سلخييييييييييير

كيفك يالكل بالكل وش اخبارك

عزيزتي بغيت اسالك انتي هنا في امريكا وعندك عرب اوخليجيين او سعووديين؟

اذا كان ايه ليه ما تحتفلون بالعيد؟ صدقيني الاحتفال هنا احلى عاد تدرين انه

انالما ارجع للسعوديه راح افتقد الاحتفال بالعيد الاستعداد لرمضان بالطبخ للمسجد

لانه كل يوم على جاليه الطبخ يوم الجاليه الباكستانيه يوم الخليجيه يوم

المصريه يوم الشاميه يوم المسلمين الامريكان و نروح للمسجد نفطر هناكو نصلي

نرجع لبيوتنا بعد التراويح كذا على طول رمضان ويوم العيد الله الله على يوم العيد

والله عمر ما فرحت وانبسطت بالعيد كثر ما افرح وانبسط فيه هنا في امريكا نقوم

نلبس لبس العيد نروح نصلي العيد ونفطر هناك وبعدها نروح لمكان مخصص للاحتفال

وهذا طبعا بعد توزيع الهدايا على اطفال المسلمين كلهم ما شاء الله شوف عاد وش

كثرنا وبعد الاحتفال بالعيد من ثاني اوثالث يوم من العيد عاد نحتفل حنا

يالسعوديات والخليجيات في نادينا وطبعا من غير الاطفال ويالله مسابقات وهدايا

ورقص طبعا وعشاء طالبينه من برا

والله راح افتقد كل هذا لمى ارجع للسعوديه مع الرسميات والتعقيدات

بس الله يسهل والحلو ان الواحد يمر باهذه التجارب والمحطات بحياته والله من اروع

الذكريات وانا عندي كم هائل من الذكريات اللي صراحه مارح اتمتع فيها لو اني

ما مريت بمرحلة الغربه اللي اعتبرها مغامره راااائعه

ولنا وقفات بأذن اللي مع الذكريات اذا حبيت(و) تسمعوها مني او من غيري من

الاخوات الفاضلات

مرحبا بنات

كيفكم؟ وكيف وقتكم صايرين تقضونه؟ أبي أقولكم شي بس ما أبي أحد يفهمني غلط ولا ينظر للأمر من منظار ضيق..أنا أبي أتكلم عن بعض الفئة من البنات..وللأسف سعوديات..انا ما أبي أتكلم وأعمم وأقول خليجيات أو عربيات لأني ما خالطتهم لسه...

للأسف الغربة تخلي الوحدة زي الغريق يدور على أي قشة..يعني من تسمع عن وحدة سعودية جنبها أو جارتها على طول تحاول تكون صداقة معاها عشان يمر وقت الغربة بدون ما يحسو بطفش ووحدة...بعدين الوحدة تنصدم وتتفاجأ من خلفيت هذه الفئة وطريقة تفكيرهم وتعاملهم..يمكن أعزي الأمر لطريقة تربيتهم وهي أقل ما تنوصف فوضوية..أو كثرة الجلسة في السعودية من دون هدف أو محاولة لتغيير واقعهم ونمط حياتهم السلبي

يعني للأسف تلقي الوحدة منهم في أول لقاء معاها تتدخل بشكل غريب في خصوصياتك أو تتكلم عن زوجها وانتي لسه ما عرفتيها..يعني أنا مو عندي عقد واتيكيت وحركات لا بس لكل زيارة أدبها واحترامها خاصة أول لقاء يعني الوحدة تتكلم بمجاملة..تكون لطيفة وهادية...سبحان الله في ناس القبول تلقيه من وجهها...

مثلا جو هنا كم بنت سعودية..وأنا من طبعي ما أحب اختلط بأي أحد غريب الا اذا ارتحتله ومر فترة لين ما أطمنله..وللأسف وأعيد للأسف هم منقبات وأزواجهم مطاوعة...يعني المنقبة واللي زوجها مطوع أيش تتوقعي منه؟ أنه يكون قمة في الأخلاق والمعاملة الجميلة...رسولنا الكريم عليه أفضل الصلاة والتسليم كان أمة في الأخلاق..وديننا المعاملة..فالواحد لما يكون بهالدرجة من الالتزام المفروض انك ترتاحله على طول..أنا ما أعمم كلامي أنا أتكلم عن فئة معينة

للأسف أول شي يسبوا عيالهم..أو أطفالهم بالأصح..لا وكيف ينادونهم؟ تعال الله يلعنك!! ليش يا ناس؟ أنا ما أطيق اللعن ولا أحب أجلس من ناس تستخدمه في كلامها..وغير كذه قامت وحدة تضرب كف لولد وحدة ثانية وهذيك عادي عندها وجالسة..وصراخ في الكلام..صراحة أنا ما عدت نص ساعة الا سحبت نفسي ورجعت البيت واتندمت جدا اني رحت..لا وكمان عيالهم يصرخوا بأعلى صوت ويرموا جزم على الجدران لين ما جات جارتنا انقليزية عجوز قالت لو سمحتوا وطوا أصواتكم ومايصير هالازعاج..الا هم عصبوا ويسبوها؟! كيف كذا أصلا الناس لها حقوقها والتعامل الحسن مع المسلم والكافر سواء..يعني أنقهر من الناس اللي تقل أدبها مع الأجانب..هذول ناس متعودة على النظام مو الفوضى..ويا غريب كون أديب لكن مين يفهم

في ليبية هنا كمان..سبحان من خلق وفرق..منتهى الأدب في التعامل

اعذروني على صراحتي لكن فيني عبرة وأحس أبي ابكي من القهر...


بشاير

اهلين maui
كيفك يا عسل؟
بالنسبه للمدينه اللي اعيش فيها قبل 3 سنوات كانت مليااااااااااااااااااااااااانه من السعوديات بس الحين الكل راح
وما بقى الا القليل يمكن 3 عائلا. بعضهم ما بيني وبينهم الا سلام وعليكم السلام بسسس
وتعرفين فيه ناس ما تقدرين تكيفين نفسك معاهم..صدقيني مو بيدك هذا شي غصب عنك .. ما فيه انسجام ابدا
ومهما كان العيد مع ناس ما يربطك فيهم الا انكم بغربه ماله ايييييييي طعم
صراحه هنا نظام الشله والجماعات تلاقي قلوبهم مهي على بعض .
...........................................
مع اجمل تحياتي وشكرا على المرور

السلام عليكم ورحمه الله وبركاته
والله يا بشاير انتي صادقه ما ادري وش فيهم الله يهديهم
؟
يعني مو بس بالنسبه للتلعين واللسان البذيئ بل يتعدى هذا ليصل اذاهم الى الناس
طبعا انا اتكلم عن البعض وليس الكل ...البعض وليس الكل.. البعض وليس الكل
...........................................
:(

الكل بالكل
ياحبيلك ياقمره انتي "قمره مفرد قمر"

اقول ارسلك الرقم على الخااص ؟؟ خخخخخخخخخ
انا ادعي ربي انها تكون معانا بالمنتدى واتقرء كلامي وتعرفني وتعرف اني ودي بس مستحيه وتدق هي