يالمتزوجات ادخلوا واكتبوا شو اكثر شي يضايق ريلج فيج؟

هلا خواتي :26:
كلنا نعرف انه مستحيل في هذي الدنيا يكون في رجال ما يعصب
وكل رجال يختلف عن الثاني في الاشياء اللي تضايقه من زوجته
عشان جذيه كل وحده تكتب لنا عن اكثر شي يضايق ريلها فيها

ولأبدأ أنا ...........

أكثر شي يضايق ريلي لا وبعد يكرهه فيني شي يقولي سويه ويرجع يعيد الطلب فيه مره ثانيه
يعني.....
لو ما عجبه شي وقال مره ثانيه ما اريد اشوف هذا الشي موجود في البيت
شسوي
أكيد ما راح ينوجد في البيت مره ثانيه (مالي كلمه بعد سي السيد) :arb:
المهم
كوني حرمه وبعد مرور فتره من الزمن وهدوء الاوضاع يمكن ينوجد هذا الشي وخصوصا اذا ما كنت استغنى عنه
وهنيه شو يصير
هااااااااااااا
ليش أنا ما قلت ما اريد اشوف ها الشي من قبل؟ :16:
ها
يعني كلامي ما يمشي :o

يعني انتي تستغفليني :06:

انتي دايما جذيه..........

كله تكسرين كلامي :angry:

الشرهه مب عليج ..........الخ :09:

والحين وصلت المعلومه فأكيد كل وحده لها رايها في هذا الموضوع
واتمنى نتواصل مع بعض عشان ما وحده منا تتضايق من ريلها واتحس انه منغص عليها حياتها
وعشان نحس ان كل الرياييل في الهواسوا
والله يصلح الاحوال
ويوفق كل زوجه مع زوجها
وترضى كل وحده منا بما قسم الله لها
والحمد لله على كل حال