يالله تجمع لانجاز المهام في وقت قياسي قبل الاجازة بسرعة ترى الوقت يداهمنا

بسم الله الرحمن الرحيم

بنات تعرفون الاجازة والمناسبات اللي تكركب الوحدة خصوصا" الزواجات والحفلات العايلية غير الطلعات والتنزه

اللي تقلب حالنا من نهار الى ليل ففكرت في فكرة مفتكرة .................. قصدي معتبرة وهي

اننا نسوي جدول لنا الايام هذي قبل ما تبداء الاجازة في ترتيب البيت والعناية بانفسنا بشرة وشعر

ونستمر عليه حتى في الاجازة بس البداية تكون مكثفة يعني البداية تكون في التنظيف العميق

وبعد كذا نحافظ على اللي بديناه من تنظيف

زي مثلا" نبداء بالمطبخ او المجلس وننظفه عميق ويصير تنظيفه في الايام الجاية بس سطحي يعني محافظة

على الشغل اللي سويناه

والعناية بانفسنا يكون بوضع مثلا" حمام زيت للشعر ونلفه بكيس او كاب قبل البدء بالشغل ولما نخلص نغسله

ويكون الحمام المغربي بعد ما تخلصين مرة من كل شي لان البشرة عرقت وتفتح المسام وكذا تحصلين نتيجة زوعة للحمام المغربي

وكذا في كل يوم

والبشرة مثلا تحطين قناع لما تكوين او لما تجلسين على النت عشا ما تخربين الدنيا

الين نخلص من التنظيف العميق جدا" جدا"

وبعد كذا نسوي لنا جدول للشعر والبشرة

يالله من تشترك وتتفاعل معي

انا هذا جدولي وناوية ان شاء الله ابداء من بكرة الاربعاء و اخلص يوم الاربعاء الاسبوع الجاي

بكرة ان شاء الله يوم الاربعاء يكون تنظيف المجلس تنظيف كامل من والى بس الستاير ماراح اغسلها لاني غسلتها قبل الحج وناوية ان شاء الله اغسلها في شهر شعبان عشان العيد ان شاء الله

يوم الخميس ان شاء الله يكون للمطبخ كامل

يوم الجمعة ان شاء الله يكون للحمامات

يوم السبت ان شاء الله لغرفتي النوم

يوم الاحد ان شاء الله يكون لصالتي اللي هي غرفة المعيشة والمدخل

يوم الاثنين ان شاء الله يكون لمجلس النساء

يوم الثلا ثاء ان شاء الله المقلط

يوم الاربعاء ان شاء الله غرفة عيالي

طبعا" ابي اسوي حمام زيت يوميا" قبل ما ابداء في الشغل وبعد ما اخلص اسوي حمام مغربي

وبعد كذا يكون حمام الزيت لشعري يوم الاثنين ويو م الخميس والحمام المغربي يوم الخميس

والاقنعه تكون يومي الاثنين والخميس لاني اسوي للرقبة والاكتاف يعني انسب وقت لما يكون فيه حمام مغربي عشان يقشر الخلايا الميته


يالله بنات كل وحدة تحط جدولها العميق وبعد ما ننتهي منه اخر الاسبوع نبداء نسوي الجدول اليومي

اللي تبي تبداء معي من بكرة تسدح جدولها

وكل يوم تدخل وتكتب الانجاز اللي سوته ترى الموضوع للتشجيع ويعطينا دافع للمنافسة الجميلة


ولا تنسون كل ليلة تسبحون الله 33 مرة وتحمدون الله 33 وتكبرون الله 33 وتختمونها بلا اله الا الله وحده لاشريك له فهي خير معين