@هجوري@ @hgory

محررة برونزية

يالمتزوجات لاتبخلون على والله محتاره

اولا السلام عليكم ورحمة الله وبركاته
ثانيا داخله على الله ثم عليكم انكم تبدون رايكم بهالموضوع انا يابنات من تزوجت وبكل سفره مع زوجي لازم اهله معانا يعني امه واخته كان عمره او سياحه ماقد مره سافرنا لحالنا مرات اتمنى اروح لحالي انا وهو وعيالنا بس هو لازم يقول لاهله وانا مااعترض اقول لا اهله وحرام ومدري ايش مع انهم ماشاء الله لافين العالم كله يعني حبكت على الدوله الي بروحلها المهم اخر مره في ماليزيا صار بينه وبين اخته زعل وكلام حاد على ايش ما ادري وتخيلو انا معاهم ولا حسسوني بشي الا يوم رجعنا قالي زوجي واستغربت
السالفه ادري طولت عليكم بس زوجي ناوي يسفرني بعد كم شهر وهو حالف انه مايقول لاهله يجون معانا بسبب المشكله الي بينه وبين اخته وانا ساكته ما ابديت رايي بس من داخلي شايله هم اخاف ام زوجي تفتكر انا مابيهم معانا وهي شديده شوي اخاف تقولي ماقلتولنا ولا ماتبونا يعني تحرجني وانا الله العالم اني ماتكلمت بكلمه بخصوص اهله كل ماقال شي قلت براحتك انت واهلك
انتو شرايكم عادي نروح بدون مايقولهم
يجون معانا ولا كيف والله محتاره ساعدوني
بنات ترا هو مش وحيدهم هم 4 اولاد 3 متزوجين وكلهم يسافرون مع زوجاتهم لحالهم بدون مايخذون امهم حتى الحج راحو ولا قالولهم

947

يلزم عليك تسجيل الدخول أولًا لكتابة تعليق.

تسجيل دخول

فقدتك.. • 13 سنة

من حقك تسافرين وحدك طالما عنده اخوان يعني ماهو وحيدهم وسعي صدرك وانبسطي

امل عبدالحي • 13 سنة

سافري وطنشيهم مدام زوجك راضي سافري ولو ايش مايقولون اهم شي جات من زوجك انتي اسكتي وسافري ولاتجبين طاري لاهله عنده

هدوووووؤ • 13 سنة

خلاص ياحلوه ماعليك من امه خليها تكلم
هاذي امه وهو واهله كيفهم لاتتدخلين
بينهم بعدين تطيح المشكله براسك
سافري لحالك وانبسطي مع زوجك

الله يوفقك ويكتب لك السعاده ادنيا واخره

الـهـيام • 13 سنة

اسكتي ولا تقولين شي لهم او لزوجك من حقك تسافرون بروحكم وتستانسون ..
واذا سألتك بعدين ليش تسافرون بدون ماتقولون لنا قولي مادري اسألي فلان الي هو زوجك ..

همس قلم • 13 سنة

والله روحتك لحالك مع زووجك من حقك وحقه بعد...ليش يزعلون ومو من حقهم يقولون نروح معكم مدام انه مو مقصر معهم...اوكي تطلعون مع بعض طلعات عائليه احيانا بس مو دايما!!!! كذا بيكون على طول تحسي فيه حاجز بينك وبين زوجك.... انا ما عندي اولاد بس افكر بعد ما يجونا باذن الله انه لازم يكون لنا طلعه بروحنا من غيرهم ....فكيف بالام والاخت!!!!