يالله صارت الخيانه والغدر نزوه××××××

سلام حوائيات والله في خاطري كلام كثير اول حاجه ابغى اقول اني متعاطفه مع كل واحده فيكم عندها مشكله واثرت فيني بشكل اوباخر ويعلم الله اني ادعي لكم في ظهر الغيب وخصوصا كل واحده انطعنت في ظهرها من رفيق العمر وسندها في الحياه بس والله اكثر مايالمني ان الرجال لما يخون في مجتمعنا يعتبرونه نزوه او تقصير من الزوجه لعن ابو دارك انت قاعدتسوي حرام وش نزوته وش اشي اللي ناقصك علشان تروح لاحضان واحده مومس وبنت هوى ياترى هذي في نظرك بتكون احلى واجمل من زوجتك الطاهره العفيفه اللي صاينه بيتك وعرضك :mad:لا ومن قوات العين يزعل ويعصب ويمكن يمد يده بعد لو حاولت زوجته تكلمه ولا تواجهه بالحرام اللي قاعد يسويه يارجال اتقوالله فينا ليش الحرمه ماهي ادمي من لحم ودم وما عندها احساس ومشاعر يوم انك قاعد تدوس عليه بجبروتك وقوتك بحكم ايه قال بحكم القوامه:hahaha:قوامة ايه عزالله انك طحت من عينها ومالك قوامه لوتعتذر من هنا لامنى :icon31:والله قلبي قاعد يغلي من القهر ليش الحرمه مجبوره تتحمل القهر والضيم وكسرة الخاطر وكل ماجت ترفع راسها قام عليها اقرب الناس اللي يقول بيتك واللي يقول عيالك واللي يقول زوجك تحمليه ومصيره يعقل ليه وش جابرها تقعد تقاسي مرارة الايام وقهر السنين وهو عايش دنيته بالحرام طبعا والله قلبي يتقطع على كل واحده تعرضت لسهم الغدر وطعنات الخيانه ومهما سطرت لنا من مشاعر واحاسيس واالله مابتوصل لنا مدى القهر والغيض اللي بداخلها ونار الغيره اللي تلتهب كل ماشافت وجهه الله يقوم في عون الحريم والله انهم يشيلون هم ماتقدر الجبال الراسيات على حمله يارب تعوضنا الجنه لان مافيه راحه الا فيها سامحوني كلامي ملخبط وافكاري ماهي مرتبه بس والله من حر مافيني على هذولا الحريم اللي نقرا قصصهم والله شي يندى له الجبين وتبكي منه العيون دما :44:ولكم خالص تحياتي