انا اذكر تزوجن خواتي الكبار وقعدت اصيييييييح مع اني مو مره معهن بس الفراااق شين ، وتزوجت اختي اللي اصغر مني والله تقولون مريضه طايحه يومين اصيح قبل زواجه وبعد زواجه كل ما تذكرت صحححححت ، ياااااارب اجمعنا بجنتك ياااحي ياقيوم ، حيث ﻻفراق وﻻهم وﻻحزن

يالله خليتيني ابكي تذكرت خواتي واهلي لي منهم سنه تقريبا انا لما جات امي وعلمتني ان اختي الكبيره راح تتزوج انقهرت لنها بتروح بعيييد عنا وبكيت وعصبت من زوجها لنه صدمنا كنا معتقدين ان الزواج بعد شهر او شهرين بس هو قال لا بعد ثلاث ايام وجلست ابكي
اما اختي لي اصغر منها كنت فرحانه بالعرس والزفه لنها قريب منا بس بعد ماراحت جلست كل شوي اتذكرها وابكي لنها كانت اختي القريبه مني ونا وياها كنا ندرس سوا واذا رحنا مكان نروح سوا ونسولف مع بعض ونسهر مع بعض كانت صديقه مي اخت وبس كنت انا وياها مثل الجسد الواحد الله يستر عليها ويجمعنا على خير اما زواجي اهلي كانو يحبوني كثير ولما طلعت من البيت وانا اودعهم وهم يبكون والله امي كانت تحاول تمسك الدموع بس كانت تمسحها بخرقتها ماتبغى تنكد علي بعد زواجي بخمس ايام كلمت اختي لي اصغر مني قلت عادكم تبكون زعلانين علي قالت اما امي كل مارحت مكان في البيت فهي تبكي قدامي لني بعيده عنهم اشوفهم في السنه وجلست ذاك اليوم ابكي الى الصبح مانمت اتذكر كلام اختي بقيت حول سنه ونا بس ابكي لين ادوخ من شوقي لهم وبعدين بديت اتعود شوي على الغربه اكتب لكم ودموعي اربع اربع ذكرتوني اعذروني طولت عليكم بس فراق الاهل صعب صعب الله يجمعني وياهم على خير

هههه ذكرتوني بزمان زمان
تزوجت اختي قبل ما انولد انا
واللي بعدها وانا ١١ سنه كانت تضربني وانا صغيره زارتنا بعدزواجها وقالت مشاء الله كبرتي علد تعرفون مرحلة بلوغ تدرون وش رديت قلت رحتي من عندنا وكبرت ههههه ودائما تذكرتي
الموقف هذا واللحين مشاء الله زوجت اربع من بناتها
اما زواج اختي الثانيه وانا في ثالث ثانوي وهي اصلا فتره الجامعه ما كانت عندنا عادي ما بكينا بالعس فرحنا ورقصنا وبسطناها
واخواتي الثنتين الباقين اصغر مني وتزوجوا والله فرحت لهم من قلبي وحزنت على الصغيرة وبكيت لاننا انا وياها طولنا مع بعض والان لها ثمان سنوات متزوجه وانا ما زلت في قائمه الانتظار ما راح احد يبكي عليه ولا يفقدني لو تزوجت


هههه قصة حياتي


🌹للصبر حـكـايـه مـعـي سأرويـهـا لـلفرح يـومـاً مـا 🌹

رجعتوني لأكثر من 10سنوات ورى

تذكرت اختي لما ملكت بكيت ( كانت شعلة في البيت الله يسعدها ) رغم بينا حساسية وفرق بالعمر

ولما تزوجت .. اول ما شفتها بالفستان الابيض بكيييييت وحسيت اني ب افقدها الى الابد وكمان امي حيييل فقدتها ( رغم انها زوجة أبوها بس امي حنونة على اخواني من ابوي )

ولما رجعت من الزوج كتبت لها في دفتر الذكريات ههه كل تفاصيل الزواج وبعد الزواج وش سوينا و بعد ذكرت لها وش الاشياء اللي بفقدها انا و امي و اهلي و الجيران من رحيلها عنااااا هههههههههههههه ولا اعطيتها هدية ومن ظمنها ورقة الذكريات حق عرسها ههههههههههههههههههههههه الى الآن محتفظة فيها هههههههههههههههه

بس الله يسامحها حيييل تجرحني من تأخر زواجي و تذكرني اني لما كانت بعمري الآن جابت طفلها الثالث

الله يسامحهاااا

يوم تزوجو أخواتي كنت صغيره

بس زواج اختي الثالثة عمري ثنعش بس فقدتها مره بعدين تعودت على بعدها لانها كبيره وانا صغيره

بس الحين عندي اخت زوجي الصغيره تعودت عليها تزوجت اخوها وهي صغيره عمرها تسع سنين والحين عمرها اثنين وعشرين لو سافرت أفقدها مدري وش بسوي لو تزوجت الله يستر عليها هي الي مونستني