اليوم حبيت اكتب موضوعي هذا وانا كلي ثقه ان خواتي بالمنتدى راح يتجاوبون معي اكيييييييييييييد....ابوك يثقه
حبيباتي هذي مجموعه كريمات {مرطبات للبشره} هي مجموعه اكيد متعارف عليها لاكن انا ابي من كل وحده منكم اللي تشوف هالموضوع تقولنا وش احسن مرطب لقته وبصراحه يعني اللي هي استخدمته وحصلته اوكي معها نبي بامانه مانبي وحده تصوت لمرطب وهي مابعد استخدمته ولا انها استخدمته ولقته مش ولا بد >>مو كني طولتها فيس خجول
اخليكم مع الصور
بسم الله الرحمن الرحيم
هذي مجموعه منظفات للبشره معقمه ع قولتهم انا بصراحه عندي منها كم واحد بصراحه اجد انها مره روعه لما انظف بها بشرتي تعالي شوفي كيف الشوائب تقولين جايه من البر خخخخخ
هذا كريم مرطب من جونسون انا عندي منه اللي بالصوره وعندي منه مقشر ومزيل مكياج هي حلوة بس انا ماشفت منها زود بصراحه يعني.
هذا عاد ياكثر اللي يستخدمونه وتلاقيه ياوووه اغلب الخلطات ماتستغني عنه اكيد عرفتوه وهو جلسوليد الاحمر انا بصراحه عندي منه كم علبه بعضها من السائل بعد بس اني احس به ثقيل اذا استخدمته ولجل كذا نادر ماحطه الا اذا بديت اعتني ببشرتي ركيت عليه خخخخ
عاد هذا اللي غني بالحليب انا بصراحه عندي منه واحد بس وهو المرطب اللي بالعلبه اللي غطها ازرق استخدمه عادي جدا" مهنا زود يعني عشان كذا استغنيت عنه اهئ اهئ
وهذا الكريم من وحنا صغار نتعامل عليه وبصراحه احسه حلو لانه من جد يرطب وريحه شي طبعا" بيه تغيرات ع مر السنين بس برضوه ماشي سوقه عند الاغلبيه ههههه
هذا بصراحه انا ماستخدمت مرطبه بس استخدمت منه منتج بعدها حقدت على الشركه بكبرها اللي هو غسول مزيل لرؤؤس السوداء ورب الكعبه يابنت ماكانت بوجهي رؤؤس سوداء مير القراده رحت استخدمته طلعت بوجهي ع خشمي وخدودي وبفكي السفلي صرت اطر اني اسوي تنظيف لها بين فتره وفتره هئ هئ
بس الي استخدمه منها الحين وهو غسول منعش الي لون علبته مووف فاتح شوي حلو بصراحه احس بنتعاش لما استخدمه وهذا كريم مرطب من نفس الشركه بس للامانه ماهو عندي ابد .
هذي ماركه عالميه بس وربي ماكذب عليكم اني بعد حاقده ع كريم الليل والنهار اللي منها بقول لكم قصتي معها استخدمت حق النهار ماصار معي شي تمام التمام رحت باليل وغسلت الوجهه الصبوح< فيس فاك الكشره> وبعدها حطيت كريم الليل ونمت قعدت الصبح تقولين محقونه سيلكون لين قلت امين وربي ولا وجه كوريه غديت مادري ليه تنفخت مررره عنوني معاد بان منها غير السواد امي وخواتي تخرعو مني يوم قعدت ودخلت عندهم اصيح بعد ماشفت وجهي بالمرايه المهم اني معاد خذت منها ولا شي >>>يزين الخوف
هذا عاد انا استخدم منه غسوله حق حب الشباب وحالين استخدم منه كريم غسول هو ع شكل معجون طيني اذا بغيتيه غسول يصير غسول واذا بغيتيه قناع يصير قناع >>شاطره بالشرح صح
بس مرطبات لا والله مابعد خذت منها ولا مرطب واحد
هذا عاد انا اشوفه عند اغلب الناس واحسه مايستغنا عنه مثل جرجنز لدرجه انه ماتجي عندنا خادمه الا وشوفه معها احسه مهم
هذا عاد حبيب الكل وياكثر مايوخذ بفتره الشتاء احسه يصير مهم بقوه انا عندي منه الانواع المعطره اللي توها طالعه مو القديم وعندي منه السائل اللي توه جاي اللي بخيار وكاكاو ومادري وش غيره المهم كذا واحد عندي منه
كان ودي انزل اكثر واخذ الا اء اكثر بس للاسف ان الموضوع مايحمل اكثر من كذا لاجل كذا انا اكتفي بهالي عرضتها والباقي بقول عنها مجرد كلام بس وانتم قولو لنا عن اللي استخدمتيه منها
عندك كريم بالمسك تلاقيه بعلبه شبه مستطيله وهي مبرومه ويقال عنه المسك العلبه بيضاء والغطاء اسود ريحته ملها مسك
عندك بعد كريمات نكتار بانواعها اللي بالفاكهه واللي بالورد واللي مادري ايش انا عندي منها كم نوع بصراحه مخليتها للطواري اذا اشتقت لريحه المنعشه رحت استخدمها واذا عادي عادي <<<وش رايكم بس بالشرح
ايه ذكرت واحد عندي بعد يقال انه بزبده الكاكاو اللي يجي بعلبه لونها اصفر غامق ونفس الكريم يكون بني لونه هذا انا استخدمه قبل الحمام يعني ارطب جسمي به بعدين اخذ الشور.
بس عاد هذا اللي انا الحين يحضرني اللي تعرف لها كريم غيرها وتستخدمها وتشوف منها النتيجه الحلوة لا تتردد انها تكتب لنا عنها لجل تعم الفائده للجميع.
