يالله حملي وطلاقي وحالتي النفسيه //اكتفى من الردود

السلام عليكم

راح احاول اختصر الموضوع

انا تزووجت وعمري 16 وزوجي 25 احنا ابنا ء عم وافقت لانه امام مسجد واعرف كيف تعامله

المهم تم ع زواجي 5 سنوات طول هالفترة احاول ارضيه بكل مااملك لكن المشاكل كثيرة وحاولت احلها لكن كان يهين ويسب ثم يرجع يتاسف مرت علي ايام لان انساها بعض المشاكل حاولوا اهلي يحلونها وهي جدا تافهه
حصل حملين لم يتموا ولله الحمد

الان بعد هالفترة كلها طلقني زوجي وانا حاااااامل اللي تعبني اني اعطيته كل مافي قلبي وكل تصرفاته تدل ع انه يحبني لكن الان حيل صدمني وتعبت وانهرت لانه كانن يصرح بالحب وكان يقول مستحيل اتركك وكنت اذا غبت عن يومين او 4 ايام مايتحمل ويجي يقول تعالي مااتحمل فرقاك لدرجه م ره كان يبكي مثل الطفل يقول تعالي

طبعا اللي متابع المشكله (سبب الطلاق)
زوجي طلقني وانا حاامل بالطفل الاول

بعد ما اهلي وضحوا الامور اللي اخطا فيها جاني معصب ويقول اهلك اهاننوني وكذا انا اهديه ومالك الا اللي يرضيك وعليش واسفه
المهم قال انتي مالك دخل بالموضوع وانا احبك وابيك وبشتري لك جوال واي شي يضايقك كلميني

بعدين جاء وقال بروح معزوم بحطك عند اهلك وبجي بالليل قلت اوكي بحاول اشوف الوضع اهلوا غلطوا عليك اوشي

اههلي صارحوه من تزوجت وانا مشاكل وكنا نسكت لكن امي انفعلت وكلمته هو يقول اني رايح اعترف اني غلطان وامي قالت انه جاي يهاوشنا يقول ظلمتوني واهنتوني ويناقض كل كلامه
حطني عند اهلي وقال بجيك بالليل وكان الوضع حلو ويحبني ونضحك

لما نزلت جاء بالليل مقفل الجوال ومايرد
وفجاة جاء ابوي وقال لاتكلمينه ماراح يرد
يقول خلوني
لما جاء اليوم قلت وش فيه ابي اكلمه قال ابوي انه ارسل مسج وقال انا طلقت
انا انصدمت
قالي بشري جوال لك وانا ابي اشوف ولدي ومصروفك بزيده
وكل شي حلو فجاة سوا كذا

ساعدوووني انا جد مفجووووووووووعه كلمه ابوي وراح خذ الادويه حقي ورجع وانا مفجووووعه

بعدها اشترط شروط لرجعتي وهي اعتذار امي له ولامه انا حاولت باهلي قلت سووا اي شي لاجل ارجع رفضوا

المهم بعد اسبوعين جاب اغراضي كلها حتى الههدايا اللي عطيته جابها انا انصدمت وبقوة طبعا كنت اتواصل معه عن طريق الفيس غيرت جوالي ولاكلمته وكان هدفي من النتواصل اني اصلح الامر مادامني لسى بالعده وحاولت احنن قلبه ماشي معي عادي ويسال ويسولف طبيعي جدا
لكن بعد مرور شهرين تغير وقال اهلك ليه مايعتذرون لي وكذا قلت الامر بينك وبينهم انا مالي ذنب قال اادري مالك دخل بس وش السبب

وحاولت اتكلم معه قام يوصيني ع الولد ويقول رغم هذا كله اني احبك وابيك بس انا ع البعد مجبور وراح اتركك ولن انساك من د عاي قلت فكر انا اعرف انك تحبني وقلت كم مره مستحيل اتركك بجد انهرت

بعد 4 ايام ارسل رساله


كان يقول فيها انا فكرت اكثر من مره ورايت ان الانفصال والبعد افضل لي ولك رغم انه صعب لكن انا طلقت وجبت اغراضك انتقام لي ولكرامتي لكن لافائدة اهلك ماتحرك فيهم شي وانا ناوي ارجعك بعد اعتذار اهلك لكن الموضوع انتهى والان هذي اخر رساله بيني وبينك وانتي بطريق وانا بطريق والله يوفقك ولاتنسيني من دعاك وانا ماراح انسى الايام اللي عشتها معك ولايبقى شي بنفسك وانا اسف ع كل شي ثم قال احبك انتهت

انا بعد الرساله تعبت حيل طبعا قفل كل شي بوجهي الفيس والايميل انا جلست اكلم امي قست علي وقالت انا قلت لك لاتكلمينه والله لو اشوفك انتي وولدك ميتين ماكلمناه انا جلست ابكي حيل وفكرت بالولد ان ربي ياخذني وياه وارتاح

حيل تعبت نفسيتي دمار وزي ماقلت احنا اقارب وانا اخاف من مة اجهة الناس بعد الموقف وراح احرم نفسي العيد بسبب القرابه


ساعدوني اخواتي انا حيل منهارة ومو مصدقه اللي صار وين العشرة وين الحب اللي كان يتكلم عنه كيف هنت عليه انا وولدي

شايله هم حملي وولادتي والطفل اذا كبر وش اقوله انا غلطت باني ترجيته بس هو قال برجعك ماراح اتركك لاتخافين لككن الان حسبي الله ونعم الوكيل
انتظركم