يالله زهقانه ومتحطمه وحاسه ان حياتي طريق مظلم ابعيشه لحالي وسبب تعاستي قسوةرجــــل

بسم الله الرحمن الرحيم



ماادري وشلون ابدا ,,اولا انا ماحب الكتابه ابدددبس مالقيت الا هالطريق لعل الله يجعل في كلمات احداكن

حل او مخرج او منفذ من هذاالكابوس الذي اعيش فيه ويحاصرني شبحه كلما نظرت في عيني زوجي
المتوهجه علي بدون داعي

زوجي انسان يحس انه مبدع بس الفرصه ماجته ... وهو شخص عادي واقل من عادي

يشوف نفسه من شده ماهو غير الناس ذكي ومبدع الناس ماتفهمه

المهم كانت الامور عاديه الا ان بدا بمشروع صغير وهو بناء شاليهات صغيره للايجار طبعا مو في الرياض

ومعضم راس المال دين
يعني كنا نتردد كل اسبوع لمدة سنه بعدين حملت وولدت بعدها بدا المشوار

ماديا مضغوط اجار الشقه واجار الورشه واجار السياره ومصاريف منا ومنا


المهم وين المشكله هنــــــا اصبحت هالشاليهات شغله الشاغل لايتكلم الا بها ولا يطلع الا ليبحث لها عن مواد من بناء ووووالى ان اثثت وجهزت خلال 2سنتين حتى الاجازات ياخذ دئما ولكن ليس لنا نصيب منها الا لمانسافر نوصل يحطنا عند اهلي الجمعه راجعين تعبت من ناحية البيت وحوسته والغسيل ووواشياء كثيره اجتمعت
هذا غير اني انا ماعندي فرصه اهتم بنفسي وشكلي ..... اصلا لمن؟ وهو طالع وانا مالي طلعات كثير
طول هالفتره نتردد بنتي بسنه ثالث ابتدئي ياما غيبناها تاخرت مره وانجبت ولدي الله يحفظه هو واخته

مع الانشغال بها قلت لوحده من خواتي ان هالشاليهات تبي تحوس حياتنا قالت لالالا
قلت انا خايفه انه يعتاد على الفوضى لانجلس مع بعض ولا نخرج لاي مكان سوى ولا اقدر اكلمه باي شي


يحتاجه البيت من اثاث او طلعة تمشي او سفره





كنت حاطه الامل مته يخلص منها جاء التاثيث دج الرجال وضاقت فيه الارض المهم تسلف من جديد

وعطيته خمس الاف كنت مجمعته لا نب موضفه ولا شي وقبلها كد سلفته اربعه

المهم

رحت انا وياه واخترت فرش وموكيت والمواعين ووو


ركضت معه ركض وكنت ابتلش بوليدي مادري وين احطه لان اهلي مو بالرياض


يوم خلصت وبدت تاجر مابعد جاء العامل انا وشغالة اهلى الي نضفنا ومسحنا البلاط

كل السنتين مافي نزهه او طلعه حنا وياه او شي يوسع الصدر ولما اطلب يزعل ويجن جنونه
العطله الطويله الي راحت ولدي سوينا له عملية بعج وتلعوز وليدي المهم

طلعت قعدت بالبيت مايصلح له الحركه بعدين ماصبر سافرنا للشاليهات العله

رحت لهلي قعدت شهرين وانا اكلمه واقوله خل نسافر نغير جو لو اربعه ايام لاي شي

بعدين كل الشهرين ماقعد منها الا اسبوع والباقي راح للرياض عنده دوام لاعطاني مصروف ولا جاء

يوم جاء قبل رمضان ب10ايام فرحت فيه واستقبلته زين
وقلت له اليوم خلنا نروح نمرح بالشاليه قال خلاص ......... المهم جينا متاخرين للشاليه قعدنا شوي

بعدين قال اطلعي انت وبزرانك رحت لغرفه ثانيه ونمت معهم

تخيلو قمت 9ص مالقيته جاء 3 العصر قعد شوي بعدين قال يالله اطلعو اوديك لهلك ليششششششش
طيب ماقعدنا سوى قال مافيه قعده انا واعدت ناس والعصر يبي يجون دمعت عيني وقلت ناويه نقعد يوم او يومين مع بعض قعد يصارخ شوفي لك غيري اشغلي نفسك فيه قلت خل نستاجر الشاليه حق صديقك

انا ماله من الحجر مااروح ولا اجي ومشتاقين لك واخرته تقول لي كذا

وش تقصد باشغلي نفسك بغيري تبين اروح ادور رجل اعاكسه ولا وشش تبين اسوي



المهم طالت اصواتنا انا ابكي من الصدمه اني صرت زي الهم عليه وعياله مافيه ذاك الشوك


ضفيت اغراضي رحمت نفسي كنت علشانه شايله بحلاوه ولما اشيل كان يتجرح ويطلع دم



جمعت ملابسنا واغراضنا وبنتي خايفه لانها تشوفني ابكي واتنافض

رحت ......... ولا كان شي صار ,,,,,,,,,, يجي لبيت اهلييشوف البنت والولد ويطلع مافي امل يسال عني

وانا ميته من البكاء كل ماتذكرت اني وشلون مشتاقه وهو في قمة الصدود



ارحم نفسي ....... والام ضهري زادت على




مافي امل يسال يوم جاء مره ثانيه لاهلي قلت لبنتي تقول امي تعبانه المهم جرته كم مره واذا وصل راح


من الكبرماعنده ولا كلمه زينه قال وشش فيك قلت ضايق صدري وضهري .... بكرى وداني للمستشفى


والنتيجه كانت حامل يالله مادريت امس شايله علشان خشته والولد الصغير الي طول الوقت يصيح
ويبين اشيله ووو
,,,,



سا فرو اهلي لمكه وجيت انا للرياض
دخلت البيت في قمة الوساخه والفوضى قمت انظف وكانت معي شغالة اهلي

من بكرى نزل معي دم زاد حزني اضعاف وروحه وجيه للمستشفى وفي الاخير سقطت

الحمدلله ع كل حال


العشر الاوخر رحت لاهلى هجيت من معاملته انا توي مسقطه وهو نفسه شينه علي

تخيلو رحنا لاهلى ولا جينا الا ليلة الدراسه

يعني المفروض يكون ولهان علينا وع عليه

نسيت اقولكم من زين الامور الشقه الي حنا فيها العجوز الي ماجرتنا نشبت بكبودنا هي ولدها وحنا ماخلص عقدنا تبغانا نطلع لان ولدها بيعرس نفسيته صاااارت ازفت من الزفت لحد مااظطرينا ع شقه اصغر من الاوله

واخذناها وهي اغلى منها واصغر

*** تصرفاته وحالة زوجي تسوء يوم بعديوم معي وانا اذرف الدموع وابحث عن المبررات

الصلاة اهملها عقب ماكان يصلي بالمسجد صار بالبيت وفي غير وقتها
لانتغدا مع بعض ولا نتقهو مع بعض ولاجلسه كله من نضام الفوضى الي تعودعليه ايام الشاليهات



بسسس الحين حنا مستقرين مانروح زي قبل بس الرجال تعود على قلة القعده معنا والطلعه معنا


اذا طلبت نتعشي بمطعم رفض وصرخ واذا طلبت طلعة حديقه برضو يعيي معنا يقول احطك واروح


وشششششش الفايده يحطني في الحديقة بلحالي مع هالبزارين بس ابتلش فيهم


صرت مااقول خل نطلع ولالالالالاشي

شفته جالس غريبه وفتح النت رحت جبت مكسرات وشاي مايتكلم ولا شي
الان المشكله الي اعاني منها انه اي شي افتح فمي فيه غير مقبول اخر مره قبل يومين

قلت له من زمان وانا ابغى دولاب احذيه وستاره للصاله ذبحتنا الشمس والشتاء راح يكون برد


صرخ صرخه يسمعها ثالث جار لا قلت طيب قلي يوم ثاني قال لا لالالالالالالالالا يادبشه

قلت له طيب ليش تصارخ تكلم عادي

لاالحين تفهمون اني راعية طلبات هالدولاب العام شفناه وعجبنا بس السياره ماتشيله ويوم اقوله
كانت الاحذيه الجديدمع القديم ووووحوسه

مانب راعية طلبات تخيلو الثلاجه مافيه


ماتحملت الصراخ هو راح انسدح عالسر ير ويلكلم ويلعب على ولده عادي وطلع كل ذاك اليوم وانا ارسله ويرسل لي بالجوال تشرهت عليه وقلت قول معروف خيرمن صدقة يتبعها اذى

ثم بدا يرسل لي وانا ارد من العصر لحدالواحده ليلا
اغلب ردوده يقول انا مبدع ولا فيه احد يفهمني انا قصيده وكلام بعيد عن الواقع يقول صيري مثل خواتك وخواتي وحريم اخواني

يالله والله انها زي الرصاصه في قلبي هالكلمات خواتك مدلالات الي كبر امي رجله مسافر به والثانيه طلعات وشوي

وحياتهم مستقره ورجال سنعين وحريم اخوانك

تسابقت الدموع انا وش سويت له يكفي اني صابره على السهج والاهمال خافت بنتي بدت تصيح يوم شافتني اصيح



كل ذاك اليوم وانا اصيح وزعلانه ولا لي خلق عيالي وافكر وششششش اسوي


تنفخت عيوني وصدع راسي ونبح حلقي وهو طالع ومن زينة الحظ ........... ابوه تعبان مرقد في المستشفى


وهو صار الي بينام عنده انا فرحانه انه ياقف مع ابوه لانه مهو كثير وخصوصا ان اخوانه كلهم ماقصرو وجاء عليه الدور



بسسسسسسسس تدرون وووش خايفه منه انه جت بهاالضروف واخاف يعتاد النومه برا
يارب افرجها


ياربي وش حيلتي لاديره فيها اهلي

واخذت ارقام مدارس اهليه ودقيت شي مكتفين وشي ماردو وشي غلط

ودي اطلع بعد انا الهى بدنيتي وانساه


رجال مريض نفسيا معقد عجز يمشي على الرجيم مايستمر ولا 3ايام


والحين يفكر بالعمليه وتكلف 40الف ولا عنده وكل شي يحط الحره بي



ذاك اليوم يوم يطلع دعيت عليه بالموت وان الله يسلط عليه اقوى منه


كرهته ......... وشلون ابعيش على الهامش مع رجل مريض نفسيا وعلى فكره له اخو من امه مريض نفسيا

وزوجته خلته وياخذ حبوب ......... ورجلي فيه منه



كل يسالني وش فيه وجهك ليش ناحفه وشششششاقول




على فكره انا وزوجي افترقنا فتره لاني مليت منه وقال خلاص ابتعدل ووووو
وقعدنا9شهور زينين بسسسسسسس جت هالشاليهات وهو تغير علينا



ياناس وششششش اسوي الرجال متغير علي لا احترام ولا رحمه ولا اهتمام



يارب احس ماودي اتطلق مره ثانيه بس ادعي ربي انه ياخذه ونرتاح




انا في حاله لا يعلمهاالا الله

الي عندها فكره او حل او اي شي يساعدني اني اطلع من الي انا فيه لاتبخل علي ولها مني الدعاء
اعذروني على ركاكة الاسلوب من الضيقة الي انا فيها

اختكم

ام عبد الله