يالله فرج همي واشفي امي

السلام عليكم ورحمة الله وبركاته...**كل عام وانتم بخير ومبارك عليكم الشهر***
انا اليوم متضايقة لان الناس والله تغيروا وصار فيهم الحسد بشكل غير طبيعي يابنات ماني مصدقة ليش الكذب والخيانة وخاصة لمن تسأل عن عرض شخص,, السالفة انه تقدم لخطبتي من فترة ولد خالي ووافقت مبدئيا ولكن امي اصرت ان ابوي يسأل عنه لان خالي متوفي من زمان وبعدها قليل زوجة خالي وبناتها واولادها يزوروننا لاننا في ديرة بعيده عنهم وراح ابوي يسأل عنه في ديرتهم القديمه لانهم انتقلوا للمدينه ومانعرف بيتهم والاكان سال ابوي جيرانهم,,, وقال له رجل من اهل ديرتهم والله لو يجي يخطب بنتي مازوجته لانه كان ياكل حبوب مخدرة والحين ماادري عنه وبعدها ابوي رفضه وامي مثله بس انا حاسه في هالوقت انه مظلوم .,., والله يابنات اكتشفنا اليوم انه مظلوم والناس اللي سألهم ابوي عنه كانوا متمشكلين معه بسبب مشكلةقديمة .,.,.,ليش الناس ماتخاف من الله ماتخاف من النار والعقاب وصحيح انه الزواج نصيب بس ليش الناس تكذب ليش تغدر يعني مضى على سالفة الخطبة 4شهور والكذبة حقتهم طلعت بعد هالمدة وكشفناها بالصدفة.,.,ادري بتسألون ليش ماتدرين عن ولد خالك اقولكم ليش لاننا في ديرة بعيدة عنهم ويصعب علينا السفر لهم وثانيا امي تتعب من السفر لانها مريضة بالسرطان شفاها الله وثالثا قبيلة امي غير عن قبيلة ابوي فبعد المسافة العائق الرئيسي.,.,.,
كتابتي هذه مجرد فضفضة لما في قلبي من القهر والظلم.,.,لاتنسوني من دعائكم في هذا الشهر الفضيل وهذه الليلة المباركة