يالله يالغاليات الدرس الثاني ..احلى رسمه عيون بدون ايشدو,وباقلام تحديدالعين الشفاه

يالله يالغاليات الدرس الثاني ..احلى رسمه عيون بدون ايشدو,وباقلام تحديدالعين الشفاه

اولا.. احب اشكركم وااااايد على ردودكم وثقتكم فيني اللي اعتبرها وسام عصدري وشهاده اعتز بها واحطها تاج عراسى ... وانشالله دوم اكون عند حسن ظن الجميع.

الحييييييييييييييين

اريدكم اتجهزون : اقلام تحديد الشفاه والعيون
الفرشاه المستقيمه وقطن الاذن {طبعا لا تنسون توزيع الاساس والبودره المضغوطه على الجفن الاسفل والاعلى والبودره السائبه } اليوم بختار لكم تحديد ابيض برتقالي وبنفسجي غامج او عنابي وبنفسجي واسود


الخطوه 1

اجيب القلم اللي باللون الابيض الي نستخدمه داخل العين لتوسيعهما وارسم خط تحت الحاجب وامشى بقطن الاذن او اسفنجه اى علبه ايشدواو بصبعج الصغير..

الخطوه 2

1)انمط العين للخلف وبالقلم البرتقالي نرسم العين من الزاويه الداخليه للزاويه الخارجيه وانت ضاغطه عالقلم رايح ياي ويكون الخط سميك .
بواسطه الفرشاه المستقيمه نوزع لون القلم التحديد البرتقالي ونكنسه ونموه على فوق وخارج عظمه العين شوي ثم احرك ايدي وانا ماسكه الفرشاه وبحركات دائريه خفيفه متجه للزاويه الخارجيه للعين . اذا شفتي اللون ابتدي ينمسح في منتصف الجفن مب صار ضبابي في فرق؟؟
ارجعي ومشى القلم عالجفن العلوي عند جذور الرموش العليا ..واستمري تكنسين اللون لين ماتشوفين صار ضبابي فاتح يعني اللون البرتقلي صار بطيخي فاتح.

2) انمط العين للخلف وبالقلم العنابي الغامج وفوق جذور الرموش العليا مباشرتا ارسم خط فوق اللون البرتقالي اللى صار ظلال واوزع بالفرشاه المستقيمه نفس الطريقه السابقه بسسسسسسسسسسسسسس لين نهايه الجفن المتحرك اللي قبل العظمه الفاصله بين الجفن المتحرك والجفن الثابت .واموه اللون لين ما يصير فوشى فاتح.

3) انمط العين للخلف وبالقلم البنفسجي الغامج الليلكي وفوق جذور الرموش العليا مباشرتا ارسم فوق العنابي اللي صار ظلال واوزع بالفرشاه المستقيمه نفس الطريقه السابقه بسسسسسسسسسسسبسسسسسسسسسسسسسس لين نص الجفن العلوي المتحرك مثل اى ايشدو تحطين فوق الايلينر ...عرفت اقصد لوين ؟؟؟؟

يابنات وانتو تحركون ايدكم بحركات دائريه دخلو الالوان في بعضهم مب تخلون لون ورا لون .مثل الدرج.


واخيرا يبي القلم الاسود:
1) اللي عيونها جاحظه او واسعه او جفنها وسيع ترسم خط سميك قرب جذور الرموش العليا من الزاويه الداخليه للزاويه الخارجيه وهي ضاغطه عالقلم وتموه الجزء الاعلى من الخط الاسود السميك وتكنسه شوي على فوق.بفرشاه الايلينر الجافه.وتمط خط اسود تحت الجذور السفلى وتمرر الفرشاه شوي عالخط وتكحل العين من داخل باللون الاسود..او الفيروزي

2) اللي عيونها صغيره او وجفنها صغير ترسم العين من منتصف الجفن العلوي قرب جذور الرموش العليا للزاويه الخارجيه وهي ضاغطه عالقلم . وتخلي مساحه فاضيه عند الزاويه الداخليه للعين. + كحلي العين بالفيروزي
او

تمط خط اسود تحت الجذور السفلى وتمرر الفرشاه شوي عالخط وتكحل العين من داخل باللون الابيض

حطي مسكرتج المفظله +الاساس والبودره
واختاري اي لون حطيتيه لقلم تحديد الشفاه فوق عيونج ومن بنفس قلم التحديد ..حددي الشفاه من الداخل والخارج وفوق جلوس شفاف ....


ملاحظه هااااااااامه للجميع

بدال لا تكلفين على عمرج وتشترين ارواج استغلوا اقلام تحديد الشفاه وفوق جلوس بنفس طريقتي يطلع كان روج يديد ويثبت فتره طويله احسن من اي روج بين كل حين واحين ترجعين تحطين عالشفاه.

انشالله شرحي كان واااضح واي اسئله انا حاضره .. وقريبا شرحي بيكون مع الصور
اقول للجميع اتريا ردكم وموفجين .. وتصبحون عخير بلحق اناملي ساعتين وراي دواااااااااااام .