طموح بلا سقف @tmoh_bla_skf

عضوة نشيطة

يالله تفرج على من تساعدني بحل مشكلتي وتمشي معي للاخر_زوجي مع الناس

السلام عليكم

انا تزوجت رجل طيب بس اكتشفت بعد الزواج انه يشيش واه واه من هالمشكله كل يوم يروح للمقهى عشان يشيش

ويجيني اخر الليل ريحتها مقرفه وانا من كنت عند اهلي وهم يدرون اني ماحب الدخان ولا الخرابيط هذي

واول سوال سالت عنه هل يدخن قالو لا

بحدد الاشياء اللي مضايقتني منه عشان ماتتعبون معي

_الشيشه مع اني حاولت فيه يتركه ويقول ان شالله ناوي ومستمر ماعليه مني
_ماحب انام معه تجيني ضيقه دايما تلاقيني اتلهى لين ينام واحيان لا استسلم>> ادري حرام بس غصب علي

_زوجي تصرفاته معي ماعليه اقدر اضبطها لكن مع الناس فيه عناد مو طبيعي يعني مثلا يجيه احد اخواني ويسولفون

يعاند علا كلامه كثير ويحب يتحدى انه هو الصح يعني عناده باين للناس

مثلا يجي احد اول مره بيتنا ويتقهوى يلزم عليه للعشا ولو ان فعلا الرجال عنده ارتباط احسه يلزم مايهمه

انا تررفع ضغطي هالصفه احس الناس تتضايق واحيان اكون معه بالسياره مع احد من قرايبيني ويعاند معه بكلامه

لدرجة اني احتر واعرق من القهر احس باحراج

_ يحب يمزح كثير لدرجة ان الواحد يمل لو معي لحالي ماعليه اقدر اضبطه بس مع الناس وبدون مايوزن متى يمزح

ووين لا عااااااااااااادي عنده يحب يضحك يهستر بزياده >> بنات لاتقولو حلوو ان الواحد يمزح ومن هالكلام

انا واعيه للي اقوله ومراح اظلمه صدق ان فيه حسناااااااااااااااااااااااااات كثير مستحيل اكفرها

وهذا اللي مصبرني عليه

بس بعض الاشياء ماني متقبلتها ابي لها حل

اللي لها خبره تعلمني

تكفووووووووووووووووووووووووووون

بنات احيان احد يتصرف تصرف قدامك وانتي برجاحة عقلك تقولين ماله داعي هالتصرف بينك وبين نفسك

انا متاكده ان اللي يجالسونه يقولون هالكلام لانفسهم

وانا بنفسي اشوف حركات وتصرفات مالها داعي ومالها مجال تنفعل اصلا

واهله معودينه ان اللي يسويه يمشي بدون نقاش

لانه اكبر واحد بالعايله وهو متحمل الصرفيه من والى

هذي من الاشيا اللي مضايقتني

ياترى من تقدر تقرا مشكلتي كامله وتفهمني وتنورني

يلزم عليك تسجيل الدخول أولًا لكتابة تعليق.

تسجيل دخول

zoooozoooo • 13 سنة

الله يصلح حالك يارب..

طموح بلا سقف • 13 سنة

زوووووووووووووزوووووووووووووو

وحالك ياقلبي مشكوووووووره الف

moony moon • 13 سنة

ربي يصلح الحال ..~

روابينا • 13 سنة

_ماحب انام معه تجيني ضيقه دايما تلاقيني اتلهى لين ينام واحيان لا استسلم>> ادري حرام بس غصب علي

ليش حرام عزيزتي اذا ريحته كلها دخان ..انت ماألك ذنب ..كوني شجاعه وقولي له ريحة الدخان أكرها ..لاأطيقها ...وتسبب لي توتر ولاأستطيع النوم ساعدني يازوجي
ماكو غير هذا الحل .
ومن ناحية مزاحه وملحته على الجاي والرايح ...حذريه قبل قدوم اي شخص قوليله لايبان عليك تلح عليهم بالعشا ...هم مو ماشايفين وله جايين ياكلو وهكذا ..صدقي هذه النوعيه من الرجال لاتمشي الا بالتوصيه حال ماترفعي ايدك وتنسي اتوصيه يرجع مثل اول ...انت الناس التي تهمك وتخجلي منهم .. حاولي لاتخليه يمزح معهم وهذا علاج واقعي مو فلسفه

moon on the Earth • 13 سنة

حبيبتي اولا موضوع الشيشه لازم تتقبليه وانسيه انا صار معي نفس الشي مع زوجي
حلف لي انه مايدخن بعدين طلع يدخن ويقول بيتركه ولحد الان ماتركه مع العلم اننا خلصنا 6 سنوات متزوجين وتعبت وانا استنى يتركه يعني لاتضيقين خلقك كل الرجال كذا
واحمدي ربك ان زوجك في صفات حلووه
اما صفاته الثانيه انتقديه باسلوب حلو وان شاء الله يغير اطباعه
الله يسخره لك يارب