يالله ما ادري اعلم بالحمل ولا اسكت احسن

السلام عليكم ورحمة الله وبركاته 000000


من العايدين وكل عام وانتم بخير

بنات الناس فرحانه بالعيد وانا متضايقة وواصله حدي من القهر


انا بكل بساطه حامل وبنتي الصغيره عمرها سنتين ونصف

وطبعا هذي مو من عادتي يعني حملت بسرعه يعني الفارق بين عيالي اقل شئ خمس سنين


فا اول ما حللت على طول علمت الاهل والاصحاب 0000 وهنا المفاجأة


يعني اول ما يدرون على طول يستغربون ويقولون وش طرى لك ووش السالفه

عسى ما شر غلطه اكيد 0000 اييه انتي معيبه ومن عاب ابتلى 0000الخ


وهذا اللي مضيق صدري مع ان كل اللي تزوجو معي عيالهم ضعف عيالي بس ليش كذا ما ادري


يعني ما ادري ايش هالجرأة والموانه ما احد قالي مبروك بقلب ودعى لي الا امي وبس


ما ادري لو اني حامل بعد الاربعين مادري وشبيسوون



والله اني مكتئبه وكنت اعيب على اللي يغبي وما يعلم الا بالرابع والخامس لكن اللحين انا ندمانه حتى خايفه اسقط من عيونهم علي





ما ادري معي حق ولا انا اهول الموضوع 00000ابي منكم الدعاء وبس