ياللي زهئانه وحابة تتسلى تجي تسمع اخباري

سلام يا بنات كيفكم وشو اخباركم
الله يسامحكم ازا غبت مليونننننننننننننننننننن سنه ما حدا يسال عني
:icon33:
على كل انا حابة احكيلكم شو صار معي واخر اخباري بعد اخر فحص لزوجي
وانا بحكيلكم من هلا قصتي لسا ما الها نهاية مشان ما تضلو تقراوو تقراوو وبعدين تحكو هي بتضحك علينا لسا ما صار معها شي
:angry2:
هاد يا بنات انا كتبلكم ازا بتتزكرو انو زوجي غير مقتنع لا باطفال انابيب ولا بشي وانو اللي عندها نصيحه تشجع زوجي يا ريت
( تزكرو اني حكيتلكم انو زوجي كل فحص الو ينزل العدد مليون كان 6 مليون هلا صار مليوووووووون )
وفعلا ما قصرو البنات
وبالزات يا عيني على الشرقية
الله يجزيها الخير عنجد شجعت زوجي كتير بكلامها
وكلمة منى غادة لما كتبت استغلي وقتك وعمرك ولا تضيعي وقتك سدى
المهم خلصت امتحاناتي من هون وطبعا لا تسالو على النتائج
بس عادي في شي اهم بالنسبه الي هلا
وحكينا على مستشفى فرح على زيد كيلاني وكان هاد الحكي يوم التنين ابل اسبوعين والله مالي متزكرة كتير سامحوني
المهم وحكتلو الموعد باخر شهر 9 ونحن انجنينا
وحكالها زوجي الامر ضروري لانو كنا بدنا نسافر يوم الجمعه ومن هالحكي لما الله يرضى عليها دبرتلنا موعد
ورحنا على المستشفى يوم الخميس والله انتظرنا انتظار ما بيعلم فيه غير الله
وفوتونا بعدها على اوضه فكرنا اجا الدكتور ولا اجا دكتور مساعد اخد بياناتنا وكل شي
اسمو تيسير
:angry2:
بس عنجد انو زهئنا عيشتنا ضايع هالزلمة بحالو وبالو
وبنحاكي بالشرق بحاكينا بالغرب
بالو مشغول كانو
ويضل يحكيلنا لما يجي الدكتور لا تنسو تحكولو اني انا حكيتلكم عن هالموضوع
بس هامو الدكتور زيد ما ياخد عليه ممسك
ولا فات الدكتور زيد وهو بيحاكينا رجال مشالله كبير عمرو بجوز 75 سنه مشالله عنو
بيحكيلو شو يا تيسير خلصت حكالو لا لسا ضايلي 5 دقايق حكالو طيب انا طالع ولد وارجع
انا انصدمت حكيت شو هي الولاده خمس دقايق وبهالسهولة
والله انجلطت بعد هالانتظار وكمان بدو يطلع يعمل ولاده
واستنينا كمان ساعه وضل يحكي معنا تيسير وكل الاسئله سالنا ياها لما اجا الدكتور زيد
حكا 5 دقايق بالعدد
لما ترجعو من السفر بتعملو فحص بالمستشفى عنا لانو ال الالة اللي عندهن ازا حقها باي مستشفى 10 تالاف دينار عندهن حقها 100 الف دينار
وانو هي كتير دقيقه والدكتور ما بيسق غير بنتيجتها
وبعدها ما رح يضيع وقتنا ولا يلف ولا يدور حيحكيلنا شو نعمل وخلص
وحكا ما بدنا نخلي الشي السهل يصير صعب
وراح
المهم سافرنا على الشام باجازه وانبسطنا وكان موعدنا التاني يوم السبت مبارح
عمل الفحص الصبح زوجي وطلع عندو العدد مليون ولاول مره طلعت الحركه صفررررررررررررررر
طبعا انصدم زوجي صدمه مو طبيعية
ورحنا على الموعد تبع الدكتور وكالعاده انتظرنا مليون ساعه
لما اجا تيسير
:angry2:
ال بس شافنا انبسط ال متزكرنا مزبوط لانو ال نحن couple كتير حلوين ولابقين لبعض
وال مرتاحه اعصابنا كتير مو متل الناس التانيين
:09:
حسدنا
مع انو لو يعرف شو في بالقلب ليبكي علينا
:icon33:
المهممممم
كالعاده ضل يحكي لما وجعنا راسنا
وبنسالو بالشرق بجاوب بالغرب كالعاده
بنحكيلو لو كنت محلنا شو بتنصحنا بيحكي استغلو وقتكم احسن استغلال وباسرع وقت
بيحكيلو زوجي طيب لو اجلنا بعد رمضان شو رايك بيحكي براحتكن اللي بدكم ياه اعملو
:angry2:
ونرد نسالو ويجاوب نفس الشي
جننااااااااااا
لما اجا الدكتور زيد
وحكا انو خلص ندخل باطفال انابيب long protocol
وبدنا على الدورة الجاية او اللي بعدها مو مشكله
وال بنبلش عد لما بدنا 21 يوم وبعدها ببلش اجي اخد ابر عندهن
طبعا زوجي قرر انو للدورة اللي بعدها مع انو لو مني وعليي ببلشها هلا
:42:
وحكينا بنستخير ومنو بندعي بليله القدر وبنكون اخدنا كل الفرص اللي معنا وتكلنا على الله وخلصصصصصصصصصصصصص
وكمان وصف لزوجي ادوية ل كرينتين وفيتامين e وابر pregnyl كل 5 ايام ودوا تاني ناسية شو اسمووشرب مي كتييير
ويغسل بماء بارده يومي 3 مرات وما يعرض حالو لحرارة اكتر من 36 وازا اضطر يضل يغسل بمي بارده الخصيتين
وزنجبيل كتير مهم
وحكالو لاااااااااااااااااازم تنزل وزنك كل كيلو زياده عن الطبيعي في ارتفاع حرارة وقلة عدد
والحمد لله رب العالمين بعد الاستخارة شو ما رح يصير يصير بكون الله كاتبلنا فيه الخير
وصحيح عطاني كتاب هو كاتبو في كل المعلومات المهمة عن طفل الانابيب من تكلفة لطريقة لكل شي
ووصفلي فوليك اسيد من هلا ضل اخدو لما احمل
واي وحده بدها اي سؤال ممكن ازا عندي معلومات بجاوبها عليه
وحكالنا التكلفه مع ادوية وكل شي 1800 دينار
وهيييييييييييييييي اخر قصصي
:angry:
اكيد زهقتكن بعرف سامحوني
:09:
بس والله حابة احكي معكم لانو مالي غيركم يسمعني
وعنجد ازا في اي نصيحه نصحوني فيها انتو اقرب ناس الي بهالموضوع
ونشالله يا رب ما تجي السنه الجاية الا وكلنا حوامل ياااااااااااااااااااااااااااااا رب
يالله بنتظر ردودكم
وسامحوني مره تانية لاني كتيره حكي
وبلييييييييييييييييييييز ادعولي الله يخترلي الخير ويرزقني بوبيات حلوين متل اللي بتوقيعي ان الله على كل شيئ قدير