنظيف
أهـم مافي الموضوع أن تبعدي عن هذه النظره أنو عمرك راح وما إستفدتي طنشي الماضي وإبداي من الآن
دعواتك لي

الله يجزاكي خير ويسعدك بحياتك يارب

سبحان الله نفس تفكيري
انا مثلك متزوجه لي ١٠ سنين وعندي ٣ اولاد ومع بداية السنه اخذت افكر بحياتي والسنين الي راحت وحسيت بالاحباط احس ١٠ سنين ضاعت وانا ماسويت شي اكتئاب وضيقة ملازمتني طووول الوقت مهملة شكلي ووزني ومقصرة في ديني الله يتوب علي كل الي اسويه شغل البيت والركض وراء عيالي واذا كان عندي شوية وقت اقضيه على النت وياليت اطلع بفايده انتقل من منتدى لمنتدى واقرأ المشاكل بدون فايدة ولا نتيجة !!
عمري ٣٤ سنه واحس اني خلاااص عجزت ولو زوجي يتزوج علي ماالومه والله !!
بس انا نفسيتي تعبانه من بيتي والايجار وكل اثاثي قديم ومتكسر وان شاء الله يتغير وضعنا وتتغير نفسيتي وافوق لنفسي قبل ما يفوت الوقت واندم !!

بأقولك أول أمر تسوينه حاولي تجاهدي نفسك على طاعة الله و بتتيسر حياتك إن شاء الله انصح نفسي اولا و انصح الجميع

ليه يااختي تعتبري سنينك الماضيه وقت ضايع من عمرك ؟؟
انتي خلاله ربيتي عيالك حافظتي على بيتك وقمتي بخدمه زوجك
وقريتي في بيتك وهالشي اعظم انجازممكن تقوم فيه المراه وهو الاصل
انتي بقله الزيارات ارتحتي من القيل والقال والغيبه والنميمه
ومجالس الحريم الفاضيه وكثر الهرج اللي ماله فايده وكنتي منشغله عنهم بالاهم
انتي كنتي تقومين بهالشي وانتي سعيده فيه
ولو كان هالوضع مضايقك كان من زمان فكرتي بالتغيير
لكن حاليا عيالك ماعادوا بحاجتك مثل قبل فاصبح عندك فراغ
خلاك تطفشين وترغبين في ملاه
نصيحتي لك دام ربي امد في عمرك انك تتعبدين الله اكثر
ادخلي تحفيظ التفتي لصلاتك وقرآنك اكثر
وذكرك لربك هذي الاستثمار الرابح والشي اللي خلقنا من اجله
حاولي تغيري بشكلك مثل قصه شعرك او لونه
تفقدي ملابسك وجددي في الالوان او الوان مكياجك
خصصي وقت للمشي او الرياضه لان هالحاجات تغير النفسيه وتجددها
تقربي اكثر لوالديك اذا موجودين وبريهم اكثر
واعطيهم اكثر من قبل من وقتك اللي كان مشغول ببيتك
صلي ارحامك لو بالتلفون
مارسي اي هوايات انتي تحبيها وكنتي تتمني وقت فراغ لاجلها
اذا لك صديقات تواصلي معاهم تطلعوا تغيروا جو مره بالاسبوع
وايضا خصصي يوم بالاسبوع لافراد الاسره تطلعون سوا لمطعم او بر او كوفي وهكذا
اخيرا ابعدي اي افكار سلبيه من راسك توحي لك بان سنينك ضاعت