نــــــــــوال :

انا اعلمك ان كان على اهلك وجماعتك جيبي شنطه ما تكون كبيره من اللي تنسحب ومقاسها وسط عادي حطي بضاعتك فيها وبعدين اذا جات جمعة الاهل خذيها معك واذا دخلتي فيها هههههههههه بيخافون وشبلاتس في شي بينك وبين رجلك ههههههههههه الله لا يقوله طبعا عاد انتي اضحكي واعملي من هالحركات قولي ابد جارتي مرسلتها وانا لابسة عباتي وتقول شوفيها وحده من اهلهم جايبتها وتقول وش زينها عاد قلت خلني اجيبها هنا اشوفها معاكم ان جازتلنا والا رجعناها لها عاد انتي اجلسي وحطي الشنطه بالنص وافتحيها واجلسي قلبي على انك ما تعرفين وش البضاعه وش امدحيه وش قولي كنه عادي بس سعره حلو مو مثل السوق وشي قولي لا والله هذا ما يناسبني وشيلي اللي ما يناسبك واعطيه وحده من اهلك قولي هذا كنه على مزاجك واضحكي كان البضاعه مهي لك ابد بعدين خذي كم قطعه لك مو تقشين البضاعه لا خذي قطعتين ثلاث وقولي هذي باشتريها وخلي الباقي يختار واذا بغو القطعه اللي بيدك قولي خلاص اجل انا باخذ واختار الثانيه تلاقين البضاعه مشت وانتي تضحكين واطلبي قروشها اول منهم وطلعي محفظتك وقروشك وحطيها مع قروشهم كذا خلاص فهمو ان البضاعه مهي لك واذا بقى شي قولي هاه يا فلانه ما دوك تورينها جيرانكم يمكن يعجبهم شي وخذي ورقه وسجلي فيها اغراض الشنطه وش انباع وش بقى عشان غيرك اذا اخذها بيسجل فتعرفين وش اللي بقى واللي مشي وبكذا خذتي ربحك وبنفس الوقت مشيتي البضاعه وانتي تعطينها احد ثاني قولي والله شكلي بقولها ترسل لنا من بضاعتها شكلها حلوووه وشوفي ردة فعل اللي عندك وحوليك بس لا تعرضينها الا مع الرواتب مو اذا انصف الشهر والا اخرة الشهر تعرضين لا مع الراتب خذيها قاعده ههههههههههههههه وموفقه يارب سؤالك الثاني واللي اعذريني ما رديت عليه يالغاليه بالنسبه لسامبا هالحين لو حسابي انا بالامريكي وانتي حسابك بالاهلي طيب واجي بحولك قيمة البضاعه لنفرض تطلبيني 325 ريال اجي انا احول 325 ريال على حسابك اللي يوصلك كم 300 ريال بس ليه لان البنك الامريكي ياخذ 25 ريال على اساس يحول من امريكي لاي بنك ثاني فانتي نبهي الزبونه انها تحول 350ريال بحيث يوصلك على حسابك 325 ريال من غير ما تخسري فهمتي علي هالحين وموفقه يارب واكرر اعتذاري على التاخر بالرد

انا اعلمك ان كان على اهلك وجماعتك جيبي شنطه ما تكون كبيره من اللي تنسحب ومقاسها وسط عادي...