السلام عليكم ورحمة الله وبركاته
انا متاخرة عن الحمل كم سنة استخدمت جميع المنشطات الطبيعية وتابعت مع دكتورة ومافاد , حولتني على اشعه الصبغة , كنت اقول في نفسي لا مو معقول ان شاءالله ماحتاجها , لما شفت الموضوع طول عزمت اعملها لاني وصلت لدرجة من التعب النفسي والالم مالله به عليم في حملاتى اللي قبل كنت مجرد ماخذ اعشاب سبحان الله احمل هالمرة مافي فايدة , شهر 3 استخرت الله اعملها وكنت خاييييفة كثييير وهلكت نفسي قراية عن التجارب ورحت لأكثر من مستشفى وماتيسرت لي امنت انها خيرة الشهر اللي بعده استخرت برضه وربي يسر لي بكرمه وعملتها , طبعا كنت ارتجف من الخوووف طلبت مسكن الممرضة ربي يسعدها عسل قالت لا ماتحتاجيها بعده اعطيك , دخلت الغرفة ولما شفت السرير خفت شكله مثل العمليات وعليه جهاز فوقه , توكلت على الله وتشجعت , الممرضة اخلاقها عسل عسل راعتني كثيير وطمتني انه مافيه الم وبسيطة تمددت على السرير ودخلت اشياء للامانة ماحسيت فيها اعتقد ماحطت الحديدة لاني قلت لها تؤلم قالت ماحطها لك وهي طول الوقت تذكر الله ارتحت بعدين دخل الاخصائي حق المختبر
وبدأ الشغل في المرة حسيت بالم مثل الدورة قالت لي احنا فتحنا لك واحد والباقي مسكر ورجعوا ضخوا الصبغة من جديد وكان بأقوى بصراحة حسييت بالم ماقدرت احتمله لانى انابيبي مسدودة بس الالم ماطوول ثوانى وخلصوا وارتحت نفسيا وحمل انزاح عني وصدمتي كبيرة لما قالت كلها مسكرة وفتحناها لك لما رحت للدكتورة الثانية قالت مش شايفة الا انفتاح بسيط عيديها بعد كم شهر , سلمت امرى لله وبحكم اني عاملة كذا قيصرية ممكن تكون سبب قوي للأنسداد , الان شهرين بعدها وماربي كتتب .
والخلاصة ياخواتى اللي تبي تسوي الصبغة تسويها لاتتردد صدقونى بترتاحون نفسيا والالم وقتها بس ويتفاوت من وحدة لوحده يمكن لانى ماخذيت مسكن حسيت بالم , ونفسيتي جدا تعبانة لانى تعبت من التفكير والانتظار وكل شئ جربته وتأملت بعد الصبغة احمل , الله يفرجها علي وعليكم
وادعوا ان الله يرزقني عاجلا بالحمل اللي ابيه
همـــ النسيم ـــس* @hm_alnsym_s_1
عضوة فعالة
يلزم عليك تسجيل الدخول أولًا لكتابة تعليق.
قلب دوحة
•
الله يرزقك بلي تبين
الله يجزاك خير على ذكر تجربتك
وبجد هي سهله والمها جدا بسيط مثل مغص الدوره بالضبط
الله يكتب لك الحمل السليم يارب والجميع يارب العالمين
وبجد هي سهله والمها جدا بسيط مثل مغص الدوره بالضبط
الله يكتب لك الحمل السليم يارب والجميع يارب العالمين
الصفحة الأخيرة