يالله ليش القساوه والظلم

بدخل بالموضوع بدون مقدمات اليوم اتصلت على صديقه لي اعزها
حبيت اتطمن عليها كلمتها وكان صوتها تعبان وسئلتها وحكت لي معناتها وبذكرها لكم واهي رح تقراء الموضوع وادعو لها ان الله ينصرها على من ظلمها
اهي متزوجه قبل ١٠ سنوات عندها ولدين وبنت وحامل زوجها مقصر معها كثير واهي صابره لسانه وسخ كله سب واستنقاص من قدرها وبس يعايرها وانتي فيك وفيك ومتفضل عليك متزوجك وانتي سوداء والحرمه اعرفها معرفه شخصيه ودخلت بيتها كذا مره بيتها يلق لق من النظافه بالرغم من ردائة اافرش بس نظيف ومرتب ونفس الشي عيالها مرتبين وهي وطبخها حلو واهي عكس كلام زوجها مملوحه وجسمها متناسق انثى من الاخر وحنطيه مو سودا واهو بس شغال تحطيم فيها واهي متحمله وصابره واهو عكسها لا جمال ولا اخلاق وتزوج عليها قبل فتره وخلعته الزوجه الجديده ماجلست معه شهر الجديد في الموضوع تقول بشهر ثمانيه امها مرضة وسوت عمليه وبين الحياة والموت قررت تزورها سافرة لها خارج الرياض وكانت حامل بالشهر الاول واهو بقى بالرياض والنيه ترجع بعد اسبوع بس بوقتها جاء الحظر الكلي بالرياض ومافيه امكانيه ترجع واهو بالرياض مقهور من الحظر ولانه بقى بالبيت لوحده ولا يقدر يطلع صار يرسل تىرجعين قالت كيف ارجع مافيه تصريح قال تعالي باي طريقه يقصد لو تهريب اهي طنشت لانها بهذي الفتره كان وحام شديد ومريضه وحملها مو ثابت يجيها نزيف ببن فتره وفتره وظهرها ماسكها ما تقدر توقف وبعد دخول رمضان اهو قدر يطلع من الرياض ويروح لديرة اهله ومن بداية رمضان واهو بس يتصل وتجين تسوين لنا اافطور بيت اهله شرحت له الوضع وانها تعبانه ومعها نزيف وما تقدر توقف واهو مصر انتي بس تبين النوم وانتي رفلا وكسوله وكبرة الساالفه بينهم شتم وسب وتهديد وبيت اهله لها قسم تقول فرشه مهتري ومافيه غساله ملابس وكله حشرات كله غبره وترسبات واهي ما تقدر تنظف ولا ينتظف اساسا واهو يبيها خدامه لهله ولخوانه مع ان عندهم شغاله وخواته يزورن امهن كل يومين ثلاثه واهو بس شغال رسايل كل يوم تهديد وسب واهي نفسيتها تعبت واضيف اهي موظفه وزوجها ما ينفق عليها وعلى اطفالها في اشياها الخاصه من لبس وترفيه اهي متكفله فيها والان اهي تفكر بالطلاق وتبي تبداء اجرائات الطلاق بعد ما ينتهي الحظر والله يفرج على كل زوجه صابره مع زوج حقير لا رحمه ولا انسانيه ولا خوف من الله