يالله كل وحدة كيف عاداتهم بالنسبة للملكة والخطوبة الدعوة عااااامة

احنا لا الخطبه عادي ممكن يكون بينها وبين الملكه سنه بس يكون فيه نضره شرعيه وقبل النضره يسون تحاليل

وبعدين الملكه عادي يكلمها وتكلمه واحيانا يطلعون مع بعض والزواج يجي بعدين

حسب فى ناس عندنا تنخطب وتقعد مخطوبه سنه وبعدين تملك وتجلس كم شهر حسب وممكن سنه ملكه
وفى ناس تنخطب وتملك وتتزوج وراء بعض
وفى ناس تنخطب وتملك بسرعه والزواج يتاخر على حسب العايلتين مو القبيله كل عيله وهيا ادرى بلى يصلح لها مافى تعميم
والله يوفقك بزواجك ويرزقنا الازواج الصالحين

حنا عندنا خطوبه و بعدين تحاليل وبعدين على طول ملكة
في ناس 4 شهور وناس اكثر توصل الى سنة
ماعندنا نظرة شريعة وبالنسبة للملكة عادي الخطيب يشوف خطيبتة وياخذ راحته معاها
وحتى لو صار شيء في الملكة عادي يكملون زواج

مشكورين على التفاعل
احنا غالبية جماعتنا يتملكون بعد الخطبة اكثر شي شهر وكلهم يقعدون في العادة 7شهور
انا ودي انكم كتبتوا رايكم في الموضوع
يعني انا احب كل شي قريب من بعض الخطبة والملكة والزواج في حدود شهرين كذا حلو صراحة

بالنسبة لنا ,, خطبة وبعدها بفتره قصيره ملكه ,, والفتره مابين الملكه والزواج تعتمد على حسب جاهزية العريس وامكانياته واكثر شيء سنه بينهم ,, وفي عائلتنا ماعندنا سوالف النظرة الشرعيه قبل الملكه ولاسالفه اكلمه واجلس معه ,, إلا اذا كانت من برى العائله فممكن يطلب يشوفها وممكن يتحيل له طريقه ويشوفها فيها اذا كانت كاشفه وبتقولون ليه كل هالحيل لان ماتعودنا بصراحه يجي العريس ويشوف العروسه قبل الملكه ولان اغلب البنات يرفضون هالشيء خوفا من انها ماتعجبه وتنحرج قدام اهلها واهله ,,باختصار اغلب الزواجات تتم بناء على مدح الام والاخوات للعروسه ,, وحظ العريس يايصيب او يخيب ,,

موفقه خيتو ,,