حبيت انقل لكم هالتجربه واي وحده مقصره بحق زوجها تنتبه
السلام عليكم يا أحلى فراشات
اليوم حبيت افيدكم بتجربة بنت خالتي مع ام زوجها
بنت خالتي مهمله جدا لبيتها و عيالها وزوجها
اترك لكم القصه اللي راح تكون على لسان بنت خالتي
يلا استمتعوا مع القصه
( انا بصراحه شديده كنت انسانه مهمله جدا والله بيتي دايما وسخ وعيالي فوضويين ومشاغبين لدرجه كبيره وزوجي دايما يشتكي من ازعاجهم
والله يابنات حتى الطبخ يوم اطبخ وعشرة ايام لا وكله على حساب زوجي وعيالي
احيانا يطلبون من المطعم واحيانا يجلسون بدون اكل
كل هذا لاني انسانه احب الرااااحه والاسترخاء
دايما منسدحه عند التلفزيون واتفرج مسلسلات او برامج وتاركه البيت يعفن
واذا عزمت احد في بيتي انظف مكان الضيوف بس والباقي اخليه على حاله
ولي سبع سنوات وانا على هالحال ودايما زوجي يهاوش ويسب وانا انظف قدام عيونه واذا راح ارجع اتسدح
وانا في قرارة نفسي موراضيه ومو مرتاحه لمنظر البيت
غرفة نومي كانت حظيرة اغنام فيها بقايا الاكل والمناديل الوسخه وانواع القرف والمفرش معفوس فوق تحت وزوجي الضحيه لانه ينام فيها
اناطبعا من زمان هجرت هالغرفه وصرت انام مع عيالي في غرفتهم الوسخه بعد
ودايما طفشانه ومتوتره واقرر انظف البيت بس ما انفذ شي
وفي يوم من الايام رحت انا وعيالي لاهلي
وام زوجي واخته جو عند زوجي في البيت ودخلوا وشافوا البيت وطلعوا الزبايل ونظفوا البيت بالكامل وبخروه وعطروه
وام زوجي اتصلت علي وقالت لي كلام جرحني وغيرني ميه وثمانين درجه
قالت ولدي مو مجبور انه يعيش مع زوجه وسخه ومهملته والحريم على قفا من يشيل وكل وحده اسنع من الثانيه وش حاده عليك يالوسخه
انا من الفشيله مارديت علها ولا كلمه سكرت التلفون وانا مندهشه من كلامها
وعلطول قلت لخوي يرجعني لبيتي واخذت عيالي ودخلنا البيت وعيالي ماصدقوا انه بيتنا لانه كان نظيف وريحته حلوووه
دخلت لقيت زوجي قاعد ويطالعني بنظرات حاده
رحت عنده وانا ابكي صدق يافلان بتزوج وحده غيري
قال والله محد بيلومني لو تزوجت وهذا امي واختي شافوا البيت وبيعذروني لو فكرت اتزوج
قمت اصيح واحب ايدينه ورجوله وعاهدته اني اتغير ومعاد يشوف البيت القديم ون اليوم ورايح راح احافظ عليه مثل مانظفوه امه واخته
قالي بالحرف الواحد بنشوف
والحمدلله بيتي الان له ثلاث شهور نظيف دايما ومبخر و صرت اطبخ كل يوم لزوجي وعيالي وكله خوووف من الضره
اتمنى الكل يستفيد خاصة الزوجات المهملات مثلي )انتهى كلامها .....
بعد عندي قصه ثانيه عن رجال يشتكي من زوجته تخيلوا ...!! مهمله لدرجه كبيره اقرووا معي ويش يقوول ::
ياناس خلااااااااص مليت من زوجتي وربي طفشت صارلي خمس شهور متزوج ولاتهنيت بحياتي والله ماتصدقون لو قلت لكم اني ساكن فوق محل يبيع ورود وشبه يومي اشتري لها وردة ماتصدقون وش اسوي معيشها ملكه بس الله يهديها عنييييييييييييييدة البيت دايم ادخل احصلها وسخة الله يكرمكم وكذلك الملابس تصدقون انا اكثر شي اغسل لين طفشت وسرت اروح للمغسلة وحتى الطبخ انا بعض الأيام اطبخ ههههههههههههه >>>>> الشيف رمزي على غفلة..
لاتزعلون من كلامي انا افكر الحين اننا ننفصل وكل واحد يروح بطريقة لأني اذا ناقشتها تزعل وتنكر هالشي!!!
مرة كانت البيت وسخة مرة مرة واتصل اخوها وقال ودي اجي اتقهوا معك قلنا الله يحييك قامت زوجتي تنظف بسرعة وتواسي وتغسل وتمسح تقول عشان ياويلي مابيه يشوف الشقة كذا ويعلم امي وبعدين تهاوشني سبحان الله ناس غريبة...
ابي احد يحس فيني وافضفض له واشكي بس للأسف مااحد فاهمني آآآآآآآآآآآآآآآآه :1003:
نقلتهم لكم للفائده لان في بنات للاسف كذا وهم مايدرون ان الزوج يفكر بالطلاق او الزواج باخرئ فقط لسبب واحد وهو النظافه
يعني معقووله تخلي زوجك يتزوج عليك او يطلقك عشان انك مهمله
والله باكر يقولون الناس امها ماعرفت تربيها
وكلام الناس مايرحم انتبهوا خوااااااااااتي وتحياتي
شوق هواه @shok_hoah
عضوة
يلزم عليك تسجيل الدخول أولًا لكتابة تعليق.
من الزمن الجميل
•
والله الحين ينظفن ويطبخن ويتطلقن ......
اتوقع ..الزواج والطلاق والحب والكراهية رزق ونصيب. .ومالنظافه الا من الاسباباتوقع ..الزواج والطلاق والحب والكراهية رزق ونصيب. .ومالنظافه الا من الاسباب
بس الوساخه تسبب توتر حتى لو في حب مستحيل احد يحب وحده وسخه ولا يقعد في بيت مجرب محد مجبور
ما بعرف وما بقدر أتخيل كيف انسانه كبيرة بتقدر تعيش فمستنقع زبالة .الموضوع مش خوف من الضرة ولا خوف من الناس اللي راح يشوفو وساختها.المشكله والخوف من الامراض اللي بتنتج من هالوساخه.وكيف قلبها بيرضيها تترك اولادها بلا اكل وبلا تغذيه صحية.والله اني كل يوم بكون افكر شو بدي اطبخ من الليل ومن الصبح بنظف داري وبطبخ.قبل الساعه 12 داري نظيفه واكلي جاهز.وعندي خمس اطفال الله يحفظهم.يعني مش لحالي .بس لازم الواحده تكون قد المسؤؤليه والا من الاساس ما تتزوج ولا تخلف.اما عاد دار وسخه وطبيخ ما في وبس نوم وتلفزيون.اللي زي هذي مش انه يتزوج عليها لا المفروض يطلقها وبالعشرين كمان.لانه هي من الاساس ما بدها هالمسؤؤليه.
الصفحة الأخيرة