يالوعة الهم ... لما نكبر ونفهم

السلام عليكم ورحمة الله وبركاته

خواتي فالله بنات وحريم عالمي الرائع عالم حواء

اخوتي فالله من أبناء آدم وحواء

الله يعلم اني ما كتبت هالكلام الا وانا في عز الضيق والهم من كثر التفكير فالموضوع
ومب قادره انتظر متى يوصل باجر عشان اتخذ أول اجراءاتي

قلت اكتب الموضوع واشوف رايكم ونصيحتكم لي عشان اريح عيون أغلى انسان على قلبي
أبويه ربي يحفظه ويريح قلبه وين ماكان

السالفة تبدا من سنوات عدة ما أذكر عددها بالضبط لكن اتخيل انها مب اقل من 9 او 8 سنوات

لما خذ ابويه سلفية من البنك >>> طبعا هالبنك ياخذ فوايد :(

كنت صغيرة ولا افهم شي من هالدنيا كل همي انه شرينا سيارة يديده وعدلنا البيت وكبرناه

مرت السنوات وانا اسمع انه ابوي عنده دين وكل شهر البنك ياخذ جزء من الراتب عشان يسد الدين

بس هالكلام صارله سنين وهو على هالحال ما تغير

طلع ابويه للتقاعد قبل تقريبا 5 سنوات اذا ماخانتني الذاكرة

وطبعا راتب التقاعد يصير اقل من الراتب الاولي لكن البنك كان ياخذ القسط ومافي اليد حيله

لما بدينا نسأل عن السلفية وكم باقي عشان تنسد ونرتاح من همها اذكر انه ابويه قال انهم
للحين اللي سده هو الفوايد بس وباقيه السلفية الاساسيه لين يومكم هذا وهو يسددها

كبرنا احنا العيال وكلن في همه اللي اشتغل واللي تزوج واللي يدرس واللي مسافر>>> هذي انا :(

بس صارتلي فترة وانا افكر في موضوع الدين اللي على ابوي
وأحس اني مهمومه بسبب هالسالفة لأني اعرف المديون ما يعرف طعم الراحه لا فالنوم ولا في اي شي في هالحياه
وبعد لأن العمر يمضي ومحد يعرف لين متى بيعيش واريد احاول كثر ما اقدر اشوف امي وابويه وهم مرتاحين في دنياهم

لأني كبرت وفهمت وعرفت انه ابويه متسلف من بنك ربوي :(
وهالسلفية كانت عشان عياله اكيد وعشان مايحسسنا بالنقص

والحين راسي بينفجر من كثر التفكير فالموضوع واحس السالفة فيها ان ومش معقول
للحين ما انسدت السلفية

امي الله يعينها تعبت من كثر ما تقول لأبويه روح راجعهم وشوف كم باقي وشو صار
وابويه يقول انهم للحين يقصون من راتبه يعني للحين ما انسدت السلفية

وانا متضايجه ماشوف حد مهتم بالسالفة مع اني اعرف انه ابويه يفكر فيها وايد
لكن مب متشجع يروح ومحد ماخذ بايديه وسأل عن السالفة

كلن لاهي ويالله نفسي نفسي

المشكلة اني ماعرف كم متسلف بالضبط لكن ابصم بالمليون انه ما يتعدى 250 الف لأنه البنك يرفض
يعطي اكثر من هالسلفية واذكر كنت اسمع انه ماخذ فوق الـ 100 ألف ماريد اجزم ولكن اتوقع انه 160 ألف وعلى هالاساس بكمل حساباتي عشان تقولولي اللي بسويه صح او لا؟؟؟

يعني إذا قلنا انه المبلغ 160 ألف
والبنك ياخذ نسبة على المبلغ كامل عبارة عن 9 % الله ياخذهم يارب ويفك الدنيا من شرهم

بيطلع اللي مطلوب انه يسده عباره عن 160 ألف + 14400 (9%) = 174400 درهم

وابويه صارله تقريبا اكثر من 10 سنوات لكن بحط ادنى رقم للسنوات اللي هو 8 سنوات من بدايه
السداد لليوم

12 شهر في كل سنة يعني 12*8 = 96 شهر
أقل مبلغ يقصونه من راتبه وهو لما تقاعد وكان 2000 درهم شهريا
يعني خلال الـ 96 شهر 2000 * 96 = 192000 درهم !!

اللي المفروض يدفعه هو 174400 درهم وهو دافع تقريبا 17600 درهم زياده !!

مادري اذا حد فهم الحسابات لأني من الصبح وانا قاعده احسبها واحاول اوصل لقرار

انا دخلت موقع البنك على اساس اشوف سياستهم اذا بغيت اخذ قرض منهم

القرض الشخصي اقل شي 10 آلاف واعلى شي 250 الف
النسبة الربوية 9 % من القرض
أقصى حد لوقت السداد 96 شهر>> للمواطنين
اقل قيمه شهريه مدفوعه 2000 درهم


القرار اللي اريد اتخذه هو :

اتصل بالوالد واقنعه يعطيني كل المعلومات اللي تخص القرض
منها السنة اللي خذ فيها القرض وكم القرض كان وكم كان يدفع شهريا وكم سنة صارله

وبعدها اتصل بالبنك واناقشه فالموضوع عشان اعرف السالفة كلها وليش للحين يقصون من راتب ابويه اذا كان مسدد السلفية والفوايد؟؟

لكن متردده لأن:

بعيييييييييييده كليا عن ابويه وعن البنك وكل اللي بسويه بواسطه التلفون!

ماعندي اي اثباتات في ايدي اقدر اواجه البنك فيها!

وماعرف شو القوانين اللي تخص البنوك والفوايد !

هل احتاج الى شخص ثقه يراجع البنك ؟؟ >>> هذي صعبه لأن السالفة صارلها سنين والكل مهملها


ياربي رحمتك وعفوك ومغفرتك والله يعييييييييين ويرحم

انتظر ردودكم